Lənkəran rayonu Xanbulan kənd tam orta ümumtəhsil məktəbi

18/06/2026

Xanbulan kənd tam orta ümumtəhsil məktəbində 2025-2026-cı tədris ilinin yekunlarına həsr olunmuş növbəti pedaqoji şura iclası keçirilib.
İclasda geridə quyulan tədris ili ərzində görülmüş işlər, monitorinq və buraxılış imtahanlarında şagirdlərin nəticələri, eləcə də il boyu həyata keçirilən layihələr geniş təhlil olunub. Qarşıda qoyulan hədəflər müəyyənləşdirilib və növbəti tədris ili üçün prioritet istiqamətlər barədə geniş müzakirələr aparılıb.
Məktəbin direktoru Mərziyə Əliyeva fədakar əməyinə və göstərdiyi yüksək peşəkarlığa görə məktəbin bütün pedaqoji heyətinə təşəkkürünü bildirib, müəllim və şagirdlərə xoş yay tətili arzulayıb

05/06/2026

Məktəbimizdə "İnsan hüquqları aylığı" çərçivəsində maarifləndirici tədbir keçirildi

Ölkəmizdə elan olunmuş "İnsan hüquqları aylığı" çərçivəsində məktəbimizdə şagirdlərin hüquqi biliklərinin artırılması məqsədilə xüsusi tədbir təşkil olundu.
Tədbirdə məktəbin direktoru Mərziyə Əliyeva və tarix müəllimi Orxan Əfəndiyev çıxış edərək, şagirdlərə insan hüquq və azadlıqlarının mahiyyəti, formalaşma tarixi və dövlətimizin bu sahədə apardığı siyasət barədə geniş məlumat verdilər. Hüquq və vəzifələrin balansı, uşaq hüquqlarının qorunması mövzular ətrafında maraqlı müzakirələr aparıldı.
Daha sonra mövzuya dair maarifləndirici və informativ video çarx nümayiş etdirildi. Video çarx şagirdlər tərəfindən böyük maraqla qarşılanıb.
Bu cür tədbirlərin keçirilməsində əsas məqsəd gənc nəslin hüquqi şüurunu inkişaf etdirmək, onları öz hüquqlarını bilən və başqalarının hüquqlarına hörmətlə yanaşan vətəndaşlar kimi yetişdirməkdir

04/06/2026

Kosmik poçt kart müsabiqəsinin qalibi bəlli oldu
Məktəblilərarası milli Kosmik poçt kart müsabiqəsinə bu gün yekun vurduq.
Şagirdlərimizin sonsuz təxəyyülü və kosmosa olan sevgisi bizi heyran etdi. Münsiflər heyətinin gərgin seçimindən sonra ən yaradıcı, ən sehrli poçt kartının müəllifi olan 7 ci a sinif şagirdi Balayeva Sevda qalib seçildi.
Bu möhtəşəm layihədə iştirak edən, xəyallarını rənglərlə kosmosa uçuran hər bir şagirdimizə və onlara dəstək olan müəllimlərə təşəkkür edirik

03/06/2026

Məktəbimizdə növbəti maarifləndirmə tədbiri : ixtioz və bullyoz epidermoliz

Bu gün məktəbimizdə şagirdlərin tibbi - sosial maarifləndirilməsi, xüsusilə nadir genetik xəstəliklər barədə məlumatların artırılması məqsədilə mühim bir tədbir keçirilib.
Tədbir çərçivəsində şagirdlərimizə ixtioz və bullyoz epidermolizin profilaktikası, bu xəstəlikdən əziyyət çəkən insanlara qarşı cəmiyyətdə düzgün yanaşmanın formalaşdırılması mövzusunda video çarx nümayiş etdirilib.
Məktəbin biologiya müəllimi İlqar Qurbanov şagirdlərə xəstəliyin bioloji mahiyyəti, genetik xüsusiyyətləri və bu fərdlərə göstərilməli olan mənəvi dəstək barədə maraqlı məlumatlar verib
Məqsədimiz təkcə bilikli deyil, həm də ətrafdakılara qarşı həssas, empatiya hissi yüksək olan gənclər yetişdirməkdir.

01/06/2026

Bu gün məktəbimizin həyəti uşaq gülüşlərinə, sonsuz sevincə və rənglərə büründü.
1 İyun - Uşaqları Beynəlxalq Müdafiəsi Günü münasibətilə ibtidai sinif şagirdlərimiz üçün məktəbin həyətində unudulmaz, əyləncəli bir bayram tədbiri keçirdik.
Balalarımız bir-birindən maraqlı oyunlar oynadı, musiqi sədaları altında milli yallımızı getdi, rəqs edib doyunca əyləndilər. Tədbirin sonunda hər bir şagirdimizi bu gözəl gün münasibətilə təbrik etdik, onlara gələcək həyatlarında uğurlar və rəngarəng uşaqlıq illəri arzuladıq
Dünyanın ən böyük sərvəti olan uşaqlarımızın üzündəki təbəssüm bizim ən böyük mükafatımızdır.
Bayramınız mübarək, əziz uşaqlar!

30/05/2026

Bu gün məktəbimizin fəxri məzunu II Qarabağ Müharibəsində şəhid olan Mahsun Zahir oğlu Bağırzadənin doğum günüdür

Şagirdlərimiz məktəbin hərbi rəhbəri Mahir İmanovla birlikdə qəhrəmanımızın məzarını ziyarət edib, onun əziz xatirəsini ehtiramla yad ediblər
Mahsun kimi igidlərin xatirəsi həm qəlbimizdə, həm də məktəbimizin tarixində əbədi yaşayacaqdır.

26/05/2026

26/05/2026

Təbiətimiz Müstəqilliyimiz qədər dəyərlidir

26 May 2026-cı il tarixində “28 May – Müstəqillik Günü” münasibətilə Hirkan Milli Parkın “Sağlam həyat tərzi” marşrutu üzrə Lənkəran rayonu Xanbulan kənd tam orta məktəbinin 6-cı sinif şagirdləri ilə “Təbiətimiz Müstəqilliyimiz qədər dəyərlidir” devizi altında maarifləndirici eko-yürüş keçirilmişdir.
Tədbirin əsas məqsədi şagirdlərə dövlətimizin müstəqilliyini qorumağın vacibliyi ilə yanaşı, doğma vətənimizin təbiətinin – meşələrinin, çaylarının, dağlarının, flora və faunasının da qorunmasının hər bir vətəndaşın borcu olduğunu aşılamaq olmuşdur. Eko-yürüş zamanı iştirakçılara Hirkan Milli Parkının zəngin biomüxtəlifliyi, nadir bitki və heyvan növləri, təbiətin mühafizəsinin əhəmiyyəti barədə ətraflı məlumat verilmişdir.
Təbiət qoynunda keçirilən tədbir şagirdlərdə vətənpərvərlik hissinin gücləndirilməsi, ətraf mühitə qayğıkeş münasibətin formalaşdırılması və sağlam həyat tərzinin təbliği baxımından böyük maraqla qarşılanmışdır. Şagirdlər yürüş zamanı təbiətin gözəllikləri ilə yaxından tanış olmuş, ətraf mühitin təmiz saxlanılması və qorunmasının vacibliyini bir daha dərk etmişlər.
“Təbiətimiz Müstəqilliyimiz qədər dəyərlidir” şüarı altında keçirilən tədbir iştirakçılarda həm vətənə, həm də təbiətə sevgi hissinin artırılmasına xidmət etmişdir.

26/05/2026

Məktəbimizdə "İnsan hüquqları aylığı" çərçivəsində dəyirmi masa keçirilib.

Azərbaycan Respublikasının İnsan Hüquqları üzrə müvəkkili (Ombudsmanı) tərəfindən elan edilmiş "İnsan hüquqları aylığı" çərçivəsində bu gün məktəbimizdə "Mənim hüquqlarım" mövzusunda "dəyirmi masa" keçirildi. Mövzu ilə bağlı giriş sözü ilə məktəbin direktoru Mərziyə Əliyeva insan hüquq və azadlıqlarının qorunmasının dövlət siyasətinin prioritet istiqamətlərindən biri olduğunu vurğuladı. Qeyd etdi ki, bu cür maarifləndirici tədbirlərin məqsədi böyüməkdə olan nəslin hüquqi şüurunu inkişaf etdirmək və onlara vətəndaşlıq məsuliyyəti aşılamaqdır.
Məktəbin tarix müəllimi Orxan Əfəndiyev təhsil və inkişaf hüququ barədə söz açdı. Gələcəyimiz olan gənclərin biliklərə dərindən yiyələnməsi, həm də güclü və ədalətli cəmiyyətin təminatıdır.
Müzakirələr zamanı Uşaq hüquqları, vətəndaşlıq vəzifələri və cəmiyyətdə qarşılıqlı hörmət prinsipləri barədə geniş fikir mübadiləsi aparıldı .

25/05/2026

Məktəbimizdə Müstəqillik Günü qeyd olunub

Tədbiri giriş sözü ilə açan məktəbin direktoru Mərziyə Əliyeva müstəqilliyimizin dövlətçilik tarixindəki əhəmiyyətindən danışıb, müəllim və şagird heyətini bu müqəddəs bayram münasibətilə ürəkdən təbrik edib.
Daha sonra Yaqut Əliyevanın rəhbərliyi ilə məktəbin özfəaliyyət dərnəyinin üzvlərinin ifasında vətənpərvərlik ruhunda şeirlər səsləndirilib, rəngarəng mahnılar və rəqslər təqdim olunub.
Müstəqilliyimiz daimi və əbədi olsun!