Cəbrayıl rayonu Çərəkən kənd Vahid İsmayılov adına tam orta məktəb

15 İyun - Azərbaycan xalqının Milli Qurtuluş Günü

13 iyun 2026- cı il tarixində Cəbrayıl rayonu Çərəkən kənd Vahid İsmayılov adına tam orta ümumtəhsil məktəbində 2025–2026-cı tədris ilinin başa çatması münasibətilə “Son Zəng” tədbiri keçirilib.

Tədbirdə Cəbrayıl Rayon İcra Hakimiyyətinin başçısı Kamal Həsənov cənabları, məktəb rəhbərliyi, müəllimlər, valideynlər, qonaqlar və şagirdlər iştirak ediblər. Əvvəlcə Azərbaycan Respublikasının Dövlət Himni səsləndirilib, Vətən uğrunda canından keçmiş şəhidlərimizin əziz xatirəsi ehtiramla yad olunub.
Çıxış edənlər məzunları təbrik edərək onlara gələcək həyatlarında uğurlar arzulayıb, əldə etdikləri bilik və bacarıqlarla ölkəmizin inkişafına töhfə verəcəklərinə inandıqlarını bildiriblər.
Tədbir şagirdlərin hazırladıqları bədii kompozisiyalar, musiqi nömrələri və rəngarəng çıxışlarla davam edib. Məzunların məktəb illərinə həsr olunmuş təqdimatları və duyğulu çıxışları tədbir iştirakçılarına unudulmaz anlar yaşadıb.
Sonda “Son Zəng” səsləndirilib və məzunlar üçün yeni həyat mərhələsinin başlanğıcı qeyd olunub və xatirə şəkli çəkilib.

🎓 Bu gün 116 550 nəfər məzunumuz üçün ümumtəhsil məktəblərində sonuncu dərs günü qeyd olunur. Bu əlamətdar gündə onları böyük qürur və xoş arzularla yola salırıq.
🌟 Əziz məzunlar, qarşınızda yeni mərhələlər, yeni imkanlar və yeni uğurlar dayanır. Məktəb illərində qazandığınız bilik və dəyərlər gələcək həyat yolunuzda sizə etibarlı bələdçi olsun. Hər birinizə sağlam, uğurlu və parlaq gələcək arzulayırıq!

Məktəbdə pedaqoji Şura iclası keçirilib!

12 iyun 2026-cı il tarixində Cəbrayıl rayonu Çərəkən kənd Vahid İsmayılov adına tam orta ümumtəhsil məktəbində, tədris ilinin yekunlarına həsr olunmuş Pedaqoji Şura iclası keçirilmişdir.

İclası giriş sözü ilə açan məktəbin direktoru Arifə Əhmədova tədris ili ərzində görülmüş işlər, cari tədris ilində şagirdlərin təlim naliyyətlərinə görə sinifdən- sinifə keçirilməsi, məktəbin Keyfiyyət Planının icra vəziyyəti, aparılmış monitorinqlər, BSQ və KSQ-lərin nəticələri barədə ətraflı məlumat vermişdir. Tədris ili üzrə tədrisin keyfiyyət göstəriciləri təhlil olunmuş, müsbət nəticələr və inkişaf etdirilməsi zəruri olan istiqamətlər diqqətə çatdırılmışdır.

Daha sonra məkəbin tədris (təlim-tərbiyə) işləri üzrə direktor müavini Köçəri Tumasov tərəfindən tədris ili ərzində keçirilmiş monitorinqlərin nəticələri təqdim edilmiş, əldə olunan göstəricilər əsasında müəllimlər qarşısında konkret hədəflər və inkişaf istiqamətləri müəyyənləşdirilmişdir. Eyni zamanda keçirilən fənn aylıqların və dərsdinləmələrin nəticələri müzakirə edilmişdir.

Sonda Pedaqoji Şura tərəfindən müvafiq qərarlar qəbul edilmiş, növbəti tədris ili üçün prioritet istiqamətlər müəyyənləşdirilərək müəllimlərə konkret tapşırıqlar verilmişdir.

Məktəbin müxtəlif siniflərində nümunəvi şagirdlərə”Yaşıl kartlar” təqdim olunmuşdur.

11 iyun 2026- cı il tarixində Cəbrayıl rayonu Çərəkən kənd Vahid İsmayılov adına tam orta ümumtəhsil məktəbində, məktəbin müxtəlif siniflərində təhsil alan nümunəvi şagirdlərə, ”Yaşıl kartlar” təqdim olunmuşdur.
Tədbirin əsas məqsədi şagirdlər arasında intizamlı davranışın təşviqi, qarşılıqlı hörmətin gücləndirilməsi və müsbət nümunələrin ön plana çıxarılması olmuşdur.

Məktəbdə böyük summativ qiymətləndirmənin (BSQ) keçirilməsi davam edir.

08 iyun 2026- cı il tarixində Cəbrayıl rayonu Çərəkən kənd Vahid İsmayılov adına tam orta ümumtəhsil məktəbində, məktəbin təlim tərbiyə işləri üzrə direktor müavini Köçəri Tumasovun rəhbərliyi ilə Azərbaycan Respublikası Təhsil Nazirliyinin Kollegiyasının 28 dekabr 2018- ci il tarixli 8/1 nömrəli qərarı və 01 sentyabr 2023- cü il 3-29/2-5492/2023 nömrəli təlimatı məktubu ilə “ Ümumi təhsil pilləsində təhsilalanların attestasiyasının (məktəbdaxili qiymətləndirmə) aparılması qaydasına” uyğun olaraq, 2025- 2026- cı tədris ilinin ikincii yarımilinin sonuna dair IV və VI siniflərdə, Azərbaycan dili, riyaziyyat və ingilis dili fənnləri üzrə böyük summativ qiymətləndirmələr keçirilmişdir.

Məktəbdə böyük summativ qiymətləndirmənin (BSQ) keçirilməsi davam edir.

03 iyun 2026- cı il tarixində Cəbrayıl rayonu Çərəkən kənd Vahid İsmayılov adına tam orta ümumtəhsil məktəbində, məktəbin təlim tərbiyə işləri üzrə direktor müavini Köçəri Tumasovun rəhbərliyi ilə Azərbaycan Respublikası Təhsil Nazirliyinin Kollegiyasının 28 dekabr 2018- ci il tarixli 8/1 nömrəli qərarı və 01 sentyabr 2023- cü il 3-29/2-5492/2023 nömrəli təlimatı məktubu ilə “ Ümumi təhsil pilləsində təhsilalanların attestasiyasının (məktəbdaxili qiymətləndirmə) aparılması qaydasına” uyğun olaraq, 2025- 2026- cı tədris ilinin ikincii yarımilinin sonuna dair V sinifdə, Azərbaycan dili, riyaziyyat və ingilis dili fənnləri üzrə böyük summativ qiymətləndirmələr keçirilmişdir.

Məktəbdə böyük summativ qiymətləndirmələrin keçirilməsinə davam edir.

Cəbrayıl rayonu Çərəkən kənd Vahid İsmayılov adına tam orta ümumtəhsil məktəbində, məktəbin təlim tərbiyə işləri üzrə direktor müavini Köçəri Tumasovun rəhbərliyi ilə Azərbaycan Respublikası Təhsil Nazirliyinin Kollegiyasının 28 dekabr 2018- ci il tarixli 8/1 nömrəli qərarı və 01 sentyabr 2023- cü il 3-29/2-5492/2023 nömrəli təlimatı məktubu ilə “ Ümumi təhsil pilləsində təhsilalanların attestasiyasının (məktəbdaxili qiymətləndirmə) aparılması qaydasına” uyğun olaraq, 2025- 2026- cı tədris ilinin ikinci yarımilinin sonuna dair IV- XI siniflərdə böyük summativ qiymətləndirmələrin keçirilməsinə davam edir.