Kürdəmir rayon A.Məmmədov adına Xınıslı kənd tam orta ümumtəhsil məktəbi

13.06.2026- cı il tarixində ümumtəhsil məktəbində "Son zəng " tədbiri keçirildi. Tədbir başlamazdan əvvəl Azərbaycan Respublikasının Dövlət Himni səsləndirildi. Vətənimizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edildi.
Məktəbimizin direktoru Rüfət Nəsirov məzunları təbrik edərək onlara gələcək həyatlarında uğurlar, vətənə , xalqa layiqli vətəndaş olmalarını arzuladı.
Tədbirdə şagirdlərin ifasında məzunlara həsr olunmuş şeirlər söyləndi , mahnılar səsləndirildi. Məzunlar müəllimlərə və valideyinlərinə göstərdikləri qayğı və zəhmətə görə təşəkkürlərini bildirdilər.
Sonda "Son zəng" in sədaları altında məzunlar məktəb həyatı ilə vidalaşaraq yeni həyat mərhələsinə qədəm qoydular.Onlara gələcək həyat yollarında uğurlar və parlaq naliyətlər arzulayırıq.

08.06.2026 - cı il tarixində Kürdəmir rayon Təhsil Sektorunun müdiri Rəfail Məmmədov rayon məktəbdə 9-cu sinif şagirdlərinin valideynləri ilə görüş keçirmişdir. Görüş zamanı təmayül siniflərinin əhəmiyyəti, şagirdlərin gələcək təhsil istiqamətlərinin müəyyənləşdirilməsi və təmayül seçiminin üstünlükləri barədə geniş söhbət aparılmışdır. Valideynlərin sualları cavablandırılmış, onların fikir və təklifləri dinlənilmişdir.

08.06.2026 - cı il tarixində Kürdəmir rayon Təhsil Sektorunun müdiri Məmmədov Rəfail məktəbdə 4-cü və 6-cı siniflər üzrə Azərbaycan dili və Riyaziyyat fənlərindən təşkil olunmuş Böyük Summativ Qiymətləndirmənin (BSQ) keçirilməsi prosesində iştirak etmişdir. O, qiymətləndirmənin təşkili və gedişi ilə yaxından tanış olmuş, imtahanın şəffaf, obyektiv və mövcud qaydalara uyğun şəkildə keçirilməsini müşahidə etmişdir.

Şagirdlərin bilik və bacarıqlarının qiymətləndirilməsinə xidmət edən BSQ-nin təşkilində yüksək məsuliyyət və nizam-intizam nümayiş etdirilmişdir.

Məktəbdə “Məktəblilərarası Milli Kosmik Poçt Kartı Müsabiqəsi”nin məktəb mərhələsi keçirildi.

Məktəbdə şagirdlərin yaradıcılıq qabiliyyətlərini, elm və kosmosa maraqlarını inkişaf etdirmək məqsədilə “Məktəblilərarası Milli Kosmik Poçt Kartı Müsabiqəsi” layihəsinin məktəb mərhələsi keçirildi. Layihə çərçivəsində şagirdlər öz xəyal və ideyalarını poçt kartları üzərində ifadə edərək gələcəyə və kosmosa mesaj göndərmək imkanı qazanacaqlar. Seçilmiş poçt kartlarının raket missiyası ilə kosmosa göndərilməsi nəzərdə tutulur.

Məktəbimizin IX sinif şagirdi Məmmədova Nuray Rəfail qızı 1 İyun "Uşaqların Beynəlxalq Müdafiəsi Günü" münasibətilə Kürdəmir Rayon İcra Hakimiyyətinin başçısı cənab Elşən Həsənli tərəfindən təltif edilmişdir.
Şagirdimizi təbrik edir, gələcəkdə ona uğurlar arzu edirik.

'sDay

28 May - Müstəqillik Günü ilə əlaqədar tədbirlər keçirilib.
---
26.05.2026 - cı il tarixində Kürdəmir rayon A.Məmmədov adına Xınıslı kənd tam orta ümumtəhsil məktəbinin məktəbdənkənar və sinifdənxaric tərbiyə işi üzrə təşkilatçı Ülviyyə Süleymanova təşkilaçlığı ilə 28 May - Müstəqillik Günü ilə əlaqədar tədbirlər keçirilib.

26 aprel 2026-cı il tarixində keçirilən IX sinif buraxılış imtahanının nəticələrinə əsasən Kürdəmir rayon A.Məmmədov adına Xınıslı kənd tam orta ümumtəhsil məktəbinin IX sinif şagirdi Soltanlı Səmiyəxanım Nicat qızı yüksək nəticə göstərərək 123 bal toplamışdır.
Şagirdimizi bu uğurlu nəticə münasibətilə ürəkdən təbrik edir, gələcək təhsil həyatında ona daha böyük nailiyyətlər arzulayırıq. Bu uğurda əməyi olan müəllimlərə və valideynlərinə təşəkkürümüzü bildiririk.

26 aprel 2026-cı il tarixində keçirilən IX sinif buraxılış imtahanının nəticələrinə əsasən Kürdəmir rayon A.Məmmədov adına Xınıslı kənd tam orta ümumtəhsil məktəbinin IX sinif şagirdi Qaybalızadə Türkan Rauf qızı yüksək nəticə göstərərək 173 bal toplamışdır.
Şagirdimizi bu uğurlu nəticə münasibətilə ürəkdən təbrik edir, gələcək təhsil həyatında ona daha böyük nailiyyətlər arzulayırıq. Bu uğurda əməyi olan müəllimlərə və valideynlərinə təşəkkürümüzü bildiririk.