Neftçala rayonu Bəhruz Həşimov adına Boyat kənd tam orta məktəb

13/08/2026

2025-2026-cı tədris ilində Şirvan-Salyan Regional Təhsil İdarəsinin tabeliyində fəaliyyət göstərən ümumi təhsil müəssisələri üzrə buraxılış və ali məktəblərə qəbul imtahanlarının nəticələrinə əsasən 74 məzun 600 baldan yuxarı nəticə göstərib.

Region üzrə ən yüksək nəticəni Biləsuvar şəhəri Nizami Gəncəvi adına 1 nömrəli tam orta ümumtəhsil məktəbinin məzunu Xədicəyi-Kübra Ağazadə göstərib. O, buraxılış və ali məktəblərə qəbul imtahanlarının nəticələrinə əsasən 685 bal toplayıb.

https://muallim.edu.az/sirvan-salyan-uzre-en-yuksek-bali-bilesuvar-mektebinin-mezunu-toplayib

12/08/2026

08/08/2026

📢 Faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsi başladı

🗓️ Müəllimlərin işə qəbulu üzrə müsabiqənin faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsi 8 avqust saat 11:00-dan etibarən başladı. Namizədlər şəxsi səhifələrinə daxil olaraq vakansiya seçimini həyata keçirə bilərlər.

📌 Vakansiya seçimi mərhələsi 10 avqust saat 11:00-dək davam edəcək.

ℹ️ Namizədlərə vakansiya seçimi zamanı diqqətli olmaları, seçimlərini tamamladıqdan sonra elektron ərizələrini mütləq təsdiqləmələri tövsiyə olunur.

❗️Qeyd edək ki, vakant yer tutduqdan sonra ondan imtina edən namizədlərin növbəti vakansiya seçimi mərhələlərində iştirakı təmin olunmayacaq.

🤝 Vakansiya seçimi mərhələsində iştirak edəcək bütün namizədlərə uğurlar arzulayırıq.

17/07/2026

Şirvan-Salyan Regional Təhsil İdarəsi üzrə İcma əsaslı məktəbəqədər təhsil qrupları üçün müəllim (tərbiyəçi) vakansiyası elan olunur!
2026–2027-ci tədris ili üçün müəllim (tərbiyəçi) seçiminə başlanılır.
Bu ildən etibarən müraciətlər yalnız elektron platforma üzərindən qəbul ediləcək.
Müraciət etmək üçün:
İşə qəbul portalına daxil olun;
Özünüzə şəxsi kabinet yaradın;
Məlumatlarınızı sistemə daxil edin;
Uyğun vakansiyanı seçərək müraciətinizi tamamlayın.
Şəxsi kabinetin yaradılması və müraciət qaydası ilə bağlı təlimat videosu hazırlanıb. Müraciət etməzdən əvvəl videonu izləməyiniz tövsiyə olunur.
Seçim zamanı aşağıdakı namizədlərə üstünlük veriləcək:
✔️Məktəbəqədər təhsil, ibtidai təhsil, pedaqogika, psixologiya və digər uyğun ixtisaslar üzrə ali və ya orta ixtisas təhsili olanlara;
✔️ Məktəbəqədər yaşlı uşaqlarla işləmək təcrübəsinə malik olanlara;
✔️ Vakansiya elan olunan yaşayış məntəqəsində və ya həmin icmada yaşayan namizədlərə;
✔️ Ünsiyyət, təşkilatçılıq və komanda ilə işləmək bacarığı yüksək olanlara;
✔️ Tərbiyəçi-müəllimlərin işə qəbul müsahibəsində uğur qazanan, lakin çalışmayan tərbiyəçi-müəllimlərə.

Xahiş edirik, müraciət zamanı bütün məlumatlarınızı düzgün və tam şəkildə daxil edin. Yanlış və ya natamam məlumatlar müraciətinizin etibarsız hesab edilməsinə səbəb ola bilər.

🔗 İşə qəbul portalının linki: https://vakansiya.ilk5il.az

🎥 Təlimat videosu: https://youtu.be/aq5DUIYCXXs

Mövcud vakansiyalara baxmaq üçün linkə keçid edə bilərsiniz.
https://docs.google.com/spreadsheets/d/1YpW0Lc-rDIZSYyFBbPsis6iJLPoz-km6/edit?gid=604072429 =604072429

26/06/2026

26 iyun Azərbaycanda rəsmi olaraq Silahlı Qüvvələr Günü kimi qeyd olunur.

25/06/2026

Neftçala rayonu Bəhruz Həşimov adına Boyat kənd tam orta ümumtəhsil məktəbinin texnologiya müəllimi Əsmər müəllim və informatika müəllimi Nərmin müəllim təhsilverənlərin sertifikatlaşdırma imtahanında yüksək peşəkarlıq nümayiş etdirərək 53 bal və 47 bal toplamışlar.
​Hər iki müəllimin qazandığı bu yüksək nəticə onların savadının, gərgin əməylərinin və öz peşələrinə olan sonsuz sevginin bariz nümunəsidir.
​Məktəb rəhbərliyi və bütün kollektivimiz adından hər iki müəlliməni ürəkdən təbrik edir, onlara şərəfli və məsuliyyətli fəaliyyətlərində yeni-yeni yaradıcılıq uğurları, cansağlığı və tükənməz enerji arzulayırıq.
​Uğurlarınız daimi və davamlı olsun əziz müəllimlərimiz!

24/06/2026

Bu gün bizim hamımız üçün əlamətdar və sevincli bir gün oldu. Məktəbimizin dəyərli Azərbaycan dili və ədəbiyyat müəllimi Rauf müəllimin 65 illik yubileyini qeyd etdik. Rauf müəllim uzun illər ərzində gənc nəslin təlim-tərbiyəsində böyük zəhmət çəkmiş, şagirdlərinizə ana dilimizi, zəngin ədəbiyyatımızı sevdirərək onların bilikli və vətənpərvər vətəndaş kimi formalaşmasına töhfə vermiş dəyərli müəllimdir. Səmimiyyəti, yüksək peşəkarlığı və müəllim adına layiq fəaliyyəti həm kollektivimizin, həm də şagirdlərimizin dərin hörmətini qazanmışdır. 65 illik yubileyiniz münasibətilə Sizi ürəkdən təbrik edir, Sizə möhkəm can sağlığı, ailə səadəti, uzun ömür və bundan sonrakı fəaliyyətinizdə yeni uğurlar arzulayırıq. Qoy həyat yolunuz daim sevinc, xoşbəxtlik və uğurlarla dolu olsun.
Yubileyiniz mübarək olsun, hörmətli Rauf müəllim!

18/06/2026

17 iyun 2026- cı il tarixində məktəbimizdə 2025–2026-cı tədris ilinin yekunlarına həsr olunmuş Pedaqoji Şuranın iclası keçirildi. İclası məktəbin direktoru Əziz Zərbəliyev açaraq ötən tədris ili ərzində görülən işlər, təlim-tərbiyə prosesinin nəticələri, şagird nailiyyətləri və qarşıda duran vəzifələr barədə geniş məruzə ilə çıxış etdi. İclas zamanı siniflərin illik nəticələri, buraxılış və monitorinq imtahanlarının göstəriciləri, şagirdlərin olimpiada, müsabiqə və müxtəlif tədbirlərdə qazandıqları uğurlar müzakirə olundu. Həmçinin müəllimlərin fəaliyyəti qiymətləndirildi, növbəti tədris ili üçün qarşıya qoyulan məqsəd və vəzifələr müəyyənləşdirildi.
Sonda Pedaqoji Şura üzvlərinin rəy və təklifləri dinlənildi, müvafiq qərarlar qəbul edildi və 2025–2026-cı tədris ili uğurla başa çatmış hesab edildi. Məktəb kollektivi qarşıdakı tədris ilində daha yüksək nailiyyətlər əldə etmək əzmində olduğunu bildirdi.