11/06/2026
🎯 Məktəbimizdə Lənkəran-Astara Regional Təhsil İdarəsinin müdiri Bəhruz Mehdiyev, rayon üzrə təhsil sektorunun əməkdaşları, ümumi təhsil müəssisələrinin rəhbərləri, IX və X sinif şagirdləri, onların valideynləri, eləcə də pedaqoji heyət ilə görüş təşkil edilib.
Görüş zamanı fəaliyyətə başlayacaq məktəblər, həmin məktəblərdə tətbiq olunacaq təmayül tədris modeli, tədris ediləcək fənlər, şagird qəbulu və müəllim seçimi prosesi barədə ətraflı məlumat verilib. Daha sonra iştirakçıları maraqlandıran suallar cavablandırılıb, layihə ilə bağlı ətraflı müzakirələr aparılıb.
Lənkəran-Astara Regional Təhsil İdarəsinin tabeliyində fəaliyyət göstərən və təmayül tədris modelinin tətbiq ediləcəyi aşağıdakı ümumi təhsil müəssisələrində X və XI siniflər üzrə şagird qəbulu elan edildi.
Bu məktəblər tam orta təhsil səviyyəsində təhsilini davam etdirmək istəyən şagirdlərə müasir tələblərə cavab verən, akademik nailiyyətlərin yüksəldilməsinə və ali təhsil müəssisələrinə hazırlığın gücləndirilməsinə yönəlmiş geniş imkanlar təqdim edir.
Yeni təmayül tədris modelinin əsas üstünlükləri:
✅ Akademik nəticələrin yüksəldilməsinə yönəlmiş tədris mühiti;
✅ Abituriyent hazırlığının sistemli və ödənişsiz təşkili;
✅ Səriştəli müəllim kollektivi;
✅ Aylıq sınaq imtahanlarının təşkili;
✅ Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər.
