Ə.Bağırov Adına Ərkivan qəsəbə 4 Sayli Tam Orta Məktəb

Ərkivan qəsəbə 4 saylı tam orta məktəbi 1932-ci ildə C.Cabbarlı adına Ərkivan kənd orta məktəbin nəzdində bir neçə ibtidai siniflə açılmışdır.1949-cu ildə Ərkivan kəndinin Həsənəkücə məhəlləsində "Həsənəkücə kənd ibtidai məktəbi" adı altında müstəqil fəalıiyyətə başlamışdır. 1966-cı ildə əsas məktəbə, 1987-ci ildə isə orta məktəbə çevrilmişdir. 1993-cü ildə məktəbə məzun, Qarabağ uğrunda döyüşlərdə qəhrəmancasına şəhid olmuş Əlvan Ramazan oğlu Bağırovun adı verilmişdir. 2008-ci ildə Ərkivan kəndinə qəsəbə statusu verilməsi ilə əlaqədar olaraq qəsəbədə olan beş məktəb nömrələndiyindən məktəbin adı dəyişdiriilərək "Ə.Bağırov adına Ərkivan qəsəbə 4 saylı tam orta məktəb"i edilmişdir. Onlar və digər məsələlər haqqında lövhəmizdə məlumat verəcəyik. Məktəb sürətli internetə qoşulmuşdur. Müəllimlərimiz və şagirdlərimiz informatika kabinetində və şəxsi kompüterlərində bu qoşulmadan səmərəli istifadə edirlər. Məktəbin rəhbərliyi və pedaqoji kollektivi 2007-2010-cu illərdə rayonda keçirilən "Bilik yarışları"nın və RTŞ-nin nəzdində yaradılmış "Olimpiada mərkəzi"nin yaradıcısı və fəal üzvləri olmuşlar.Məktəbin müəllimi Duniyev Dadaşbala Ağayar oğlu 2007-ci ildə Respublika üzrı keçirilən "İlin ən yaxşı müəllimi" müsabiqəsinin qalibi və son illərdə keçirilən "Elektron təhsil" müsabiqəsinin ikiqat qalibidir. Şəxsi saytı var və orada müasir təlim metodlarına aid öz təcrübəsindən irəli gələn fikirləri var.(duniyev.20x.cc)