Kürdəmir rayonu Q.Sadıqov adına Mollakənd kənd tam orta məktəbi

16/11/2023

Çağırışaqədərki hazırlıq rəhbərlərinin diaqnostik qiymətləndirilməsi keçiriləcək



Ətraflı: https://bit.ly/3QMjyYi

15/11/2023

15.11.2023-cü il tarixdə Q.Sadıqov adına Mollakənd kənd tam orta məktəbində sinif rəhbərləri və sinif özünü idarə orqanları ilə məktəb rəhbərliyi tərəfindən maarifləndirici tədbir keçirilmişdir .Tədbirdə Kürdəmir rayon Təhsil Sektorunun müdiri cənab Rəfail Məmmədovun 14.11.2023-cü il tarixdə məktəb rəhbərləri ilə keçirilən iclasındakı tövsiyyələri müəllim və şagirdlərə çatdırılmış,qarşıda duran məsələlər müzakirə olunmuşdur.

15/11/2023

15.11.2023-cü il tarixdə Kürdəmir rayonu Q.Sadıqov adına Mollakənd kənd tam orta məktəbində VII sinifdə fizika fənnindən "Ümumdünya cazibə qanunu"mövzusunda açıq dərs keçirilmişdir.

14/11/2023

Eksternat qaydada imtahanların keçirilməsi barədə elan
- - - - -

Əvvəlki illərdə ümumi təhsil müəssisələrində oxuyub ümumi orta və tam orta təhsil səviyyəsini bitirə bilməyən şəxslər üçün 15 noyabr 2023-cü il tarixdən 14 dekabr 2023-cü il tarixədək eksternat təhsilalma forması üzrə ümumi orta və ya tam orta təhsil haqqında təhsil sənədi almaq məqsədilə sənəd qəbulu həyata keçiriləcəkdir. Eksternat qaydada aralıq imtahanlarında əvvəlki illərdə Mərkəzi Aran Regional Təhsil İdarəsinin tabeliyində fəaliyyət göstərən təhsil müəssisələrində təhsil almış, lakin ümumi orta və ya tam orta təhsil səviyyəsini başa vura bilməyən şəxslər iştirak edə bilərlər.

İmtahanda iştirak etmək istəyən şəxslər aşağıdakı tələb olunan sənədləri Mərkəzi Aran Regional Təhsil İdarəsinin strukturuna daxil olan rayon (şəhər) üzrə təhsil sektorlarına yaxınlaşaraq təqdim edə bilərlər:

1.Rayon (şəhər) üzrə təhsil sektorunun müdirinin adına ünvanlanmış ərizə (faktiki yaşadığı ünvan və əlaqə nömrəsi qeyd edilməlidir);

2.Şəxsiyyət vəsiqəsinin surəti;

3.Tam orta təhsil səviyyəsi üzrə eksternat təhsilalma formasında aralıq imtahanlarında iştirak üçün (11-ci sinif üzrə) müraciət edildiyi halda ümumi orta təhsil haqqında attestatın (şəhadətnamənin) surəti;

4.Əvvəllər təhsil aldığınız müəssisədən əldə etdiyiniz təhsildən yayınma səbəbi və tədris ili göstərilmiş arayışın surəti;

5.Ümumi orta təhsil səviyyəsi haqqında attestat almaq üçün müraciət edən şəxslərin yaşı 16-dan, tam orta təhsil səviyyəsi haqqında attestat almaq üçün müraciət edənin yaşı 18-dən aşağı olmamalıdır.

Müraciət edən şəxslər buraxılış imtahanlarından öncə əsas fənlərdən ibarət aralıq imtahanda iştirak edirlər. Tədris dili rus dilində olan şəxslər əlavə olaraq Azərbaycan dili fənnindən imtahan verirlər.

Nəticələr Dövlət İmtahan Mərkəzi tərəfindən keçirilən buraxılış imtahanlarına kimi açıqlanır. İmtahanlarında uğur qazanmış eksternlər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən ümumi və tam orta təhsil səviyyəsi üzrə keçirilən buraxılış imtahanlarında iştirak etmək hüququ qazanırlar.

Əlavə sualı olan vətəndaşlar Mərkəzi Aran Regional Təhsil İdarəsinin Çağrı Mərkəzinin (“146-0-3”) əlaqə nömrəsinə zəng etməklə məlumat ala bilərlər.

Xüsusi qeyd: Təqdim edilmiş sənədlərdə uyğunsuzluq aşkar edildiyi təqdirdə şəxsin eksternat qaydasında imtahanlarda iştirakı təmin edilməyəcək.

14/11/2023

14.11.2023-cü il tarixdə Kürdəmir rayonu Q.Sadıqov adına Mollakənd kənd tam orta məktəbində Tarix müəllimi Günel Bilalova və Hərbi rəhbər Möhlət Məmmədov "Gənclərin asudə vaxtlarının səmərəli təşkili" ilə bağlı bilik yarışı keçirmişdir.

13/11/2023

Respublika fənn olimpiadalarında iştirak üçün elektron qeydiyyat prosesinə start verilir.



Ətraflı: https://bit.ly/47r6kXu

13/11/2023

13/11/2023

13.11.2023-cü il tarixdə Kürdəmir rayonu Q.Sadıqov adına Mollakənd kənd tam orta məktəbində RFO-da həmçinin "Gəl, robotu birlikdə öyrənək" layihəsində iştirak edəcək şagirdlərlə məktəbin TTİÜDM-ni Afət Hacıyev tərəfindən söhbət aparılmışdır.

Şagirdlərimizə uğurlar arzulayırıq.

13/11/2023

Bu günü bizə bəxş edən müzəffər Silahlı Qüvvələrimiz döyüş meydanında cəsarət, qəhrəmanlıq, fədakarlıq göstərərək düşməni bizim əzəli torpaqlarımızdan qovmuşdur.
Hamımıza məlumdur ki, Vətən müharibəsində Azərbaycanın igid oğulları böyük qəhrəmanlıq və şücayət göstərərək 30 il düşmən tapdağı altında qalan torpaqlarımızı cəmi 44 gün ərzində azad etdilər. Onlar Azərbaycanın musiqi və mədəniyyət beşiyimiz sayılan, Xan qızı Natəvanın vətəni olan gözəl Şuşamızı heç bir silah, hərbi texnika işlətmədən azad etdilər. Onlar bütün dünyaya Azərbaycan dövlətinin gücünü, ordumuzun məğlubedilməzliyini nümayiş etdirdilər. Ali Baş Komandan İlham Əliyevin rəhbərliyi ilə “Qarabağ Azərbaycandır”-sözlərini birdəfəlik yaddaşlara həkk etdilər. Şuşa döyüşü haqqında Azərbaycan Respublikasının Prezidenti İlham Əliyev demişdir: “Azərbaycan xalqının çoxəsrlik tarixində buna bənzər parlaq Qələbə olmamışdır. Şuşa əməliyyatı, 44 gün ərzində apardığımız bütün digər hərbi əməliyyatlar, hərbçilərimizin şücaəti bir qəhrəmanlıq dastanıdır”.
İstər 44 Günlük Vətən Müharibəsi dövründə, istərsə də müharibə başa çatdıqdan sonra ölkə prezidenti İlham Əliyevin məqsədyönlü və sistemli siyasəti nəticəsində informasiya müharibəsində də dövlətimiz beynəlxalq arenada öz sözünü ləyaqətlə deyə bildi. Dünya miqyasında Azərbaycanın ərazi bütövlüyünün tanınmasına nail oldu.
Fərrux əməliyyatı, Sarıbaba və Qırxqız əməliyyatı və digər hərbi əməliyyatlar nəticəsində Azərbaycan ordusu öz strateji mövqeylərini daha da möhkəmləndirməyə nail oldular. Onlar Ermənistana mesaj göndərdilər ki, bizi heç nə və heç kim öz yolumuzdan dayandıra bilməz. Onlar Qarabağda olan silahlı birləşmələri bizim torpaqlarımızdan çıxarmalıdırlar. Laçın-Xankəndi yolu ilə Qarabağda olan separatçı qüvvələrə silah sursat göndərən Ermənistan hökuməti müharibə başa çatdıqdan sonra da öz məkrli planlarından əl çəkməyərək Qarabağda qanunsuz erməni separatçılarını silahlandırmaqda davam edirdilər.
Azərbaycanın müzəffər ordusu bu ilin aprelin ayının 23-də Laçın istiqamətində Azərbaycan-Ermənistan sərhədini nəzarətə alaraq ərazi bütövlüyümüzü tam bərpa etdi və sentyabrın 20-də isə dövlət suverenliyini tam bərpa etdi.
Azərbaycan ordusu sentyabr ayında həyata keçirilmiş “Antiterror əməliyyatı” zamanı 1 gün ərzində peşəkarlıq və qəhrəmanlıq nümunəsi göstərərək çox qısa vaxt ərzində bütün strateji yerləri ələ keçiriərək düşməni təslim olmağa məcbur etdi. Qarabağda fəaliyyət göstərən qondarma, qanunsuz rejimin fəaliyyətinə xitam verildi. Azərbaycan dövləti tarixi ədaləti bərpa etdi.
Azərbaycan ordusu oktyabrın 15 -də Ağdərədə, Əsgəranda, Xocavənddə, Xocalıda və Xankəndində hər bir azərbaycanlının qürur mənbəyi olan üçrəngli bayrağımızı böyük fəxarətlə dalğalandırdılar. Xankəndində Azərbaycanın üçrəngli bayrağının dalğalanması hər bir Azərbaycan vətəndaşı üçün qürurverici bir hadisədir.
İlham Əliyev 8 noyabr Zəfər Günü ilə bağlı Xankəndində keçirilmiş hərbi Paradda çıxışı zamanı demişdir: “ Artıq Azərbaycanda separatçılığa yer olmayacaq. Azərbaycan dövləti bu gün bütün əraziyə tam nəzarət edir və bunun səbəbkarları bu gün bax, bu meydanda dayanan bizim igidlərimizdir və on minlərlə Azərbaycan hərbçiləridir. Onların qanı və canı bahasına biz bu qələbəni əldə etmişik”.
Doğrudanda biz bu gün fəxrlə deyirik: Xocalı bizimdir, Ağdərə bizimdir, Xankəndi bizimdir.

Günel Bilalova,
Q.Sadıqov adına Mollakənd kənd
tam orta məktəbin tarix müəllimi

09/11/2023

Üçrəngli bayrağımız Azərbaycanın bütün ərazisində dalğalanır!

08/11/2023