Hacıqabul rayon Navahı qəsəbə 3 nömrəli tam orta ümumtəhsil məktəbi

09/08/2026

📌 Mayın 6-dan etibarən həyata keçirilən 2026-2027-ci tədris ili üzrə uşaqların I sinfə elektron qəbulu prosesi davam edir.

🔹 Bu günə qədər artıq 121 mindən artıq uşağın birinci sinfə qəbulu prosesi tamamlanıb.

🔗 Nəzərinizə çatdırırıq ki, qəbul prosesi www.mektebeqebul.edu.az portalı vasitəsilə elektron şəkildə həyata keçirilir.

📍 İnternetə çıxış imkanı olmayan vətəndaşlar isə aidiyyəti üzrə:
• Alternativ qeydiyyat mərkəzlərinə
• Agentliyin və təhsili yerli idarəetmə bölmələrinin çağrı mərkəzlərinə
• ASAN xidmət mərkəzlərinə müraciət edə bilərlər.

09/08/2026

09/08/2026

Hacıqabul rayonu Navahı qəsəbə 3 nömrəli tam orta ümumtəhsil məktəbində

09/08/2026

📢Məktəbəhazırlıq qruplarına qəbul prosesi davam edir!

Bu günə qədər Şirvan-Salyan Regional Təhsil İdarəsində fəaliyyət göstərən ümumi təhsil müəssisələrində artıq 2 mindən çox uşağın *məktəbəhazırlıq qruplarına qəbulu tamamlanıb.*
📌 Məktəbəhazırlıq qruplarına qəbul 14 sentyabr saat 18:00-da yekunlaşır. Ümumi təhsil müəssisələrinə sənədlərin təqdim olunması 01 - 30 sentyabr 2026-cı il tarixləri arasında aparılacaq.
🎯 Qeydiyyat prosesi “mektebeqebul.edu.az" elektron sistemi üzərindən aparılır.
📣Xatırladaq ki, məktəbəhazırlıq qruplarına yalnız 2021-ci il təvəllüdlü, yəni cari ildə 5 yaşı tamam olan uşaqlar qəbul olunur.

01/08/2026

🇦🇿 Bu gün Azərbaycan Əlifbası və Azərbaycan Dili Günüdür.

Dilimiz xalqımızın tarixini, milli kimliyini və mənəvi dəyərlərini özündə yaşadan ən böyük sərvətimizdir. Ana dilimizi sevmək, zənginliyini qorumaq və inkişaf etdirmək hər birimizin vətəndaşlıq borcu və mənəvi məsuliyyətidir.

28/07/2026

12 iyul 2026-ci il tarixində Dövlət İmtahan Mərkəzi tərəfindən keçirilən I və IV qrupların nəticələri elan olundu. Keçirilmiş qəbul imtahanının nəticəsinə əsasən məktəbimizin XI sinif şagirdi Quliyev İsgəndər Elnur oğlu- 623,1 bal toplayaraq (buraxılış 255.7 və blok üzrə 367.1bal) məktəb üzrə ən yüksək nəticəni əldə etmişdir. Şagirdimizi təbrik edir və uğurlar arzulayırıq!

12/07/2026

Bu gün Tovuz döyüşlərinin növbəti ildönümüdür.

Azərbaycan Ordusunun qələbəsi ilə yekunlaşan Tovuz döyüşlərindən 6 il ötür.

2020-ci il iyulun 12-də Ermənistan silahlı birləşmələrinin Azərbaycanın dövlət sərhədinin Tovuz rayonu istiqamətində törətdikləri təxribatların qarşısı qətiyyətlə alınıb.

Tovuz döyüşləri də Azərbaycanın hərb tarixinə zəfər döyüşü kimi daxil olub.

Ermənistanın 100-dən çox hərbçisi və onlarla hərbi obyekti məhv edilib.

Bu döyüşlər zamanı general-mayor Polad Həşimov, polkovnik İlqar Mirzəyev, mayor Namiq Əhmədov, mayor Anar Novruzov, baş leytenant Rəşad Mahmudov, gizir İlqar Zeynalov, gizir Yaşar Babayev, baş çavuş Vüqar Sadıqov, çavuş Elçin Mustafazadə, çavuş Nazim İsmayılov, baş əsgər Elşad Məmmədov və əsgər Xəyyam Daşdəmirov şəhidlik zirvəsinə ucalıblar.

Eyni zamanda, ermənilərin atdığı mərminin Tovuzun Ağdam kəndində evlərdən birinə düşməsi nəticəsində mülki şəxs, 76 yaşlı ev sahibi Əziz Əzizov da şəhid olub.

Bundan başqa ermənilərin artilleriya və minaatan zərbələri nəticəsində Tovuz rayonunun Ermənistanla sərhəd olan bir neçə kəndində evlərə, inzibati binalara, mülki obyektlərə, məktəblərə ciddi ziyan dəyib.

26/06/2026

18/06/2026

📢 Sertifikatlaşdırma prosesinin ikinci günündə yüksək nəticə

18 iyun 2026-cı il tarixində keçirilən müəllimlərin sertifikatlaşdırılması prosesinin ikinci günündə məktəbin təsviri incəsənət müəllimi Humay Dəmirova sertifikatlaşdırma imtahanında 55 bal toplayaraq yüksək nəticə göstərmişdir.

Yüksək nəticə əldə edən Humay müəlliməni təbrik edir, ona gələcək peşə fəaliyyətində yeni uğurlar arzulayırıq.

15/06/2026

15 İyun - Azərbaycan xalqının Milli Qurtuluş Günü