Xızı rayon Uşaq, Gənclər İnkişaf Mərkəzi

6 mart 2025-ci il tarixdə “1 nömrəli Uşaq-Gənclər İnkişaf Mərkəzi” Publik Hüquqi Şəxsin təşkilatçılığı ilə Mərkəzin Təsviri Sənət Qalereyasında 8 mart-Beynəlxalq Qadınlar Gününə həsr olunmuş “Əzəmətli Azərbaycan qadını” adlı respublika virtual təsviri sənər festival-müsabiqəsinin qaliblərinin təltifetmə mərasimi keçirilib.
Müsabiqə iştirakçılarının əl işləri Azərbaycanın xalq rəssamı, Rəssamlar ittifaqı dekorativ tətbiqi sənət bölməsinin rəhbəri, Azərbaycan milli xalça muzeyinin eksperti Aydın Rəcəbov, Azərbaycanın əməkdar rəssamı, Azərbaycan Rəssamlıq Akademiyasının müəllimi, Azərbaycan milli xalça muzeyinin aparıcı eksperti, sənətşünaslıq üzrə fəlsəfə doktoru, professor Məmmədhüseyn Hüseynov və Azərbaycan Pedaqoji Universitetinin müəllimi, Rəssamlar ittifaqının üzvü Tərlan Eyvazov tərəfindən qiymətləndirilib.
Həmçinin Xızı rayon Uşaq-Gənclər İnkişaf Mərkəzinin dərnək üzvü Bəyim İsgəndərova
“Təsviri sənət” nominasiyası üzrə qalib olan dərnək üzvlərindəndir. Dərnək üzvümüz çəkdiyi rəsmlə III yeri qazanmışdır.
Təbrik edirik, nailiyyətlərinin davamlı olmasını arzu edirik.

Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin dəstəyi, Gənclərin Respublika Bədii Yaradıcılıq Evi publik hüquqi şəxsin təşkilatçılığı ilə ümumtəhsil məktəblərinin şagirdləri və uşaq-gənclər inkişaf mərkəzlərinin dərnək üzvləri arasında “Təbiəti qoruyaq, dünyamızı yaşadaq” respublika rəsm müsabiqəsi qaliblərinin mükafatlandırma mərasimi keçirilib. Müsabiqədə mərkəzin dərnək üzvü İsgəndərova Bəyim 2-ci yerə layiq görülmüşdür. Təbrik edirik.

Şuşa şəhərinin 2024-cü il üçün "İslam dünyasının mədəniyyət paytaxtı" elan edilməsinə həsr olunmuş "Mən Şuşanı çəkirəm" adlı respublika onlayn rəsm müsabiqəsində mərkəzimizin dərnək üzvü Nejla İlyasova 10-13 yaş qrupu üzrə:
3-cü yerə layiq görülmüşdür. Təbrik edirik.

Vətənimizin azadlığı, suverenliyi uğrunda canlarını fəda etmiş şəhidlərimizi dərin hörmət və ehtiramla anırıq.