Neftçala şəhər Camal İsmayılov adına Uşaq İncəsənət Məktəbi

20/06/2026

18 iyun 2026-cı il tarixində Neftçala şəhər Camal İsmayılov adına Uşaq İncəsənət Məktəbi mədəniyyətimizin beşiyi olan Qarabağın qədim şəhəri Xankəndidə, Nizami Gəncəvi adına 4 saylı tam orta məktəbində 15 İyun – Milli Qurtuluş Gününə həsr olunmuş "Milli Qurtuluşdan Böyük Zəfərə" adlı konsert proqramı ilə çıxış edib.

Tədbirdə Vətən müharibəsi qəhrəmanı şəhid Camal İsmayılovun anası Filarə İsmayılova, Xankəndi şəhəri və Xocalı rayonu üzrə təhsil sektorunun müdiri Rizvan Ələsgərov, Xankəndi şəhəri və Xocalı rayonunun orta məktəb rəhbərləri,kollektivi və şəhər ictimaiyyəti iştirak edib.

Tədbir ilk öncə Vətən uğrunda canından keçən müqəddəs şəhidlərimizin əziz xatirəsinin bir dəqiqəlik sükutla ilə başlanılıb.
Konsert proqramında fortepiano və XÇA ansamblları Azərbaycan və dünya klassik bəstəkarlarının əsərlərini yüksək peşəkarlıqla ifa edərək dinləyicilərin böyük rəğbətini qazanıb.

Konsertin sonunda Vətən müharibəsi qəhrəmanı şəhid Camal İsmayılovun anası Filarə İsmayılova çıxış edərək Camal İsmayılovun adı məhz belə istedadlı, vətənpərvər uşaqlar yetişdirən bir məktəbin adını daşıdığı üçün böyük fəxr və qürur hissi keçirdiyini, bu gün onun da ruhunun şad olduğuna inandığını bildirib . Daha sonra Xankəndi şəhər və Xocalı rayon təhsil sektorunun müdiri Rizvan Ələsgərov çıxış edərək konsert proqramı həm bədii səviyyəsinə, həm də daşıdığı mənaya görə Ulu Öndər Heydər Əliyevin 15 İyun-Millo Qurtuluş gününün fəlsəfəsinə və ruhuna layiq çox böyük və gözəl bir hadisə olduğunu bildirib.

Sonda Neftçala şəhər Camal İsmayılov adına Uşaq İncəsənət Məktəbinin direktoru İlqar Rəhimli çıxış edərək böyük hörmət, qayğı və səmimiyyətlə qarşılayan Xankəndi şəhər məktəbləri rəhbərliklərinin göstərdikləri bu nəcib münasibətə görə dərin minnətdarlığını bildirib.

20/06/2026

16/06/2026

15/06/2026

15 İyun - Milli Qurtuluş Günüdür

07/06/2026

Neftçala şəhər Camal İsmayılov adına Uşaq İncəsənət Məktəbinin fortepiano şöbəsinin müəllimi Tükəzban Mehdiyevanın fortepiano ansambllarından ibarət "Musiqili dialoq" adlı sinif konsertindən videoçarx

06/06/2026

1 İyun - Uşaqların Beynəlxalq Müdafiəsi Gününə həsr olunmuş " Xoşbəxt Dünyamız" adlı tədbirdən qısa videoçarx...

06/06/2026

5 iyun 2026-cı il tarixində Neftçala şəhər Camal İsmayılov adına Uşaq İncəsənət Məktəbində fortepiano şöbəsinin müəllimi Tükəzban Mehdiyevanın fortepiano ansambllarından ibarət "Musiqili dialoq"adlı sinif konserti keçirilib.

Tədbirdə Şəhid Camal İsmayılovun anası Filarə xanım, məktəb kollektivi və rayon ictimaiyyəti iştirak edib.

Konsertdə gənc istedadlar həm Azərbaycan, həm də dünya klassik bəstəkarların ölməz əsərlərini böyük məharətlə ifa ediblər.Milli musiqimizin ruhu ilə xarici bəstəkarların harmoniyasını birləşdirən bu konsert tamaşaçılara unudulmaz anlar yaşadıb.

Tədbirin sonunda məktəbin direktoru İlqar Rəhimli çıxış edərək gənc musiqiçilərimiz haqqında öz ürək sözlərini bölüşüb. Direktor şagirdlərin ansambl ifalarının yüksək hazırlığını xüsusi vurğulayıb ,gələcək nəsillərin milli və dünya mədəniyyətinə aşılanmasında bu cür konsertlərin rolunu qeyd edib. Sonda müəlliməyə və şagirdlərinə fəaliyyətlərində yeni nailiyyətlər arzulayaraq dərin təşəkkürünü bildirib.

01/06/2026

1 iyun 2026-cı il tarixində Neftçala şəhər Camal İsmayılov adına Uşaq İncəsənət Məktəbində 1 İyun - Uşaqların Beynəlxalq Müdafiəsi Gününə həsr olunmuş tədbir keçirilib.

Tədbirdə Şəhid Camal İsmayılovun anası Filarə xanım,Neftçala rayon İcra Hakimiyyətinin birinci müavini Şaiq Məmmədov , YAP Neftçala rayon təşkilatının sədri Ülvi Fərzəliyev, Neftçala rayon İcra Hakimiyyətinin başçısı aparatının Ərazi Təşkilat və İctimai, Siyasi və Humanitar məsələlər sektorunun müdiri Vasif Əliyev , Neftçala rayon gənclər və idman sektorunun müdiri Araz Əhmədov,Şirvan - Salyan Regional Mədəniyyət İdarəsinin baş məsləhətçisi Gülər Mirzəyeva, Neftçala rayon İcra Hakimiyyətinin aparıcı məsləhətçisi Esmira Hüseynova və rayon ictimaiyyəti iştirak edib.

Konsert proqramı bir - birindən maraqlı fortepiano , xalq çalğı alətləri ansamblı ,müxtəlif rəqs kompozisiyaları, vokal,xor nömrələri ilə tamaşaçıların böyük marağına səbəb olub.
Xüsusilə şagirdlərin böyük ustalıqla canlandırdığı məktəbin direktor və şöbə müdirlərinin gündəlik iş prosesinin səhnəcikləri izləyicilərə xoş anlar bəxş edib .

Tədbirin sonunda Şəhid Camal İsmayılovun anası Filarə xanım çıxış edərək məktəbin şagirdlərini və tədbirdə çıxış edən bütün uşaqları təbrik edib,onlara firavan həyat arzulayıb.Neftçala rayon İcra Hakimiyyətinin birinci müavini Şaiq Məmmədov " Motsart Dühası - 270" Respublika müsabiqəsində uğur qazanan Vüsal Sultanlıya laureatını təqdim edib ,onun timsalında məktəbin bütün şagirdlərinə uğurlu gələcək arzulayıb .YAP Neftçala rayon Təşkilatının sədri Ülvi Fərzəliyev çıxış edərək bu gözəl bayram münasibətilə bütün uşaqları təbrik edib , onlara parlaq gələcək və yeni uğurlar arzulayıb.

Sonda məktəbin direktoru İlqar Rəhimli bir çox respublika və beynəlxalq müsabiqələrdə məktebimizi yüksək səviyyədə təmsil edən və laureatlar ,diplomlar qazanan Sultanlı Vüsalı xüsusi təbrik edərək ona öz portretini hədiyyə edib və bütün şagirdlərə sağlam gələcək arzulayıb .