Lənkəran rayonu A.Xəlilov adına Vel kənd tam orta ümumtəhsil məktəb

📌23 may saat 11:00-dan etibarən dövlət ümumi təhsil müəssisələrində çalışan müəllimlərin iş yerinin dəyişdirilməsi müsabiqəsinin növbəti vakansiya seçimi mərhələsinə start verilir.

✅ Müsabiqə üzrə vakansiya seçimi 26 may saat 11:00-dək davam edəcək.

🌐 Müəllimlər qeyd olunan tarixədək vakansiya seçimi edərək elektron ərizələrini təsdiqləməlidirlər.

Asif Xəlilov adına Vel kənd tam orta ümumtəhsil məktəbində 22 may 2026-cı il tarixində IV və VI siniflər üzrə keçiriləcək monitorinq imtahanlarına hazırlıq məqsədilə imtahan veriləcək fənn müəllimləri ilə növbəti təlimat xarakterli görüş keçirildi. Təlim zamanı məktəbin tədris işləri üzrə direktor müavini Şahnaz Cabbarova monitorinq çərçivə sənədində edilmiş dəyişikliklər barədə müəllimləri məlumatlandıraraq vacib məqamları bir daha diqqətə çatdırdı.
Məktəbin direktoru Zamin Abdullayev monitorinqə hazırlıq prosesinin daha səmərəli təşkili, şagird nailiyyətlərinin artırılması və tədrisin keyfiyyətinin yüksəldilməsi istiqamətində müəllimlərə dəyərli tövsiyələr verdi.
Məktəb olaraq şagirdlərimizin uğurlu nəticələr əldə etməsi üçün hazırlıq işlərimizi davam etdiririk. #

21 may 2026-cı il tarixində Lənkəran-Astara Regional Təhsil İdarəsinin Lənkəran şəhər Təhsil Sektoru tərəfindən Asif Xəlilov adına Vel kənd tam orta ümumtəhsil məktəbində yoxlama aparılmışdır. Yoxlama zamanı məktəbdə şagird və işçi heyətinin davamiyyəti nəzarətdə saxlanılmış, tədris prosesinin təşkili və keyfiyyət göstəriciləri ilə bağlı görülən işlərin vəziyyəti araşdırılmışdır.
Eyni zamanda qarşıda keçiriləcək IV və VI sinif monitorinqlərinə hazırlıq məqsədilə müəllimlərlə iclas keçirilmiş, şagird nailiyyətlərinin artırılması, monitorinqə hazırlıq istiqamətində həyata keçirilən tədbirlər və qarşıda duran vəzifələr müzakirə edilmişdir. Tədrisin keyfiyyətinin yüksəldilməsi istiqamətində məktəbdə aparılan işlərin davamlı şəkildə həyata keçirildiyi qeyd olunmuşdur.
Tədrisin keyfiyyətinin daha da inkişafı üçün pedaqoji heyətə tövsiyə və təkliflər irəli sürülmüşdü.

“Ətraf mühitin qorunması” mövzusunda maarifləndirici söhbət keçirildi.
Söhbət zamanı şagirdlərə ətraf mühitin mühafizəsinin vacibliyi, təbiətin qorunması, yaşıllıqların artırılması, tullantıların düzgün çeşidlənməsi və ətrafın təmiz saxlanılmasının əhəmiyyəti barədə geniş məlumat verildi.

Siyavar tibb məntəqəsinin əməkdaşları tərəfindən məktəbdə şagirdlərin sağlamlıq vəziyyətinin yoxlanılması məqsədilə tibbi müayinə və profilaktik tədbirlər həyata keçirildi.

Şagirdlərimizi təbrik edir, gələcək təhsil həyatlarında daim uğurlar arzulayırıq! 📚✨

Beynəlxalq Muzeylər Günü ilə əlaqədar şagird və müəllimlər Lənkəran Tarix-Diyarşünaslıq Muzeyində oldular.
Məqsəd şagirdlərdə milli-mədəni irsimizə marağın artırılması,tariximizin daha yaxından öyrənilməsi və onların dünyagörüşünün genişləndirilməsi olmuşdur.
Muzey əməkdaşları təfindən şagirdlərə qədim eksponatlar,tarixi sənədlər,milli məişət əşyaları və bölgənin tarixi ilə bağlı maraqlı məlumatlar təqdim edilmişdir.
Şagirdlər tərəfindən böyük maraqla qarşılanmış,onların tarixi-mədəni dəyərlərimizə olan marağının daha da artmasına müsbət təsir göstərmişdir.

Lənkəran rayonu Asif Xəlilov adına Vel kənd tam orta ümumtəhsil məktəbində
"Gənclərin sağlam ruhda tərbiyə olunması,zərərli vərdişlərdən qorunması,narkotik vasitələrin yaratdığı təhlükələr barədə geniş maarifləndirmə işinin aparılması və sağlam cəmiyyətin formalaşdırılması istiqamətində birgə mübarizə tədbiri".