Naxçıvan IELTS mərkəzi

30/10/2024

Naxçıvan Dövlət Universiteti "IELTS imtahanına təşviq" layihəsinə qoşulub.

NDU rektoru Elbrus İsayevin müvafiq qurumlarla imzalamış olduğu müqavilələrlə Naxçıvan Dövlət Universiteti əməkdaşları və tələbələri IELTS imtahanından 6.5 və ya daha çox bal toplayarsa onların imtahan ödənişləri Təhsilin Inkişaf Fondu tərəfindən kompensasiya ediləcək.

12/09/2023

Naxçıvan IELTS mərkəzində oktyabr ayının 14-də rəsmi IELTS imtahanının keçirilməsi nəzərdə tutulur. İmtahan iştirak etmək istəyən hər kəs üçün açıqdır.

✅Gələcəkdə Beynəlxalq Məktəbdə işləmək istəyənlər, Naxçıvan Dövlət Universiteti İngilis dili və Tərcümə kafedrasında, İngilis dili və Metodika kafedrasında, eləcə də tədrisi ingilis dilində olan ixtisaslarda dərs demək istəyən namizədlər IELTS imtahanında iştirak edərək 7 bal və üzəri toplayaraq iş imkanlarını genişləndirə bilərlər.

✅Müraciət etmək istəyən namizədlər şəxsiyyət vəsiqələrinin arxa və ön üzünün kopyasını, eləcə də aktiv istifadə etdiyi nömrələri və e-mail adreslərini göstərilən nömrəyə vatsap üzərindən göndərməlidir.

Son müraciət tarixi: 24 sentyabr

05/03/2023

Aprel ayının 9-da Naxçıvanda keçiriləcək Rəsmi IELTS imtahanına qeydiyyat açıqdır. Əlavə məlumat almaq və qeydiyyatdan keçmək üçün bizimlə əlaqə saxlaya bilərsiniz.

13/10/2022

Qeydiyyat üçün Naxçıvan IELTS qeydiyyat və imtahan mərkəzinə müraciət edə bilərsiniz. İmtahan CD IELTS formatında keçiriləcək. Həm General, həm Academic IELTS imtahanlarında iştirak etmək mümkündür.

12/09/2022

Qeydiyyat açıqdır. Əlavə sualınız varsa bizimlə əlaqə saxlaya bilərsiniz.

29/07/2022

NDU-da fəaliyyət göstərən IELTS qeydiyyat və imtahan mərkəzində dərslər davam edir. Mərkəz ali təhsil ocağının tələbələri ilə yanaşı, orta məktəb şagirdləri, abituriyentlər və muxtar respublikada ingilis dili bacarıqları üzrə biliyini qiymətləndirmək istəyən hər kəsin üzünə açıqdır.
X sinif şagirdi olan Mikayıl Cəfərli də mərkəzdən faydalanan abituriyentlərdəndir. 15 yaşı olan Mikayıl fevral ayından etibarən ali təhsil ocağında fəaliyyət göstərən IELTS mərkəzində ingilis dili dərslərinə başlayıb. O, mərkəzin koordinatoru və IELTS üzrə dərs keçən müəllim Bayram Əliyevlə 3 ay pre-IELTS, may ayından etibarən isə IELTS dərsləri keçib. İyun ayının 25-də IELTS imtahanında iştirak edərək yüksək nəticə hesab edilən 7.5 bal toplayan Mikayıl mərkəzdə SAT dərslərinə davam edir. Mikayıl Cəfərlinin timsalında mərkəzdə ingilis dili dərsləri keçən hər bir abituriyentə uğurlar arzulayırıq.

29/07/2022

Səhərimizi gözəl xəbərlə açaq:

❗️Vəli Mustafasoy Naxçıvan şəhərində orta məktəbi bu il bitirdi. Ancaq 3 ildir ki, NDU-nun IELTS mərkəzinin koordinatoru, IELTS və SAT müəllimi Bayram Əliyevlə ingilis dili dərsləri alır.

✓ Yenicə universitet tələbəsi olan Vəlinin artıq möhtəşəm nəticələri var.

✓ Vəli il öncə SAT imtahanında iştirak edərək dünyada riyaziyyat bölməsi üzrə 780 bal toplayaraq ilk 2 faizin arasında, ingilis dili mühakimə bölməsi üzrə 700 bal toplayaraq ilk 3 faizin arasında yer almışdır (SAT yekun balı: 1480).

✓ 2020-ci ilin oktyabr ayında isə IELTS imtahanında iştirak edərək dinləmə və oxu bölməsi üzrə mümkün 9.0 baldan 9.0 toplamaqla ümumi 9.0 baldan 8.0 bal toplayaraq dünyanın bir neçə ən nüfuzlu universitetlərinə təqaüdlə qəbul olmuşdur.

✓ Vəli Abraham Lincoln təqaüdü ilə (ümumilikdə illik 63000 dollar) Gettysbourg Universitetinin fizika fakültəsindən və 48000 dollar təqaüdlə dünya reytinqində ilk 100 universitet arasında yer alan Miçiqan Dövlət Universitetinin Mühəndislik fakültəsindənə qəbul alıb.

✓ Onun seçimi Miçiqan Universiteti oldu.

Təbriklər! Qürur duyuruq!

08/07/2022

Naxçıvan Dövlət Universitetində ingilis dili buraxılış kursu tələbələri üçün yekun dövlət attestasiyası keçirilib. Universitetin rektoru Elbrus İsayev çıxış edərək qeyd edib ki, muxtar respublikada ingilis dilli kadrlara olan tələbatın ödənilməsində əsas baza rolunu oynayan Xarici dillər fakültəsində tədris peşəkar müəllimlər tərəfindən həyata keçirilir. Bunun nəticəsi olaraq tələbələr ali təhsil ocağında yeni yaradılan IELTS qeydiyyat və imtahan mərkəzində öz biliklərin sınayaraq Britaniya Şurası tərəfindən IELTS sertifikatına layiq görülüb. Rektor bu münasibətlə tələbələri təbrik edərək, onlara gələcək peşə fəaliyyətində uğurlar arzu edib.
IELTS imtahanında uğur qazanan tələbələrə sertifikalar təqdim olunub. Bakalavr pilləsində ən yüksək nəticəni 7,5 balla İngilis dili müəllimliyi ixtisası üzrə IV kurs tələbəsi Zübeydə Zeynalova, magistrantlar arasında 6,5 balla Dilşünaslıq (İngilis dili üzrə) ixtisaslaşması üzrə II kurs magistrant Lalə Rzayeva əldə edib.

28/06/2022

NDU Xarici Dillər fakültəsində yerləşən Naxçıvan IELTS mərkəzində Britaniya Şurası və NDU-nun təşkilatçılığı ilə növbəti rəsmi IELTS imtahanları keçirilib. İmtahanlar həm CD IELTS, həm də PB IELTS formatında namizədlərə təqdim edilib. Ümumilikdə imtahanda 70-dən çox namizəd iştirak edib.edu.az

23/06/2022

İyun ayının 24 və 25-i Naxçıvan IELTS mərkəzində rəsmi imtahanda iştirak edəcək namizədlərə uğur arzu edirik!

10/06/2022

https://youtu.be/ahibua80aUU

Naxçıvan Dövlət Universiteti IELTS qeydiyyat və imtahan mərkəzində ilk dəfə imtahan keçirilib

05/06/2022

Today, we have IELTS mock exam for candidates who will sit IELTS exam at the end of June.