Cəbrayıl rayon 14 nömrəli tam orta məktəb

Məktəbəqədər və Ümumi Təhsil üzrə Dövlət Agentliyinin (MÜTDA-nın) təhsil müəssisələrində Həyat bilgisi dərslərində maarifləndirici tədbirlərin keçirilməsi haqqında təlimatı çərçivəsində məktəbin yuxarı sinif şagirdləri ilə "Fövqəladə hallar zamanı həyat və sağlamlığın mühafizəsi" mövzusunda maarifləndirici söhbət aparılmış və videoçarx izlənilmişdir.

Məktəbəqədər və Ümumi Təhsil üzrə Dövlət Agentliyi (MÜTDA)-nın Fiziki tərbiyə məşğələlərinin təbliği və genişləndirilməsi tədbirlər təlimatı çərçivəsində, yuxarı sinif şagirdləri arasında idman yarışlarının keçirilməsi və fiziki aktivliyin artırılması məqsədilə aylıq proqrama uyğun olaraq yüngül atletika turniri keçirilmişdir.

Fizika, kimya, biologiya fənn aylığına əsasən, VII - IX siniflər arasında bilik yarışı keçirilmişdir. Gərgin keçən yarışda "Kvant" komandası birinci yerə layiq görülmüşdür. Şagirdlərimizi təbrik edir, uğurlar arzulayırıq.

Azərbaycan Respublikası Elm və Təhsil nazirinin 10 sentyabr 2025-ci il tarixli F-563 nömrəli əmrinin icrasını təmin etmək məqsədi ilə məktəbin IV sinfində Azərbaycan dili, riyaziyyat və VI sinifdə Azərbaycan dili, riyaziyyat və təbiət fənlərindən monitorinq keçirilmişdir.

Cəbrayıl rayonu 14 nömrəli tam orta ümumtəhsil məktəbinin şagirdləri VI Azərbaycan Astronomiya Olimpiadasının Bakı Dövlət Universitetində 16 may 2026-cı il tarixində keçirilən final mərhələsində iştirak edirlər. Final mərhələsində şagirdlərimizə uğurlar arzulayırıq.

Fənn aylığına əsasən, VII sinifdə biologiya fənnindən bilik yarışı keçirilmişdir. Sinifdaxili yarışda Ağazadə İnci Tacəddin qızı I yerə, Alıyev Nihat Fuad oğlu və Hüseynova Aynur Sücəddin qızı II yerə layiq görülmüşdür.

Cəbrayıl rayonu14 nömrəli tam orta ümumtəhsil məktəbində şagirdlərlə "Dəmir yumruqdan İpək yoluna -Bir millətin hekayəsi adlı" təqdimat keçirilmiş, Azərbaycanın coğrafiyası mövzusunda X sinif şagirdi Heydərzadə Hüseyn, Azərbaycan dövlət quruculuğu mövzusunda IXb sinif şagirdi Şirinova Zəhra, Azərbaycanın florası haqqında VIIIa sinif şagirdi Muradzadə Ayşə və etnik kimliyimiz ilə bağlı VIIIb sinif şagirdi Quliyeva Sevinc ətraflı məlumat vermişdilər.Tədbir zamanı Azərbaycan Respublikası Prezidentinin 22 dekabr 2025-ci il tarixli Sərəncamı ilə 2026-cı ilin ölkəmizdə “Şəhərsalma və Memarlıq İli” elan edilməsi barədə iştirakçılara geniş məlumat verilmişdir. Şagirdlərin diqqətinə çatdırılmışdır ki, “Şəhərsalma və Memarlıq İli” çərçivəsində respublika üzrə müxtəlif maarifləndirici, elmi və praktiki tədbirlərin keçirilməsi nəzərdə tutulur.
Görüşdə həmçinin 17–22 may 2026-cı il tarixlərində Bakı şəhərində keçirilməsi planlaşdırılan Ümumdünya Şəhərsalma Forumunun 13-cü sessiyasının (WUF13) əhəmiyyəti xüsusi vurğulanmışdır. Şagirdlərimizə ətraflı araşdırmalarına görə təşəkkür edirik.

Məktəbəqədər və Ümumi Təhsil üzrə Dövlət Agentliyinin (MÜTDA) Fiziki tərbiyə məşğələlərinin təbliği və genişləndirilməsi tədbirlər təlimatı çərçivəsində şagirdlərin fiziki hazırlıq normativləri götürülmüş, fiziki aktivliyin artırılması məqsədilə gimnastika aparılmışdır.

Ümummilli Lider Heydər Əliyev bugünkü Azərbaycanı görsəydi, şad olardı. Əminəm ki, Onun ruhu şaddır, çünki bugünkü Azərbaycan Onun əsəridir.

Ümumilli lider Heydər Əliyevin anadan olmasının 103 illiyi münasibəti ilə "Əbədiləşən ömür dastanı" adlı tədbir keçirilmişdir.