Lənkəran rayonu Qumbaşı kənd tam orta ümumtəhsil məktəbi

13 iyun 2026-cı il tarixində Lənkəran rayonun Qumbaşı kənd tam orta ümumtəhsil məktəbində "Son zəng "lə bağlı tədbir keçirildi.
Tədbir Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə başladı .Çıxışlar dinlənildi.Məktəb məzunlarının iştirakı ilə mahnı və rəqslərdən ibarət kompozisiyalar nümayiş etdirildi.Tədbirin sonunda Gənc nəslin təlim-tərbiyəsində göstərdiyi səmərəli fəaliyyətlərinə görə bir qrup fəal müəllimlərimiz təşəkkürnamələrlə təltif olundular.

Məktəbəqədər və Ümumi Təhsil üzrə Dövlət Agentliyi və Təhsil İnstitutu tərəfindən 5 iyun 2026-cı il tarixində IV siniflər, 6 iyun 2026-cı il tarixində VI siniflər olmaqla ölkə üzrə bütün ümumi təhsil müəssisələrində monitorinq keçiriləcək. Sözügedən monitorinqə hazırlıq məqsədi ilə 4-cü sinifdə olduğu kimi 6-cı sinifdə də növbəti sınaq monitorinqi təşkil etdik. Yeni qaydalara uyğun cavab kartlarının doldurulması qaydaları izah edildi.
Qeyd etmək istərdim ki, hazırkı VI sinif şagirdləri IV sinifdə təhsil aldıqları dövrdə keçirilmiş monitorinqin nəticələrinə əsasən 83 məktəb arasında 65-ci yerdən 21-ci yerə yüksəlməyi bacarmışlar.Həmin uğurun əldə olunmasında məktəbimizin ibtidai sinif müəllimi,diaqnostik qiymətləndirmədə və sertifikasiyada yüksək nəticə toplamış Həsənov Kazım Şəkür oğlunun böyük əməyi olmuşdur.
Bu gün qarşımızda daha böyük məsuliyyət dayanır.Əsas məqsədimiz əldə etdiyimiz ən azı 21-yeri qorumaq və nəticələrimizi daha da yaxşılaşdırmaqdır.İnanırıq ki, şagirdlərimizin, müəllimlərimizin və valideynlərimizin birgə səyi nəticəsində hədəfimizə nail olacağıq.
Əziz şagirdlər, hər birinizə yüksək nəticələr əldə etməyi arzulayırıq.

Bu gün Lənkəran rayonu Qumbaşı kənd tam orta ümumtəhsil məktəbində "İnsan hüquqları "mövzusunda tədbir keçirildi. Tədbirdə məktəbin məktəbdənkənar və sinifdəxaric tərbiyə işləri üzrə təşkilatçı E.Hüseynov şagirdlərə sözügedən mövzu ilə bağlı geniş məlumat verdi.

25 may 2026-ci il tarixində Lənkəran rayonun Qumbaşı kənd tam orta ümumtəhsil məktəbində Məktəbəhazırlıq qrupunun son dərs günündə sərgi təşkil olundu.Sözügedən tədbirdə şagirdlərin əl işləri nümayiş etdirildi.Sonda qrupda təhsil alan şagirdlərə sertifikat verildi.
Şagirdlərimizə sentyabr ayında başlayacaqları əsl məktəb həyatında böyük uğurlar arzulayırıq.

21 may 2026-ci il tarixində Lənkəran rayonun Qumbaşı kənd tam orta ümumtəhsil məktəbində valideyn iclası keçirildi.İclasda məktəbin direktoru Pərviz Əliyev şagird nailiyyətlərinin qiymətləndirilməsi və təlim keyfiyyətinin yüksəkdilməsi istiqamətində görülən işləri barədə valideynləri məlumatlandırdı.Daha sonra məktəbin təlim-tərbiyə işləri üzrə direktor müavini Fuad Əliyev, şagirdlərlə məktəbdənkənar və sinifdəxaric tərbiyə işləri üzrə təşkilatçı Elşad Hüseynov, eləcədə sinif rəhbərləri iştirak etdilər.Çıxışlar zamanı valideynlərlə məktəb əməkdaşlığının əhəmiyyəti vurğulandı.Şagirdlərin təhsil nailiyyətlərinin artırılması istiqamətində fikir mübadiləsi aparıldı.

Daha böyük uğurlara doğru irəliləyirik...

Əlifba bayramı 1-ci sinif şagirdlərinin məktəbdə ən sevimli və yaddaqalan tədbirlərdən biridir. Bu bayram şagirdlərin oxumağı və yazmağı öyrəndiklərinin rəsmi qeydidir. 15 may 2026-ci il tarixində məktəbimizdə 1-ci sinif şagirdlərinin əlifba bayramı böyük coşqu ilə qeyd edildi. Sözügedən sinifin ibtidai sinif müəllimi Fidan Quluzadənin təşkilatçılığı ilə şagirdlərinin ifasında
maraqlı şeirlər və kompozisiyalar nümayiş olundu.

Məktəbimizin təlim-tərbiyə işləri üzrə direktor müavini Əliyev Fuad Elçin oğlu 10 may 2026-ci ildə Bakı şəhərində təşkil olunmuş direktor və direktor müavinlərinin ixtisas bilikləri üzrə imtahanında 60 (fənn üzrə 50 , metodika və təlim strategiya üzrə 10 test tapşırığı ) mümkün baldan 51 bal toplamışdır.Fuad müəllimə növbəti mərhələdə uğurlar arzulayırıq.

12.04.2026-ci il tarixində keçirilən DİM buraxılış imtahanında məktəbimizin şagirdləri Bağırova Nuray Çingiz qızı 281 bal və Həbibzadə Züleyxa Nəriman qızı 204 bal toplaşmışdılar. Bu münasibətlə şagirdlərimizi təbrik edir və onlara gələcək təhsil həyatında uğurlar arzulayırıq.

Məktəbimizin 4-cü sinif şagirdi Nurullayev Rahim Tərlan oğlu və 2-ci sinif şagirdi Əliyeva İnci Pərviz qızı Cənub Hazırlıq Mərkəzinin təşkil etdiyi sınaq imtahanında yüksək nəticə toplamaqla Fəxri Fərmanla mükafatlandırılmışdır.Şagirdlərimizin göstərdiyi bilik və hazırlıq səviyyəsi məktəbin tədris keyfiyyətinin yüksəkdilməsində mühüm rol oynayır.
Yüksək nəticə göstərmiş şagirdlərimizin və müəllimlərini təbrik edir, onlara gələcək təhsil həyatında uğurlar arzulayırıq.