Cəlilabad rayonu üzrə təhsil sektoru Alar kənd 2 saylı tam orta məktəb.

12.06. 2026-cı il tarixində Cəlilabad rayon Alar kənd 2 nömrəli tam orta ümumtəhsil məktəbində 100 baldan yuxarı nəticə göstərən IX sinif şagirdləri ilə Cəlilabad rayon TOM layihəsi barədə görüş keçirilərək layihə haqqında maarifləndirici söhbətlər aparıldı.

12.06.2026-cı il tarixində Cəlilabad rayon Alar kənd 2 nömrəli tam orta ümumtəhsil məktəbində 2025/2026-cı tədris ilinin yekunlarına həsr olunmuş Pedaqoji şura iclası keçirildi. İclasda tədris ilinin nəticələri, şagird nailiyyətləri, buraxılış və monitorinq imtahanının göstəriciləri və qarşıda duran vəzifələr müzakirə olundu. Pedaqoji şurada çıxış edən məktəb rəhbərliyi əldə olunmuş uğurları qeyd edərək mövcud problemlərin aradan qaldırılması istiqamətində təklif və tövsiyələr verdi.

04.06.2026-cı il tarixində Cəlilabad rayon Alar kənd 2 nömrəli tam orta ümumtəhsil məktəbinin müəllimi Ülkər Abbasova IX sinif Həyat bilgisi dərsində Fövqəlada hallarzamanı həyat və sağlamlığın mühafizəsi 'Zəlzələ və yanğın zamanı davranış qaydaları ' mövzusunda maarifləndirici dərs keçmiş və şagirdləri təhlükəsizlik qaydaları barədə məlumatlandırmışdır.

14.05.2026-cı il tarixində məktəbdə şagirdlərin mütaliə vərdişlərinin formalaşması, oxu bacarıqların inkişaf etdirilməsi və asudə vaxtın səmərəli təşkili məqsədilə siniflərdə mütamadi olaraq "Oxu dəqiqələri" təşkili edilmişdir. Oxu dəqiqələri zamanı: şagirdlər oxuduqları mətnlər haqqında fikir bildirmiş, müzakirələr aparılmış, şagirdlərə mütamadi kitab oxumağın əhəmiyyətli barədə tövsiyələr verilmişdir.

12.05.2026-cı il tarixində məktəbdə sağlam psixoloji mühitin formalaşması, şagirdlər arasında qarşılıqlı hörmət və tolerantlıq münasibətlərin inkişaf etdirilməsi məqsədilə bullinq əleyhinə maarifləndirici tədbirlər həyata keçirilmişdir. Tədbirlər çərçivəsində şagirdlərlə "Bullinq nədir? " , "Bullinqin zərərləri" , "Dostluq və qarşılıqlı hörmət ", "Şagird davranış qaydaları " mövzularında söhbətlər aparılmışdır.

Məktəbimizdə xalqımızın ümummilli lideri Heydər Əliyevin anadan olmasının 103-cü ildönümünə həsr olunmuş tədbir keçirilmişdir. Tədbirdə Ulu Öndərin həyat və fəaliyyəti, Azərbaycan dövlətçiliyinin möhkəmləndirilməsi istiqamətində gördüyü misilsiz xidmətləri haqqında şagirdlərə ətraflı məlumat verildi və şeirlər səsləndirildi. Şagirdlər dahi şəxsiyyətin zəngin siyasi irsini böyük maraqla dinləmiş, onun Azərbaycan xalqı qarşısındakı əvəzsiz xidmətləri bir daha yad edilmişdir.

Cəlilabad rayon Alar kənd 2 nömrəli tam orta ümumtəhsil məktəbində 9 May- Qələbə Günü münasibətilə şagirdlərlə maarifləndirici söhbətlər aparıldı. Söhbət zamanı şagirdlərə İkinci Dünya müharibəsi, xalqımızın bu müharibədə iştirak və qələbənin əhəmiyyətli haqqında məlumat verildi. Şagirdlərdə vətənpərvərlik hissinin gücləndirilməsi və sülhün qorunmasının vacibliyi vurğulandı.

Alar kənd 2 nömrəli tam orta ümumtəhsil məktəbin 3-cü sinif şagirdi Ərtoğrul Bayramlı Kenquru Beynəlxalq Riyaziyyat Müsabiqəsində 72 bal toplayaraq növbəti mərhələyə keçərək finalçı statusu qazanmışdır. Bu nəticəni əldə etdiyinə görə şagirdimizi və onun sinif müəllimi Elçin Bağırovu təbrik edir, növbəti mərhələdə şagirdimizə uğurlar arzulayırıq.