Lerik rayonu Telman Kazımov adına Veri kənd tam orta ümumtəhsil məktəbi

https://www.facebook.com/share/p/16WTW4BCtT/

Bu gün Azərbaycan Respublikasının Prezidenti cənab İlham Əliyevin doğum günüdür.

Dövlətimizin başçısını doğum günü münasibətilə ürəkdən təbrik edir, ona möhkəm cansağlığı, uzun ömür, ölkəmizin davamlı inkişafı və Azərbaycan xalqının rifahı naminə fəaliyyətində yeni-yeni uğurlar və nailiyyətlər arzulayırıq.

Dahi şəxsiyyət, Ümumilli Lider Heydər Əliyevin anım günü məktəbimizdə dərin ehtiramla qeyd edildi

Təhsil İnstitutundan çağırış 📢📢📢 #TəhsilTV #müəllim #dərslik #müəllif

Elm və təhsil nazirinin müavini Kənan Kərimzadə təhsildəki islahatlardan danışdı. #TəhsilTV #təhsil #müəllim #islahat

Noyabrın 12-də Prezident İlham Əliyevin Naxçıvana təyin etdiyi Prezidentin yeni səlahiyyətli nümayəndəsini və bir sıra rayonlara təyin etdiyi icra başçılarını qəbul etdiyi zaman verdiyi tapşırıq və tövsiyələr bir daha göstərdi ki, Azərbaycan dövlətinin idarəçilik fəlsəfəsi xalqa xidmət, ədalət və şəffaflıq prinsiplərinə əsaslanır.

Prezident İlham Əliyev çıxışında vurğuladı ki, rəhbər vəzifə daşıyan hər bir şəxs xalqa xidmət missiyasını öz fəaliyyətinin mərkəzinə qoymalıdır. O, qeyd etdi ki, “ilk növbədə, xalqa xidmət etmək, xalqla bir yerdə olmaq” hər bir rəhbərin başlıca vəzifəsidir. Dövlət başçısının bu çağırışı məmurlardan təvazökarlıq, dürüstlük və məsuliyyət tələb edən yüksək dövlətçilik mədəniyyətinin təzahürüdür. Prezident çıxışında həmçinin korrupsiya və rüşvətxorluğa qarşı sərt mövqe nümayiş etdirərək bildirdi ki, qanunsuzluğa yol verən hər bir şəxs qanun qarşısında cavab verməli olacaq. O, məmurların təkəbbür və harınlıqdan uzaq durmasının vacibliyini bir daha vurğuladı, dövlətin və xalqın etimadını itirən şəxslərin heç bir halda cəzasız qalmayacağını diqqətə çatdırdı. Bu, Prezidentin illərdir davam edən təmiz, vicdanlı və peşəkar idarəetmə siyasətinin ardıcıl şəkildə həyata keçirildiyini sübut edir”.

Prezidentin nitqində ölkənin sosial və iqtisadi inkişafı da xüsusi yer tutdu: “Dövlət başçısı qeyd etdi ki, son illərdə həyata keçirilən regional inkişaf proqramları nəticəsində bütün bölgələrdə enerji, nəqliyyat, su və sosial infrastruktur sahələrində əsaslı dönüş əldə olunub. Yeni yollar, içməli su layihələri, məktəblər, xəstəxanalar və idman obyektləri Azərbaycanın hər guşəsində rifahın və dövlət qayğısının real göstəricisidir. Prezident İlham Əliyev vurğuladı ki, sosial ədalət və şəffaflıq prinsipləri idarəetmənin təməlini təşkil etməlidir. O qeyd etdi ki, artıq qanunsuz tapşırıqlar dövrü arxada qalıb, dövlət idarəçiliyində şəffaflığın təmin olunması və kadr islahatlarının davam etdirilməsi əsas prioritetdir. Prezidentin sözlərinə görə, yalnız vicdanlı, təmiz və peşəkar kadrlar dövlətin gələcək inkişafını təmin edə bilərlər. Dövlət başçısı bölgələrdə məşğulluğun artırılması, sahibkarlığın dəstəklənməsi və kənd təsərrüfatının inkişafını vacib istiqamətlər kimi göstərdi. O, qeyd etdi ki, yeni iş yerlərinin yaradılması, sahibkarlara güzəştli kreditlərin verilməsi və özünüməşğulluq proqramlarının genişləndirilməsi regionların iqtisadi potensialını artırır və miqrasiyanın qarşısını almağa xidmət edir”.

Prezident çıxışında ekologiya və ətraf mühitin qorunması məsələsinə də xüsusi diqqət ayırdı. Onun “Qara şəhəri Ağ şəhərə çevirdik” ifadəsi Azərbaycanın ekoloji yenilənmə strategiyasının simvoluna çevrildi. Dövlət başçısı çay məcralarının dəyişdirilməsi, torpaqdan səmərəsiz istifadə və digər qanunsuz fəaliyyətlərin qarşısının alınması barədə tapşırıqlar verərək ekoloji tarazlığın qorunmasının dövlət siyasətinin ayrılmaz hissəsi olduğunu bir daha vurğuladı. Sonda Prezident İlham Əliyev məmurlara etimad göstərildiyini, bu etimadın əməli fəaliyyətlə doğruldulmasının vacibliyini qeyd etdi. O, bildirdi ki, xalqa sədaqətli xidmət, təvazökarlıq, dürüstlük və məsuliyyət hər bir rəhbərin əsas meyarı olmalıdır. Prezidentin sözlərinə görə, yalnız bu dəyərlərə sadiq qalan rəhbərlər xalqın rəğbətini qazanacaq və dövlətin inkişafına real töhfə verəcəklər. Bütövlükdə, Prezident İlham Əliyevin Naxçıvana təyin etdiyi Prezidentin yeni səlahiyyətli nümayəndəsini və bir sıra rayonlara təyin etdiyi icra başçılarını qəbul etdiyi zaman verdiyi tapşırıq və tövsiyələr və söylədiyi fikirlər dövlət idarəçiliyinin əsas prinsiplərini müəyyən edən, xalqa xidmət və sosial ədalət ideyasını bir daha təsdiqləyən proqram xarakterli çıxış kimi tarixə düşdü.
Lerik rayonu Telman Kazımov adına Veri kənd tam orta ümumtəhsil məktəbinin Azərbaycan dili və Ədəbiyyatı müəllimi Hüseynov Elvin.

🇦🇿 12 Noyabr – Azərbaycan Respublikasının Konstitusiyası Günü 🇦🇿

1995-ci il 12 noyabr tarixində xalqımız müstəqil Azərbaycanın ilk Konstitusiyasını qəbul etdi. Bu gün dövlətçiliyimizin, müstəqilliyimizin və suverenliyimizin əsas dayaqlarından biridir.
Konstitusiya – xalqın iradəsini, azadlığını və milli birliyini özündə əks etdirən müqəddəs sənəddir. O, hər bir azərbaycanlının hüquq və azadlıqlarını qoruyan, dövlətimizin idarəçilik prinsiplərini müəyyən edən ali qanundur.
Bu tarixi gün, müstəqil Azərbaycanın demokratik inkişaf yoluna qədəm qoyduğu, vətəndaş cəmiyyətinin formalaşmağa başladığı bir dövrü simvolizə edir.
12 noyabr – təkcə qanunun deyil, azadlığın, milli qürurun və dövlətçiliyimizin bayramıdır.
🇦🇿 *Yaşasın müstəqil və suveren Azərbaycan Respublikası!*🇦🇿

Noyabrın 9-u Azərbaycanda Dövlət Bayrağı Günüdür. 2009-cu il noyabrın 17-də Prezident İlham Əliyev “Azərbaycan Respublikasının Dövlət Bayrağı Gününün təsis edilməsi haqqında” Sərəncam imzalayıb. Həmin il dekabrın 4-də isə Milli Məclis noyabrın 9-nu Dövlət Bayrağı Günü kimi rəsmiləşdirib.
Müstəqilliyini bərpa etdikdən sonra Azərbaycanın dövlət bayrağı milli suverenliyin simvolu kimi ölkəmizin bütün vətəndaşları üçün müqəddəs dövlətçilik rəmzlərindən birinə çevrilib. Azərbaycan Xalq Cümhuriyyətinin yadigarı olan bu bayraq xalqımızın azadlıq məfkurəsinə, milli mənəvi dəyərlərə və ümumbəşəri ideallara sadiqliyini nümayiş etdirir.
Azərbaycan Respublikasının dövlət bayrağı 1918-ci il noyabrın 9-da Azərbaycan Xalq Cümhuriyyəti Hökumətinin iclasında qəbul edilib və 1920-ci ilin aprel ayınadək dövlət statusuna malik olub. Həmin bayraq 1990-cı il noyabrın 17-də Naxçıvan Muxtar Respublikası Ali Məclisinin sədri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı olaraq təsdiq edilib. 1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu dövlət bayrağı elan edib.
1991-ci il oktyabrın 18-də “Azərbaycan Respublikasının dövlət müstəqilliyi haqqında” Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi kimi onun dövlət rəmzlərini, o cümlədən dövlət bayrağını bərpa edib. 2004-cü il iyunun 8-də “Azərbaycan Respublikası Dövlət bayrağının istifadəsi qaydaları haqqında” Azərbaycan Respublikasının Qanunu ilə bu sahədə qanunvericilik bazası təkmilləşdirilib.
Dövlət bayrağı respublikamızın dövlət qurumlarının və diplomatik nümayəndəliklərinin binaları üzərində ucalır, mühüm beynəlxalq tədbirlər, mötəbər mərasimlər və məclislərlə yanaşı, irimiqyaslı ictimai-siyasi toplantılarda, mədəni tədbirlərdə və idman yarışlarında qaldırılaraq milli birliyi təcəssüm etdirir.
2010-cu il sentyabrın 1-də Azərbaycan Prezidenti İlham Əliyevin iştirakı ilə Dövlət Bayrağı Meydanının - Bakı şəhərinin Bayıl sahəsində yerləşən memorial abidə-istirahət parkının təntənəli açılışı olub. Bayraq dirəyinin hündürlüyü 162 metr, bünövrəsinin diametri 3,2 metr, bünövrənin üst hissəsinin diametri 1,09 metrdir. Qurğunun ümumi kütləsi 220 tondur. Bayrağın eni 35 metr, uzunluğu 70 metr, ümumi sahəsi 2450 kvadratmetr, çəkisi isə təqribən 350 kiloqramdır. Meydanda qurulmuş Azərbaycan Respublikasının gerbi, dövlət himninin mətni və ölkəmizin xəritəsi qızıl suyuna salınmış bürüncdən hazırlanıb. Meydanda Dövlət Bayrağı Muzeyi də yaradılıb.
Qeyd edək ki, müstəqil Azərbaycanın dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “türkçülük, islamçılıq və müasirlik” formulunun müəllifi görkəmli Azərbaycan mütəfəkkiri Əli bəy Hüseynzadədir.
Lerik rayonu Telman Kazımov adına Veri kənd tam orta ümumtəhsil məktəbinin Azərbaycan dili və Ədəbiyyatı müəllimi Hüseynov Elvin.

8 noyabr -Zəfər günü münasibəti ilə bağlı geniş tədbir keçirildi. Şəhidlər kompleksi ziyarət olundu , Şəhidlərimizin əziz xatirəsi anıldı. Ali Baş Komandan İlham Əliyevin rəhbərliyi ilə qazanılan möhtəşəm Qələbə qurur hissi ilə qeyd edildi. Zəfər gününüz mübarək olsun !
Qalib Azərbaycan ! Qürurlu xalq!

Prezident İlham Əliyev Azərbaycan Milli Elmlər Akademiyasının 80 illik yubiley tədbirində çıxış etdi.Dövlət başçısı alimləri yubiley münasibətilə təbrik edərək bildirdi ki,Akademiya 80 il ərzində müxtəlif dövrlərdən keçib,lakin hər zaman Azərbaycan elminin inkişafında mühüm rol oynayıb.Prezident vurğuladı ki,Ulu Öndər Heydər Əliyev elmin inkişafına daim xüsusi diqqət göstərib,onun rəhbərliyi dövründə Akademiyanın maddi-texniki bazası möhkəmləndirilib.İlham Əliyev qeyd etdi ki,müstəqilliyin ilk illərində çətinliklər olsa da,alimlər öz səyləri ilə elmi fəaliyyəti qoruyub saxladılar.Son illərdə isə elmin maliyyələşməsi iki dəfədən çox artıb,yeni layihələr həyata keçirilib.Prezident gələcək hədəflərdən danışaraq bildirdi ki,AMEA müasir tələblərə uyğun şəkildə fəaliyyətini qurmalı,elmi nəticələr praktik sahələrdə,xüsusilə sənaye və texnologiyada tətbiq olunmalıdır.Sonda Prezident xalqı qarşıdan gələn Zəfər Günü və Dövlət Bayrağı Günü münasibətilə təbrik etdi.🇦🇿
Lerik rayonu Telman Kazımov adına Veri kənd tam orta ümumitəhsil məktəbinin Tarix müəllimi Muradov Elçin

🇦🇿 Qubadlı Şəhəri Günü: Zəfərin Beşinci İlliyi! 🇦🇿
​25 Oktyabr

Bu tarix hər bir azərbaycanlının yaddaşına qızıl hərflərlə yazılmış, qəhrəmanlıq, qürur və bərpa simvoludur. Bu gün, şanlı Qələbəmizin növbəti – beşinci ildönümüdür!
​Məhz 2020-ci ilin 25 Oktyabr tarixində, Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusu 27 illik həsrətə son qoyaraq, doğma Qubadlı şəhərini düşmən işğalından azad etdi. Bu azadlıq sadəcə hərbi əməliyyatın nəticəsi deyil, bu, illərlə torpaq həsrəti ilə yaşayan hər bir qubadlının, hər bir azərbaycanlının qəlbinin döyüntüsünün, milli birliyimizin və sarsılmaz iradəmizin təntənəsi idi.
​Qubadlı əməliyyatı 44 günlük Vətən müharibəsinin ən mühüm və strateji uğurlarından biri oldu. Zəngilanın azad edilməsindən sonra böyük peşəkarlıq və fədakarlıq tələb edən bu əməliyyatda qəhrəman əsgər və zabitlərimiz düşmənin güclü istehkamlarını yarmağı bacardılar. Onların igidliyi sayəsində, Azərbaycan bayrağı 30 ilə yaxın bir müddətdən sonra yenidən Qubadlı səmalarında qürurla dalğalandı.​Bu gün
Qubadlının azad olunmasının 5-ci ildönümündə biz həm qəhrəman Ordumuzun şücaətinə heyran qalır, həm də Böyük Qayıdış epoxasının şahidiyik. Erməni vandallığının izləri silinir, Qubadlıda genişmiqyaslı quruculuq və bərpa işləri həyata keçirilir. Yollar çəkilir, infrastruktur yenilənir, "Ağıllı kənd" və "Ağıllı şəhər" konsepsiyaları reallaşır. Qubadlı yenidən yaşamağa, çiçəklənməyə başlayır!
​Bu şanlı gündə, Vətən müharibəsində Qubadlının azadlığı uğrunda canından keçən bütün Şəhidlərimizi dərin hörmət və ehtiramla yad edirik. Allah onlara rəhmət eləsin! Qazilərimizin şücaəti hər zaman qəlbimizdə yaşayacaq.
​
​Yaşasın Azərbaycan! Yaşasın Müzəffər Ali Baş Komandan! Qarabağ Azərbaycandır!
Lerik rayonu Telman Kazımov adına Veri kənd tam orta ümumitəhsil məktəbinin Tarix müəllimi Muradov Elçin