https://www.facebook.com/425682811501374/

Qax şəhəri Vaqif Əliyev adına 3 nömrəli tam orta ümumtəhsil məktəbi, Heydər Əliyev prospekti 27 A, Qax (2026)

24/06/2026

Türk Dünyasında Yeni Geosiyasi Reallıqlar və Azərbaycan-Türkmənistan Münasibətləri

2026-cı il iyunun 22-də Türkmənistan Prezidenti Sərdar Berdiməhəmmədovun Azərbaycana rəsmi səfəri və Prezident İlham Əliyevin mətbuata bəyanatı iki qardaş ölkə arasındakı münasibətlərin çoxşaxəli və strateji xarakterini bir daha nümayiş etdirdi. Bu bəyanat sadəcə cari diplomatik əlaqələrin xülasəsi olmayıb, təməli dərin tarixi köklərə, ortaq mədəniyyətə və sarsılmaz mənəvi bağlara söykənən səmimi tərəfdaşlığın gələcək hədəflərini müəyyən edir.
Münasibətlərin ən mühüm mənəvi və siyasi göstəricilərindən biri kimi, Azərbaycanın işğaldan azad edilmiş ərazilərinin, xüsusilə Qarabağın dirçəlişi və yenidən qurulması prosesində Türkmənistanın göstərdiyi qardaşlıq köməyi xüsusi fəxrlə vurğulanmalıdır. Prezident İlham Əliyevin bu dəstəyə görə Türkmən xalqının Milli Lideri, Arkadağ Qurbanqulu Berdiməhəmmədova şəxsən təşəkkürünü ifadə etməsi, dövlətlərimiz arasındakı qarşılıqlı etimadın və çətin günlərdə nümayiş etdirilən həmrəyliyin ali təzahürüdür.
Bu səmimi münasibətlər həm də beynəlxalq və regional platformalarda bir-birini fəal müdafiə etmək sadiqliyi ilə tamamlanır. Azərbaycanın Mərkəzi Asiya Dövlət Başçılarının Məşvərət Şurasına tamhüquqlu üzv qəbul edilməsində Türkmənistanın göstərdiyi fəal dəstək, Bakı ilə Eşqabadın Türk dünyasının bütövlüyü və inteqrasiyası naminə atdığı strateji addımların mühüm nəticəsidir. Mövcud geosiyasi məkanda coğrafi şəraitin və Xəzər dənizinin birləşdirici rolunun real uğura çevrilməsi isə birbaşa olaraq liderlərin qətiyyətli siyasi iradəsindən asılıdır. Güclü siyasi qarşılıqlı fəaliyyət olmasaydı, heç bir coğrafi mövqe ölkələrimizin səylərini bu dərəcədə səmərəli birləşdirməyə imkan verməzdi.
Nəticə etibarilə, Azərbaycan dost və qardaş Türkmənistanın beynəlxalq arenada qazandığı bütün uğurlara öz uğuru kimi sevinir. Bu bəyanatda əksini tapan fundamental fikirlər sübut edir ki, hər iki dövlətin birgə addımları təkcə ikitərəfli rifaha deyil, bütövlükdə regionun təhlükəsizliyinə, sabitliyinə və iqtisadi inkişafına misilsiz töhfə verir.

23/06/2026

Qax şəhəri Vaqif Əliyev adına 3 nömrəli tam orta ümumtəhsil məktəbdə metodik görüş keçirilib.
Şəki-Zaqatala Regional Təhsil İdarəsinin aparıcı metodisti Tükəzban Maxsudovanın təşkilatçılığı ilə məktəbimizdə növbəti metodik görüş baş tutub.
Görüşün əsas məqsədi tədris ilini yüksək səviyyədə yekunlaşdırmaq, qarşılaşdığımız çətinlikləri təhlil etmək və yeni tədris ili üçün qarşımıza qoyduğumuz hədəfləri müəyyənləşdirmək olub.
Görüş çərçivəsində müzakirə olunan əsas məqamlar:
Təlim nəticələrinin analizi və metodik fəaliyyətin təkmilləşdirilməsi;
Növbəti ilin təlim planının hazırlanması istiqamətində müəllimlərin rəy və təkliflərinin dinlənilməsi;
Dərsliklərlə bağlı sorğuların təşkili və qiymətləndirilməsi;
Məlumat təhlükəsizliyi və şəxsi məlumatların qorunması barədə maarifləndirici söhbətlər.
Səmərəli fikir mübadiləsi şəraitində keçən görüşdə müəllim heyətinin təklifləri diqqətlə dinlənildi və təlim prosesinin keyfiyyətinin daha da yüksəldilməsi üçün vacib istiqamətlər müəyyənləşdirilib.

22/06/2026

Keyfiyyət və özünüqiymətləndirmə komissiyasının yekun iclası keçirilib!
Məktəbimizdə 2025-2026-cı tədris ilinin başa çatması ilə əlaqədar Keyfiyyət və Özünüqiymətləndirmə Komissiyasının geniş tərkibli yekun iclası baş tutub. İclasda geridə qoyduğumuz dərs ilinin ümumi yekunları, şagirdlərimizin akademik nailiyyətləri və təlim keyfiyyətinin dinamikası hərtərəfli təhlil olunub. Eyni zamanda, tədris prosesində qarşıya çıxan çətinliklər və həlli vacib olan pedaqoji problemlər komissiya üzvləri tərəfindən açıq və konstruktiv şəkildə müzakirə edilib. Növbəti tədris ilində təhsilin keyfiyyətini daha da yüksəltmək üçün yeni strateji hədəflərin və korreksiyaedici fəaliyyət planları müəyyənləşdirilib.

18/06/2026

Məktəbimizin XI sinif şagirdi Mahmudov Sinan Fərid oğlu DİM-in ll qrupu üzrə keçirdiyi qəbul imtahanı nəticəsində 274,3 bal toplayıb, ümumi 547 bal.
Onu təbrik edir və uğurlar arzulayırıq!

15/06/2026

Bu gün 15 İyun – Milli Qurtuluş Gününü xüsusi bir duyğu ilə qeyd edirik. Qax şəhər Vaqif Əliyev adına 3 nömrəli tam orta ümumtəhsil məktəbinin kollektivi olaraq, işğaldan azad olunmuş doğma torpaqlarımızı ziyarət etdik. Tariximizin dönüş nöqtəsi olan 15 İyun bizi dövlətçiliyimizin qorunmasına və dirçəlişinə aparan yolu xatırladırsa, azad olunmuş yurd yerlərimiz bu qurtuluşun zəfər zirvəsidir. Şəhidlərimizin qanı, qazilərimizin şücaəti ilə yenidən həyata qayıdan bu torpaqlarda olmaq, oradakı genişmiqyaslı quruculuq işlərini və dirçəlişi öz gözlərimizlə görmək hər birimiz üçün böyük şərəfdir.Yaşasın müstəqil, azad və yenilməz Azərbaycan!

15/06/2026

Uşaq Səfirlər Məclisinin Qax rayonu üzrə region nümayəndəsi Məleykə Sadıqzadənin təşəbbüsü ilə “15 İyun – Milli Qurtuluş Günü” adlı maarifləndirici tədbir təşkil olunub. Tədbirin əsas məqsədi uşaqlara bu tarixi günün xalqımızın taleyindəki dönüş nöqtəsi olmaqla əvəzsiz rolunu izah etmək, onlara erkən yaşlarından dövlətçiliyin qorunması və müstəqillik iradəsi vərdişlərini aşılamaq və vətənə sevgi formalaşdırmaq olub.
Tədbir zamanı Heydər Əliyevin tarixi rolu, ölkədə siyasi sabitliyin və iqtisadi inkişafın bərpasındakı əhəmiyyəti barədə interaktiv müzakirələr aparılıb, uşaqların ifasında mövzuya uyğun şeirlər, mahnılar və maraqlı səhnəciklər nümayiş etdirilib. Sonda isə azyaşlılar üçün milli birliyin, həmrəyliyin əhəmiyyətini və düzgün davranış qaydalarını öyrədən xüsusi oyun təşkil olunub.

14/06/2026

Tarixi Zəfərin Strateji Möhürü: Şuşa Bəyannaməsi və Sarsılmaz Müttəfiqliyin Gələcək Üfüqləri

2021-ci il iyunun 15-də ulu əcdadlarımızın ruhunun şad olduğu Şuşa şəhərində imzalanan Müttəfiqlik Münasibətləri haqqında Şuşa Bəyannaməsi Azərbaycan və Türkiyənin çoxəsrlik qardaşlıq bağlarını rəsmən ən yüksək strateji səviyyəyə qaldıran tarixi bir dönüş nöqtəsidir. Bu sənəd sadəcə iki dövlət arasında imzalanan növbəti hüquqi müqavilə deyil, regional təhlükəsizliyin arxitekturasını yenidən quran və bütün dünyaya "Bir millət, iki dövlət" fəlsəfəsinin sarsılmazlığını nümayiş etdirən çox güclü bir strateji mesajdır. İki qardaş ölkənin xarici siyasət sahəsində atdığı koordinasiyalı addımlar bu Bəyannamə ilə daha da möhkəmlənir, qlobal arenada müştərək və qətiyyətli mövqe sərgilənməsini təmin edir və beləliklə, Azərbaycanın beynəlxalq nüfuzunu qat-qat artırır.
Bəyannamənin ən mühüm və tarixi nailiyyətlərindən biri şübhəsiz ki, müdafiə sahəsində əməkdaşlıq və qarşılıqlı hərbi yardım məsələlərinin rəsmi şəkildə təsbit olunmasıdır. Hər hansı bir xarici təhdid zamanı tərəflərin bir-birini hərbi vasitələrlə dəstəkləmək öhdəliyi regionda sülhü həzm edə bilməyən revanşist qüvvələrə qarşı ən kəsərli və vacib xəbərdarlıq mesajıdır. Bu hərbi və siyasi çətir həm də işğaldan azad olunmuş ərazilərin sürətli bərpası və yenidən qurulması prosesi üçün təhlükəsiz və əlverişli zəmin yaradır. Bölgədə yaranan yeni geosiyasi reallıqlar regiona böyük həcmdə xarici sərmayələrin cəlb edilməsinə, daxili və xarici investorlar üçün tam təhlükəsiz, sabit və əlverişli investisiya mühitinin formalaşmasına rəvac verir.
İqtisadi müstəvidə bu tarixi sənəd hər iki ölkənin iqtisadi qüdrətini və ticarət dövriyyəsini maksimum dərəcədə artırır, yeni nəqliyyat və logistika dəhlizlərinin reallaşmasını sürətləndirir. Bu əməkdaşlıq sadəcə iqtisadiyyat və hərbi sahə ilə məhdudlaşmır; informasiya mübadiləsi, media sahəsində ortaq platformaların qurulması və dezinformasiyalara qarşı birgə mübarizə Müttəfiqlik Bəyannaməsinin gətirdiyi mühüm yeniliklərdəndir. Təsadüfi deyil ki, Şuşa Bəyannaməsinin imzalanmasından sonra hər il iyunun 15-də Şuşada ənənəvi olaraq keçirilən beynəlxalq konfranslar bu sənədin regional və qlobal əhəmiyyətini mütəmadi olaraq təhlil edir, gələcək münasibətlərin məzmununu zənginləşdirir və qarşımızda tamamilə yeni inkişaf perspektivləri açır. Sənədin beynəlxalq əhəmiyyətini şərtləndirən ən başlıca amil isə onun regionda daimi barış, sabitlik və çoxtərəfli əməkdaşlıq formatlarını təşviq edən fundamental rəsmi doktrina olmasıdır.

14/06/2026

Milli Qurtuluşdan Böyük Zəfərə: Müstəqilliyimizin Əbədi Memarı və Xilaskarlıq Missiyası

Azərbaycanın müstəqilliyinin ilk illəri ölkə daxilində yaşanan dərin siyasi, iqtisadi və hərbi böhranlar, xaos və anarxiya ilə xarakterizə olunurdu. Həmin dövrdə ardıcıl surətdə hakimiyyətdə olan Vəzirov-Mütəllibov rejimi, daha sonra isə AXC-Müsavat cütlüyünün səriştəsiz idarəetməsi gənc müstəqil dövləti addım-addım uçuruma doğru aparırdı. Xüsusilə hakimiyyətə gələndən sonra dərhal bir-biri ilə vəzifə və nüfuz mübarizəsinə başlayan AXC üzvlərinin ambisiyaları ölkəni vətəndaş müharibəsi həddinə çatdırmışdı. Bu qüvvələr Azərbaycanı Heydər Əliyev yolundan döndərməyə çalışaraq idarəçilikdə tam uğursuzluğa düçar olmuşdular və real təhdidlər qarşısında suverenliyin müdafiəsi, dövlətçiliyin möhkəmləndirilməsi artıq sual altında idi. Belə bir ağır və dözülməz vəziyyətdə dövləti tamamilə parçalanmaqdan və məhv olmaqdan xilas edə biləcək yeganə ümid, yeganə çıxış yolu, dahi siyasi lider fenomeni və peşəkar dövlət xadimi olan Heydər Əliyev şəxsiyyəti idi.
Xalqın təkidli tələbi ilə Bakıya qayıdan Ulu Öndər Heydər Əliyevin xilaskarlıq missiyası Azərbaycan tarixinə tamamilə yeni və parlaq bir səhifə yazdı. Hər zaman xalqına verdiyi andına sadiq qalan böyük rəhbər, fədakarlıq nümunəsi göstərərək milli həmrəyliyin simvoluna çevrildi və dövlətin sabit inkişafının sarsılmaz bünövrəsini qoydu. Ulu Öndərin tarixi missiyasının üç mühüm amili olan qətiyyətli liderlik, milli birlik və sarsılmaz dövlətçilik təfəkkürü məhz Qurtuluşun əsas rəmzləri kimi tarixə həkk olundu. Buna görə də 15 İyun – Milli Qurtuluş Günü Azərbaycan tarixinə qızıl hərflərlə yazılmış, taleyüklü əhəmiyyəti olan və ölkənin gələcək taleyini dəyişən ən böyük dönüş nöqtəsidir. Bu gün xalqımız dövlətimizi qoruyan və onu qüdrətli bir gücə çevirən Ulu Öndər Heydər Əliyevin əziz xatirəsini, onun əbədi və unudulmaz xidmətlərini həmişə uca tutur və böyük ehtiramla yad edir.
Müasir dövrümüzdə Ulu Öndər Heydər Əliyevin banisi olduğu Yeni Azərbaycan Partiyası və onun siyasi kursunun layiqli davamçıları dahi rəhbərin zəngin siyasi irsini, dövlətçilik məktəbini uğurla inkişaf etdirirlər. Ulu Öndərin siyasi kursunun uğurlu davamı ölkəmizi addım-addım tarixi Qələbəyə aparan möhtəşəm bir yola çevrildi. Bu gün fəxrlə deyə bilərik ki, müasir Azərbaycan məhz Ulu Öndər Heydər Əliyevin görmək istədiyi azad, müstəqil, ərazi bütövlüyü və suverenliyi tam təmin olunmuş qüdrətli Azərbaycandır. Dahi rəhbərin ən böyük arzusu olan Şuşanın, Qarabağın azad edilməsi və üçrəngli bayrağımızın bütün vətən torpaqlarında qürurla dalğalanması, onun əbədi müstəqilliyimizin memarı və xalqımızın unudulmaz Xilaskarı statusunu tariximizdə birdəfəlik möhürləmişdir.

13/06/2026

Məktəbimizdə "Son zəng" tədbiri keçirilib.

12/06/2026

Qax rayonunda "15 İyun – Milli Qurtuluş Günü"nə həsr olunan 2010–2011 və 2012-ci il təvəllüdlü yeniyetmələr arasında sərbəst güləş idman növü üzrə Qax rayon turniri təşkil edilib.
Müxtəlif çəki dərəcələri üzrə gərgin mübarizə şəraitində keçən yarışda məktəbimizin lX sinif şagirdi Abakarlı Yunis l yeri tutduğuna görə diplom və medalla təltif edilib.
Şagirdimizi təbrik edirik!

Qax şəhəri Vaqif Əliyev adına 3 nömrəli tam orta ümumtəhsil məktəbi

24/06/2026

23/06/2026

22/06/2026

18/06/2026

15/06/2026

15/06/2026

14/06/2026

14/06/2026

13/06/2026

12/06/2026

Address

Telephone

Website

Alerts

Shortcuts

Share

Category

Listing takedown request