Xaçmaz şəhəri Abamüslüm Səlimov adına 7 nömrəli tam orta məktəb

18/06/2026

Yay məktəbi şagirdlərin yay tətilini səmərəli və maraqlı keçirmələri üçün təşkil olunur. Bu müddət ərzində uşaqlar həm biliklərini təkrar edir, həm də yeni mövzular öyrənirlər. Yay məktəbində dərslər daha əyləncəli üsullarla keçirilir, müxtəlif oyunlar, yarışlar və yaradıcı fəaliyyətlər təşkil olunur.
Burada şagirdlər dostları ilə ünsiyyət qurur, komanda ilə işləməyi öyrənir və öz bacarıqlarını inkişaf etdirirlər. Müəllimlər hər bir şagirdə fərdi yanaşaraq onların maraq və ehtiyaclarını nəzərə alırlar.
Yay məktəbi həm öyrənmək, həm də əylənmək üçün gözəl bir fürsətdir.

13/06/2026

Əziz məzunlar,

Bu gün həyatınızın yeni bir mərhələsi başlayır. Geridə qoyduğunuz məktəb illəri sizə yalnız bilik deyil, həm də dəyərlər və həyatda doğru seçimlər etmək bacarığı qazandırdı. Bu yolda sizə böyük fədakarlıqla yol göstərən dəyərli müəllimlərimizə, övladlarının hər uğur və çətinliyində yanlarında olan əziz valideynlərimizə təşəkkür edirəm.

Müasir və güclü Azərbaycanın gələcəyi sizin bilik, bacarıq və intellektinizdən asılıdır. İnanıram ki, seçəcəyiniz peşədən asılı olmayaraq, hər biriniz ölkəmizin inkişafına dəyərli töhfə verəcəksiniz.

Əziz məzunlar, sizə uğurlar və yeni-yeni nailiyyətlər arzulayıram!

11/06/2026

Gənc Rəssamlar Dərnəyi

2025–2026-cı tədris ilinin yekun sərgisi keçirildi.

Sərgidə dərnək üzvlərinin il ərzində ərsəyə gətirdikləri rəsm əsərləri nümayiş olundu. Yaradıcılıq, zəhmət və istedadın əks olunduğu sərgidə fəal iştirak edən üzvlərə təşəkkürnamələr təqdim edildi. 🎨✨
TTİDM: Həsənova Mətanət
Dərnək rəhbəri: Kərimova Samirə

26/05/2026

Xaçmaz şəhəri Abamüslüm Səlimov adına 7 nömrəli tam orta ümumtəhsil məktəbinin psixoloqu Əskərova Lamiyə Vl b sinif şagirdləri ilə “Sağlamlıq və təhlükəsizlik”mövzusunda maarifləndirici söhbət aparmışdır.Maarifləndirici söhbətin məqsədi –şagirdlərdə sağlam həyat tərzi, şəxsi gigiyena, təhlükəsizlik qaydaları və fövqəladə hallarda düzgün davranış bacarıqlarının formalaşdırılması, onların fiziki və psixoloji sağlamlığının qorunması barədə maarifləndirilməsi olmuşdur.

26/05/2026

📚Xaçmaz şəhəri Abamüslüm Səlimov adına 7 nömrəli tam orta ümumtəhsil məktəbinin kitabxanaçıları Zeynalova Arzu , Qurbanova Fəxriyyə və musiqi müəllimi Babayeva Aynur 5a sinif şagirdlərinin iştirakı ilə məktəbin kitabxanasında “Fikrət Əmirovun həyat və yaradıcılığına“həsr edilmiş tədbir təşkil edildi.

25/05/2026

Bu gün məktəbimizin adını daşıyan şəhid Abamüslüm Səlimovun doğum günü münasibətilə onun övladları məktəbimizi ziyarət edərək abidəsi önünə tər çiçəklər düzdülər. Əziz xatirəsi hər zaman qəlbimizdə yaşayacaq. Şəhidlərimizi ehtiram və minnətdarlıqla anırıq. Allah bütün şəhidlərimizə rəhmət eləsin.

22/05/2026

22/05/2026

Müzakirələr davam edir

22/05/2026

Məktəbimizdə pedaqoji şura iclası keçirilmişdir. İclasda aşağıdakı məsələlər müzakirə olunmuşdur:
📘 Məktəbdə xarici dillər və informatika fənlərinin tədris vəziyyəti, keçirilmiş dərsdinləmələrin nəticələrinin müzakirəsi.
🔔 2025–2026-cı tədris ilində keçiriləcək “Son zəng” tədbirlərinin təşkili, təhlükəsizlik qaydalarına uyğun keçirilməsi, tədbirin təlimat və ssenarisinin hazırlanması.
📊 IX və XI siniflər üzrə buraxılış imtahanlarının nəticələrinin təhlili, ötən tədris ili ilə cari tədris ilinin nəticələrinin müqayisəsi.
📝 VI və IV sinif monitorinqlərinin nəticələrinin təhlili, şagirdlərin hazırlıq səviyyəsinin müəyyənləşdirilməsi və qarşıda duran vəzifələr.
🏫 Sinif otaqları və məktəb avadanlıqlarının vəziyyəti, sinif rəhbərlərinə ayın sonunadək siniflərin səliqəyə salınması, hesabatların təqdim edilməsi, dərslik və kitabların yararlılıq vəziyyətinin yoxlanılması və qaydaya salınması ilə bağlı tapşırıqların verilməsi.
📌 Cari məsələlər ətrafında fikir mübadiləsi aparılmış, müvafiq tapşırıqlar verilmişdir.

21/05/2026

Xaçmaz şəhəri Abamüslüm Səlimov adına 7 nömrəli tam orta ümumtəhsil məktəbin 2 şagirdi Sadıqova Leyla və Yusifli Oruc daxil olmaqla Xaçmaz komandası Bakı şəhərində final mərhələsini keçirən ,,Zəkaları mübarizəsi" Olimpiadasında iştirak ediblər.