NDU- İncəsənət fakültəsi

03/09/2026

Xalq artisti, Naxçıvan Dövlət Universitetinin professoru, Naxçıvan Dövlət Universitetinin Simfonik Orkestrinin bədii rəhbəri Çingiz Axundovu ad günü münasibətilə səmimi-qəlbdən təbrik edirik!

Naxçıvanın musiqi həyatının inkişafına, simfonik orkestrin peşəkar səviyyəyə yüksəlməsinə verdiyiniz dəyərli töhfələr və uzunillik pedaqoji fəaliyyətiniz böyük ehtiramla qiymətləndirilir.

Sizə möhkəm cansağlığı, uzun ömür, yaradıcılıq fəaliyyətinizdə yeni uğurlar və musiqi sənətinin inkişafı yolunda davamlı nailiyyətlər arzulayırıq!

Ad gününüz mübarək, hörmətli Çingiz müəllim! 🎶

30/08/2026

🌸🎶 “Bahar Valsı”

Əsərin müəllifi Rəşid Məmmədov, Naxçıvan Dövlət Universitetinin Təsviri incəsənət müəllimliyi ixtisasının II kurs tələbəsi.

“Bahar Valsı” əsərini bahar fəslində, təbiətin oyandığı və hər tərəfin rənglərə büründüyü günlərdə bəstələmişəm. Əsərdə baharın təravətini, sevincini və yaratdığı xoş ovqatı valsın zərif melodiyası ilə ifadə etməyə çalışmışam.

Yay tətili zamanı isə bu əsəri musiqiçilərin ifasında səsləndirərək dinləyicilərə təqdim etmək mənim üçün xüsusi bir duyğu oldu. Baharın ilhamı ilə yaranan bu musiqi yay günlərində səslənərək öz səyahətinə başladı. 🌿🎼

“Bahar Valsı” — baharda doğulan, yayda səslənən bir musiqi duyğusudur. ✨

Ansamblda ifa edənlər:

Tülay Qəhrəmanlı — Naxçıvan Dövlət Universitetinin İncəsənət fakültəsinin məzunu.

Murad Vəliyev — Naxçıvan Dövlət Universitetinin nəzdində fəaliyyət göstərən Naxçıvan Musiqi Kollecinin məzunu.

Ayxan Əliyev — Qarabağ Universitetinin I kurs tələbəsi.

Musa Rəhimov — Naxçıvan Dövlət Universitetinin İncəsənət fakültəsinin II kurs tələbəsi.

25/08/2026

25/08/2026

24/08/2026

Naxçıvan Dövlət Universitetinin Fəxri doktoru, Azərbaycanın Xalq artisti, görkəmli bəstəkar, “Şöhrət”, “Şərəf” və 1-ci dərəcəli “Əmək” ordenlərinin sahibi Tofiq Əhmədağa oğlu Bakıxanov vəfat edib.
Naxçıvan Dövlət Universiteti Azərbaycan musiqi mədəniyyətinin inkişafına misilsiz töhfələr vermiş böyük sənətkarın vəfatından dərin kədər hissi keçirir.
Tofiq Bakıxanov Naxçıvan Dövlət Universitetinin Konservatoriyası və Musiqi Kollecinin fəaliyyətinə, kollektivlərinin inkişafına daim dəstək göstərib, musiqi təhsilinin inkişafına və gənc musiqiçilərin yetişdirilməsinə xüsusi diqqət ayırıb. Görkəmli bəstəkarın NDU ilə əlaqələri və universitetin musiqi təhsilinə verdiyi töhfələr kollektiv tərəfindən hər zaman yüksək qiymətləndirilib.
Naxçıvan Dövlət Universitetinin kollektivi mərhumun ailəsinə, doğmalarına və yaxınlarına dərin hüznlə başsağlığı verir.
Allah rəhmət eləsin!

17/08/2026

🎨 NDU-da yeni ixtisas: Heykəltəraşlıq

Əməkdar rəssam, Naxçıvan Dövlət Universitetinin müəllimi Cavid İsmayılovun AZƏRTAC-a verdiyi açıqlamada universitetdə yaxın gələcəkdə Heykəltəraşlıq ixtisasının açılmasının nəzərdə tutulduğu bildirilib.

Ətraflı məlumat üçün xəbəri təqdim edirik.

17/08/2026

Cavid İsmayılov: Ndu-da yeni yataqxana kompleksinin tikintisi tələbələrin sosial rifahını yaxşılaşdıracaq.
https://azertag.az/xeber/cavid_ismayilov_ndu_da_yeni_yataqxana_kompleksinin_tikintisi_telebelerin_sosial_rifahini_yaxsilasdiracaq-4369477