Göygöl rayon X. Muradov adına Gəncə kənd tam orta məktəb

Məktəbimizdə "Son Zəng" qeyd edildi
Bu gün məktəbimizdə XI sinif məzunları üçün "Son Zəng" tədbiri keçirildi. Tədbirdə müəllimlər, şagirdlər, valideynlər və qonaqlar iştirak etdilər. Məktəbin direktoru məzunları təbrik edərək onlara gələcək həyatlarında uğurlar arzuladı.
Şagirdlər şeirlər söylədilər, məzunlar məktəb illəri ilə bağlı xatirələrini bölüşərək müəllimlərinə minnətdarlıqlarını ifadə etdilər.
Sonda "Son Zəng" səsləndi və məzunlar məktəb həyatına vida etdilər. Bu əlamətdar gün hər kəs üçün unudulmaz xatirə olaraq yadda qaldı.

10.06.2026-cı il tarixində məktəbimizdə valideyn iclası keçirildi.
İclasda məktəb rəhbərliyi və valideynlər iştirak etdilər. Görüş zamanı 9-cu sinif şagirdlərinin tədris nəticələri təhlil edildi, əldə olunan nailiyyətlər və qarşıda duran vəzifələr müzakirə olundu. Valideynlərlə fikir mübadiləsi aparılaraq şagirdlərin uğurlarının artırılması istiqamətində tövsiyələr verildi.
Məktəb–ailə əməkdaşlığının gücləndirilməsi və şagirdlərin inkişafına birgə dəstək göstərilməsi əsas müzakirə mövzularından oldu.

“İnsan hüquqları ilə bağlı maarifləndirici görüş təşkil olundu və iştirakçılara bu sahədə ətraflı məlumat verildi.”

II yarımilin yekünlarına dair böyük summativ qiymətləndirmələrə start verildi.

WUF13-ün Azərbaycanda keçirilməsi ilə bağlı dəyirmi masa keçirildi
Məktəbimizdə şagirdlərin qlobal şəhərsalma, dayanıqlı inkişaf və müasir şəhərlərin gələcəyi barədə məlumatlandırılması məqsədilə WUF13 (Ümumdünya Şəhərsalma Forumu) ilə bağlı dəyirmi masa təşkil olundu. Tədbirdə iştirakçılar forumun əhəmiyyəti, Azərbaycanın ev sahibi kimi rolu və dayanıqlı şəhər mühitinin formalaşdırılması istiqamətində görülən işlər barədə fikir mübadiləsi apardılar.
Şagirdlər mövzu ətrafında təqdimatlarla çıxış edərək öz baxışlarını bölüşdülər və şəhərlərin gələcəyinə dair maraqlı müzakirələr apardılar.