13/01/2024
10 yanvar 2024- cü il tarixdə Azərbaycan Respublikasının Prezidenti cənab İlham Əliyev yerli televiziya kanallarına müsahibə vermişdir. Müsahibə zamanı ölkə Prezidenti Müzəffər Ali Baş Komandan İlham Əliyev hərtərəfli, indiyədək bilmədiyimiz məqamlara gətirdiyi çox dəqiq açıqlamaları ilə sanki 20 illik şərəfli hakimiyyətinin önəmini ortaya qoydu. Bu bir daha 2003-cü ildə Azərbaycan xalqının düzgün seçim etdiyini təsdiqlədi.1993-cü ildən əsası qoyulmuş siyasət 2003- ildən başlayaraq Azərbaycanı yeni inkişaf yoluna çıxardı. Sabitlik təmin edildi bugünkü dövlətçilik prinsipləri bərqərar olundu və Azərbaycanda vətəndaş cəmiyyəti yaradıldı, eyni zamanda xalq -iqtidar birliyi artıq önəmli bir amilə çevrildi. Müasir tariximizin yeni dövrü 20 sentyabrdan başladı. Bu tarix Azərbaycanın suverenliyini bizə yaşatdı. Ölkə Prezidentinin fikirlərindəki yeni məqamlar-Ədalət öz-özünə gəlmir, ədaləti sən gərək özün təmin edəsən. Müasir dünyada biz bunu artıq çoxdan başa düşmüşük. Müzəffər Ali Baş Komandan cənab Prezident ədaləti 44 günə bərpa etdi. Şəhidlərin qanı yerdə qalmadı. Qazilərimizin haqq savaşında itirdikləri sağlamlıqları nəticəsiz qalmadı Xocalıda bayrağı qaldırandan sonra əminliklə deyə bilərik ki, Xocalı qurbanlarının qanı yerdə qalmadı. Xankəndidə isə bayrağın qaldırılması ədalətin tam bərpası idi və Zəfərimizin son nöqtəsi idi. Bu fikirləri söyləyən Cənab Prezident bir daha vurğuladı: Gücümüz cəmiyyətin və xalqın birliyindədir, bu birlik olmasaydı biz heç vaxt müharibəni uda bilməzdik. Bu Zəfəri şərtləndirən xalqın ruhu idi və əsgəri qabağa göndərən də xalqın ruhu idi, onun tərbiyəsi idi. Nə qədər silahın olsa nə qədər ordun peşəkar təlimlərdə olsa, əgər ruh yoxdursa heç bir təpəni də sən götürə bilməzsən.
