Lerik rayonu Kitabəli Həmidov adına Ambu kənd tam orta ümumtəhsil məktəbi

Ulu Öndər Heydər Əliyevin anadan olmasının 103 illiyinə həsr olunmuş tədbirlər çərçivəsində məktəbin müəllimi Gülağa Rəhmətovun təqdimatında 1 və 3-cü komplekt sinifdə nümunəvi dərs keçirilmişdir.
Dərsdə müasir təlim üsullarından və əyani vəsaitlərdən istifadə olunaraq dərsin daha maraqlı və səmərəli təşkili təmin edilmişdir. Şagirdlər dərs prosesində fəal iştirak etmiş, mövzuya böyük maraq göstərmişlər.
Məktəb rəhbərliyi adından Gülağa müəllimə təşəkkür edir, ona gələcək pedaqoji fəaliyyətində uğurlar arzulayırıq.

Bu gün məktəbimizdə Ümummilli Lider Heydər Əliyevin anadan olmasının 103-cü ildönümü münasibətilə tədbir təşkil edilmişdir. Tədbiri giriş sözü ilə açan məktəbimizin direktoru Sabir İbadov Ümummilli Lider Heydər Əliyevin müasir Azərbaycanın yaranmasında və inkişafında əvəzsiz rolundan danışmışdır.
Daha sonra məktəbin təşkilatçısı, tarix müəllimi Əlövsət İbadov Ulu Öndərin həyat və fəaliyyəti haqqında tədbir iştirakçılarına ətraflı məlumat vermiş, onun keçdiyi şərəfli həyat yolundan, dövlətçiliyimizin qorunub saxlanılması və möhkəmləndirilməsi istiqamətində gördüyü mühüm işlərdən bəhs etmişdir. Tədbirdə Ümummilli Liderin Azərbaycan xalqı və dövlətçiliyi qarşısındakı misilsiz xidmətləri xüsusi vurğulanmışdır.

Məktəbimizin VII sinif şagirdləri Aydan İbadzadə və Ruslan İbadov Respublika Fənn Müsabiqəsinin yarımfinal mərhələsinə kimya fənni üzrə vəsiqə qazandıqlarına görə, Nahid Rəhmətov isə fəal iştirakına görə məktəb rəhbərliyi tərəfindən Fəxri fərmanla təltif edilmişdir.
Şagirdlərimizi, onların kimya müəllimi və məktəbin direktoru Sabir İbadovu, həmçinin məktəb kollektivini ürəkdən təbrik edir, növbəti mərhələlərdə uğurlar arzulayırıq.

Bu gün məktəbin müəllimi Fəridə Hüseynovanın rəhbərlik etdiyi 1 və 3-cü komplekt sinifdə valideyn iclası keçirilmişdir.
İclas zamanı şagirdlərin təlim nəticələri, davamiyyəti, eləcə də təlim-tərbiyə məsələləri müzakirə olunmuş, valideynlərlə fikir mübadiləsi aparılmışdır.

Lənkəran-Astara Regional Təhsil İdarəsinin təşəbbüsü ilə yaradılmış A liqasının 13-cü qrupuna daxil olan ümumtəhsil müəssisələri arasında əməkdaşlığın gücləndirilməsi və qabaqcıl pedaqoji təcrübənin paylaşılması məqsədilə silsilə tədbirlər davam etdirilir.
Bu gün Lerik rayonu Nemət Maşıyev adına Şinəbənd kənd ümumi orta ümumtəhsil məktəbində növbəti nümunəvi “Ustad dərs” təşkil olunmuşdur. Tədbirdə qrupda təmsil olunan məktəblərin direktorları, direktor müavinləri və müəllim heyəti iştirak etmişdir.
Ustad dərsi məktəbin Azərbaycan dili müəllimi Təhməz Muradov VII sinifdə tədris etmişdir. Dərs zamanı müasir təlim metodlarından istifadə edilərək mövzunun şagirdlər tərəfindən daha effektiv mənimsənilməsinə nail olunmuşdur.
Sonda dərs geniş müzakirə edilmiş, iştirakçılar öz fikir və təkliflərini bölüşmüşlər.
Dərsin dinlənilməsində bizə şərait yaratdığına görə məktəbin direktoru hörmətli Habil müəllimə, eləcə də nümunəvi dərsi tədris edən Təhməz müəllimə təşəkkürümüzü bildirir, fəaliyyətlərində uğurlar arzu edirik

28 aprel 2026-cı il tarixində məktəbimizdə pedaqoji şura iclası keçirildi. İclasda 15 mart 2026-cı il tarixində DİM tərəfindən XI sinif şagirdləri üçün keçirilmiş buraxılış imtahanının nəticələri geniş təhlil olundu. Həmçinin “Son zəng” tədbirinin təşkili ilə bağlı daxil olmuş təlimat pedaqoji şura üzvlərinin diqqətinə çatdırıldı.

26 aprel 2026-cı il tarixində IX sinif şagirdləri üçün DİM tərəfindən buraxılış imtahanı keçiriləcək. Bu münasibətlə şagirdlər məktəb rəhbərliyi tərəfindən qəbul edildi, müəllimlərin iştirakı ilə onlara lazımi məsləhətlər verildi.
Şagirdlərə imtahan zamanı diqqətli olmaları, vaxtdan düzgün istifadə etmələri və biliklərini tam şəkildə nümayiş etdirmələri tövsiyə olundu.
Bütün şagirdlərimizə uğurlar arzu edirik.

23 aprel 2026-cı il tarixində IV sinifdə ibtidai sinif müəllimi Gülağa Rəhmətov tərəfindən Azərbaycan dili fənnindən “İsgəndər və Bukefal” mövzusu şagirdlərə tədris olundu. Dərsin əsas məqsədi mövzunu daha ətraflı izah etmək, şagirdlərdə oxuyub anlama bacarığını inkişaf etdirməkdən ibarət idi.
Dərsdə məktəb rəhbərliyi də iştirak etmişdir.

Bu gün məktəbimizdə 25 aprel 1994-cü il tarixində şəhidlik zirvəsinə ucalmış məktəbimizin məzunu Səfərov Zülfiqar Heydər oğlunun anım gününə həsr olunmuş tədbir keçirilmişdir. Tədbir şəhidlərin xatirəsinin bir dəqiqəlik sükutla yad edilməsi ilə başlanmışdır.
Tədbirdə çıxış edənlər şəhidin məktəb illəri ilə bağlı xatirələrini bölüşmüş, onun keçdiyi döyüş yolu haqqında məlumat vermişlər.
Xatırladaq ki, Səfərov Zülfiqar Heydər oğlu 1974-cü ildə Lerik rayonunun Perzəkücə kəndində anadan olmuşdur. 1991-ci ildə Ambu kənd tam orta məktəbini bitirdikdən sonra ordu sıralarına qoşulmuş, döyüşlərin qızğın getdiyi bölgələrdə tankçı kimi xidmət etmişdir. Həmin dövrdə AZTV televiziya kanalı onun şücaətindən bəhs edən reportaj hazırlamışdır.
Zülfiqar Səfərov 25 aprel 1994-cü ildə Ağdərə uğrunda gedən döyüşlərdə qəhrəmancasına şəhid olmuşdur.
Allah rəhmət eləsin.