Quba şəhəri 7 nömrəli tam orta ümumtəhsil məktəbi

Quba şəhəri 7 nömrəli tam orta ümumtəhsil məktəbi Məktəbimiz Heydər Əliyev pr SMU-12 ünvanında yerləşir.

10 sentyabr 2026-cı il tarixində məktəbimizdə yeni tədris ilinin başlanması ilə əlaqədar pedaqoji şura iclası keçirildi...
14/09/2026

10 sentyabr 2026-cı il tarixində məktəbimizdə yeni tədris ilinin başlanması ilə əlaqədar pedaqoji şura iclası keçirildi.

Məktəbin direktoru Tural Əliyevin rəhbərliyi ilə keçirilən iclasda məktəbin pedaqoji kollektivi iştirak etdi.

İclas zamanı yeni tədris ilində qarşıda duran əsas vəzifələr, təlim-tərbiyə prosesinin düzgün və səmərəli təşkili, müəllimlərin fəaliyyətinin əlaqələndirilməsi, şagirdlərin təlim nailiyyətlərinin yüksəldilməsi və məktəbdaxili işlərin təşkili ilə bağlı məsələlər,IV və VI siniflərdə keçirilən monitorinq nəticələri müzakirə olundu.
Yeni dərs ilində görüləcək işlər, qarşıya qoyulan məqsədlər və pedaqoji kollektivin üzərinə düşən vəzifələr barədə fikir mübadiləsi aparıldı.

Sonda müzakirə olunan məsələlərlə bağlı müvafiq qərarlar qəbul edildi və pedaqoji kollektivə tapşırıq və tövsiyələr verildi.

Yeni tədris ilində bütün müəllim və şagirdlərimizə uğurlar arzulayırıq!

Quba şəhər 7 nömrəli tam orta ümumtəhsil məktəbinin məktəbdaxili metodisti Kəmərbəndi Suğra metodbirləşmə rəhbərləri və ...
04/09/2026

Quba şəhər 7 nömrəli tam orta ümumtəhsil məktəbinin məktəbdaxili metodisti Kəmərbəndi Suğra metodbirləşmə rəhbərləri və müəllimlər ilə metodiki görüş keçirdi. Metodiki görüşdə perspektiv planlama və diaqnostik qiymətləndirmə ilə bağlı məsələlər müzakirə olundu.

Quba şəhəri 7 nömrəli tam orta ümumtəhsil məktəbinin məzunları ali məktəblərə və kolleclərə qəbul olaraq növbəti təhsil ...
04/09/2026

Quba şəhəri 7 nömrəli tam orta ümumtəhsil məktəbinin
məzunları ali məktəblərə və kolleclərə qəbul olaraq növbəti təhsil mərhələsinə qədəm qoyublar. 👏
Bu uğur münasibətilə bütün məzunlarımızı təbrik edirik.
Yolunuz açıq ,uğurlarınız bol olsun ,əziz məzunlarımız!

Azərbaycan Respublikası Təhsil İnstitutunun “Müasir Metodist “ lahiyəsi çərçivəsində məktəbimizin İngilis dili müəllimi ...
02/09/2026

Azərbaycan Respublikası Təhsil İnstitutunun “Müasir Metodist “ lahiyəsi çərçivəsində məktəbimizin İngilis dili müəllimi Kəmərbəndi Suğra Quba şəhəri 7 nömrəli tam orta ümümtəhsil məktəbində məktəbdaxili metodist təyin olunmuşdur. Məktəbin direktoru Tural Əliyev və Azərbaycan Respublikasının Təhsil İnstitutunun Quba-Xaçmaz Regional Təhsil İdarəsi üzrə Aparıcı Metodisti Lalə Məmmədova metodisti məktəb kollektivinə təqdim etdilər və fəaliyyətində uğurlar arzu etdilər.

Bu gün Quba şəhəri 7 nömrəli tam orta ümumtəhsil məktəbində QXRTİ-nin aparıcı metodisti Lalə Məmmədova müəllimənin 2025-...
29/06/2026

Bu gün Quba şəhəri 7 nömrəli tam orta ümumtəhsil məktəbində QXRTİ-nin aparıcı metodisti Lalə Məmmədova müəllimənin 2025-2026-cı tədris ilində son metodik görüşü keçirildi.

Metodik görüş zamanı 2025-2026-cı tədris ilində məktəbdə göstərilmiş metodik dəstək ,müəllimlərin peşəkar inkişafı, metodik fəaliyyətin təşkili və qarşıda duran vəzifələr ətrafında geniş fikir mübadiləsi aparıldı.Metodik görüş müəllimlər tərəfindən maraqla qarşılandı və səmərəli müzakirələrlə yadda qaldı.

Tədbirin sonunda aparıcı metodist Lalə müəlliməyə metodik xidmət sahəsində göstərdiyi yüksək peşəkarlıq, məsuliyyətli fəaliyyəti, müəllimlərin inkişafına verdiyi dəyərli töhfələr və səmərəli əməkdaşlığı nəzərə alınaraq məktəb direktoru Tural Əliyev müəllim tərəfindən fəxri fərman təqdim olundu.

Müəllimlərin sertifikatlaşdırılması prosesində məktəbimizin müəllimləri iştirak etmiş,əla nəticələr qazanaraq uğur əldə ...
25/06/2026

Müəllimlərin sertifikatlaşdırılması prosesində məktəbimizin müəllimləri iştirak etmiş,əla nəticələr qazanaraq uğur əldə etmişlər.
Rəsulov Müşfiq-57bal(fiziki tərbiyə)
Sultanzadə Günay-56 bal(texnologiya)
Kərimova Səmayə-49 bal(təsviri sənət)
Murtuzov Anar-38 bal(tarix).

Bu uğur müəllimlərimizin peşəkarlıq, zəhmət, bilik və müəllimlik fəaliyyətinə məsuliyyətli yanaşmalarının göstəricisidir. Bu uğurları münasibətilə məktəbin direktoru Tural Əliyevin və bütün kollektivimiz adından müəllimlərimizi səmimi qəlbdən təbrik edir,onlara faəliyyətlərində daim yeni nailiyyətlər, möhkəm can sağlığı və daha böyük uğurlar arzulayırıq!

Uğurlarınız davamlı olsun,əziz müəllimlərimiz!

21.06.2026-cı il tarixində məktəbdə pedoqoji şuranın növbəti iclası keçirildi. Tural Əliyev 2025-2026-cı il tədris ilin...
22/06/2026

21.06.2026-cı il tarixində məktəbdə pedoqoji şuranın növbəti iclası keçirildi. Tural Əliyev 2025-2026-cı il tədris ilində görülmüş işlər,qazanılmış uğurlar və növbəti ildə qarşıda duran vəzifələr haqqında məlumat verdi.İclası giriş sözü ilə direktor Tural Əliyev açıq elan etdi.İclasda aşağıdakı məsələlər müzakirə edildi:
1.II yarımilin yekunlarına dair sinif rəhbərinin hesabatı dinlənildi.
2.I-VIII və X siniflərdə təhsil alan şagirdlərin və fərdi təhsil alan şagirdlərin sinifdən sinifə keçirilməsi
3.Təşkilatçı müavinin, psixoloqun və UBTR-in hesabatı dinlənildi .Və təlim -tərbiyə prosesinin nəticələri müzakirə edildi .
4.IX və Xl sinif şagirdlərinin attestatlarının verilməsi .
5.Məktəbdə fəaliyyət göstərən aparıcı metodist Lalə Məmmədovanın fəaliyyəti müzakirə olundu.
6.Sonda məktəb rəhbəri ilboyu qazanılmış uğurlara görə kollektivə təşəkkürünü bildirdi.

Quba şəhəri 7 nömrəli tam orta ümumtəhsil məktəbininin məzunu olmuş Vətən müharibəsi şəhidi Musa Məmmədovun doğum günü m...
18/06/2026

Quba şəhəri 7 nömrəli tam orta ümumtəhsil məktəbininin məzunu olmuş Vətən müharibəsi şəhidi Musa Məmmədovun doğum günü münasibətilə məktəbin müəllim və şagird kollektivi tərəfindən onun məzarı ziyarət olunmuşdur.
Vətən uğrunda canından keçərək şəhidlik zirvəsinə ucalmış qəhrəman oğullarımızdan biri – Quba rayonunun Zərdabi qəsəbəsində anadan olmuş şəhid Musa Bəhrəm oğlu Məmmədovun doğum günüdür. O, 18 iyun 2002-ci ildə dünyaya göz açmış, Vətən müharibəsində böyük qəhrəmanlıq göstərərək 2 oktyabr 2020-ci ildə şəhidlik zirvəsinə ucalmışdır.

Şəhid Musa Məmmədov qısa ömür yaşasa da, öz adı ilə xalqımızın qəhrəmanlıq salnaməsində silinməz iz qoymuşdur. Onun Vətənə sevgisi, cəsarəti və fədakarlığı gənc nəsillər üçün əsl vətənpərvərlik nümunəsidir.
Bu əlamətdar gündə əziz şəhidimizi dərin hörmət və ehtiramla yad edir, ruhu qarşısında baş əyirik. Allah bütün şəhidlərimizə rəhmət eləsin! Şəhidlərimizin xatirəsi daim qəlbimizdə yaşayacaq.

Doğum günün mübarək, qəhrəman şəhidimiz Musa Məmmədov!

Ruhun şad, məkanın cənnət olsun! 🕊️🇦🇿

“15 İyun – Milli Qurtuluş Günü”Azərbaycan xalqının tarixində mühüm yer tutan 15 iyun – Milli Qurtuluş Günü ölkəmizin tal...
15/06/2026

“15 İyun – Milli Qurtuluş Günü”

Azərbaycan xalqının tarixində mühüm yer tutan 15 iyun – Milli Qurtuluş Günü ölkəmizin taleyində dönüş nöqtəsi olmuşdur. Bu əlamətdar gün xalqımızın birlik, həmrəylik və dövlətçilik ənənələrinin möhkəmlənməsinin simvoludur. 1993-cü ilin 15 iyun tarixində ölkəmiz ağır siyasi böhrandan xilas olaraq sabitlik və inkişaf yoluna qədəm qoymuşdur. Bu gün hər bir azərbaycanlı üçün qürur mənbəyi olmaqla yanaşı, müstəqilliyimizin qorunub saxlanılmasının və güclü Azərbaycanın qurulmasının təməlini xatırladır.

Bu əlamətdar günün əhəmiyyətini öyrənmək, tariximizi dərindən bilmək və gələcək nəsillərə çatdırmaq hər birimizin vətəndaşlıq borcudur. Azərbaycanda Milli Qurtuluş Günü böyük hörmət və ehtiramla qeyd edilir.

Əziz müəllimlər, valideynlər və şagirdlər!Bu gün məktəbimizin həyatında həm sevinc, həm qürur, həm də kövrək duyğular bi...
13/06/2026

Əziz müəllimlər, valideynlər və şagirdlər!

Bu gün məktəbimizin həyatında həm sevinc, həm qürur, həm də kövrək duyğular bir araya gəlib. Bir tərəfdə ilk dəfə məktəb həyatına qədəm qoyan 1-ci sinif şagirdləri, digər tərəfdə isə uzun illərin zəhmətini və xatirələrini ürəklərində daşıyaraq məktəblə vidalaşan 11-ci sinif məzunları dayanırlar.

Bu gün çalınacaq “Son zəng” yalnız bir dərs ilinin sonu deyil, həm də məzunlarımız üçün yeni həyat yolunun başlanğıcıdır. Məktəb illərinin sevinci, dostluğu, müəllimlərin əməyi və unudulmaz xatirələri hər zaman onların qəlbində yaşayacaqdır. Qoy bu əlamətdar gün hər bir məzunumuzun gələcəyinə uğur, xoşbəxtlik və yeni nailiyyətlər gətirsin.

Məzunlarımıza işıqlı yol, birincilərimizə isə uğurlu təhsil həyatı arzulayırıq.

Son zənginiz mübarək! 🌹📚🔔

Address

Azərbaycan
Kuba
4000

Opening Hours

Monday 08:00 - 18:15
Tuesday 08:00 - 18:15
Wednesday 08:00 - 18:15
Thursday 08:00 - 18:15
Friday 08:00 - 18:15
Saturday 08:00 - 13:15

Telephone

+994233354096

Website

Alerts

Be the first to know and let us send you an email when Quba şəhəri 7 nömrəli tam orta ümumtəhsil məktəbi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Quba şəhəri 7 nömrəli tam orta ümumtəhsil məktəbi:

Shortcuts

Share

Category