İsmayıllı rayonu Hacıhətəmli kənd tam orta məktəbi

Bu gün məktəbimizin qocaman müəllimi Möhsüm müəllimin 65 yaşı tamam olur.Möhsüm müəllimi kollektiv adından təbrik edir və ona uzun ömür, sağlam həyat arzulayırıq

Məktəbimizin III sinif şagirdi Rzayeva Röyalə Ramin qızı İsmayıllı tədris mərkəzinin keçirdiyi sınaq imtahanında 650 bal toplamışdır.Şagirdimizi və müəllimi Araz müəllimi təbtik edirik

Bayramınız Mübarək! #Azərbaycan #İsmayıllıRİH #NovruzBayramı

.

“Futbolda uşaqların hüquq və maraqlarının qorunması” mövzusunda maarifləndirici seminar keçirilib

Azərbaycan Futbol Federasiyaları Assosiasiyası və Azərbaycan Respublikasının Elm və Təhsil Nazirliyinin birgə təşkilatçılığı ilə İsmayıllı rayonunun Hacıhətəmli kəndində yerləşən Hacıhətəmli kənd tam orta ümumtəhsil məktəbində “Futbolda uşaqların hüquq və maraqlarının qorunması” mövzusunda maarifləndirici seminar keçirilib.

Seminar ölkəmizdə uşaqların fiziki inkişafının təşviqi, sağlam həyat tərzinin formalaşdırılması və onların hüquq və maraqlarının qorunması istiqamətində həyata keçirilən tədbirlər çərçivəsində təşkil olunub. Tədbirin əsas məqsədi futbol vasitəsilə uşaqların sosial və psixoloji inkişafına dəstək göstərmək, idman mühitində onların təhlükəsiz iştirakını təmin etmək və maarifləndirmə işini gücləndirmək olub.

Maarifləndirici seminarı psixoloq Ruslan Kamilov aparıb. Seminar zamanı iştirakçılara idman mühitində uşaqların hüquqlarının qorunması, zorakılıq və ayrı-seçkiliyin qarşısının alınması, etik davranış qaydalarına riayət olunması və təhlükəsiz idman mühitinin yaradılması ilə bağlı ətraflı məlumat verilib.

Tədbir çərçivəsində şagirdlərlə mövzu ətrafında fikir mübadiləsi aparılıb, onların sualları cavablandırılıb və futbol fəaliyyətində sağlam, təhlükəsiz və inklüziv mühitin formalaşdırılmasının vacibliyi vurğulanıb.

Qeyd olunub ki, bu kimi maarifləndirici seminarların keçirilməsi uşaqların hüquq və maraqlarının qorunmasına, onların təhlükəsiz və inklüziv mühitdə inkişafına, eləcə də təhsil müəssisələrində sağlam və məsuliyyətli yanaşmanın formalaşmasına mühüm töhfə verir.

12 mart 2026-cı ildə keçirilən XIII Qlobal Bakı Forumunda Azərbaycan Prezidenti Ilham Əliyev “Keçid dövründə olan dünyada fikir ayrılıqlarının aradan qaldırılması” mövzusunda çıxış edib. Prezident çıxışında qeyd edib ki, müasir dövrdə təhlükəsizlik, sabitlik və müdafiə məsələləri hər bir dövlət üçün əsas prioritetə çevrilib. Onun sözlərinə görə, bu amillər olmadan ölkələrin inkişafı və tərəqqisi mümkün deyil.
Prezident bildirib ki, regional təhlükəsizlik Azərbaycan üçün hər zaman mühüm əhəmiyyət daşıyıb. Azərbaycan uzun illər davam edən münaqişədən sonra öz suverenliyini və ərazi bütövlüyünü bərpa edib və hazırda regionda sülhün möhkəmləndirilməsi istiqamətində fəaliyyət göstərir. O vurğulayıb ki, Azərbaycan işğal olunmuş ərazilərini azad etdikdən sonra Ermənistanla siyasi yollarla sülhə nail olub və artıq regionda sülhün üstünlükləri hiss olunur.
Çıxış zamanı dövlət başçısı enerji təhlükəsizliyi və nəqliyyat əlaqələrinin də vacibliyini qeyd edib. O bildirib ki, Azərbaycan neft, qaz və elektrik enerjisi sahəsində etibarlı tərəfdaş kimi bir çox ölkələrin enerji təhlükəsizliyinə töhfə verir. Həmçinin ölkəmiz Şərq–Qərb və Şimal–Cənub nəqliyyat dəhlizlərinin mühüm iştirakçısı kimi beynəlxalq ticarət və logistika əlaqələrinin inkişafında böyük rol oynayır.
Beləliklə, Prezident İlham Əliyevin çıxışı Azərbaycanın sülhə, təhlükəsizliyə və beynəlxalq əməkdaşlığa verdiyi əhəmiyyəti bir daha nümayiş etdirdi. O vurğuladı ki, sülh və sabitlik həm region, həm də dünya üçün ən vacib dəyərlərdən biridir.
Hacıhətəmli kənd tam orta ümumtəhsil məktəbin direktoru Rauf Adıgözəlov

Azərbaycan–Avropa İttifaqı münasibətlərinin yeni mərhələsi
2026-cı il martın 11-də İlham Əliyev ilə Antonio Costa arasında keçirilən görüş və birgə mətbuat bəyanatı Azərbaycan ilə Avropa İttifaqı arasında münasibətlərin inkişaf etdiyini bir daha göstərdi. Dövlət başçısı qeyd etdi ki, tərəflər hazırda müxtəlif səviyyələrdə fəal tərəfdaşlıq mərhələsindədir və qarşılıqlı dialoq davamlı şəkildə genişlənir.
Prezident vurğuladı ki, Avropa İttifaqı Azərbaycanın əsas ticarət tərəfdaşlarından biridir. Statistik göstəricilərə görə, ticarət dövriyyəsinin əhəmiyyətli hissəsi Avropa ölkələrinin payına düşür. Bu isə iqtisadi əməkdaşlığın gələcəkdə daha da genişlənəcəyinə işarə edir.
Enerji sahəsində əməkdaşlıq münasibətlərin əsas istiqamətlərindən biri kimi qeyd olundu. Azərbaycan Avropa ölkələrinin enerji təhlükəsizliyinin təmin olunmasında mühüm rol oynayır və hazırda Avropa İttifaqının bir sıra üzv dövlətləri Azərbaycan qazını idxal edir. Bununla yanaşı, ölkə bərpaolunan enerji sahəsinə də böyük sərmayələr yatıraraq külək, Günəş və su enerjisinin inkişafına xüsusi diqqət yetirir.
Bəyanatda regionda sülh və sabitlik məsələlərinə də toxunuldu. Prezident İlham Əliyev bildirdi ki, Cənubi Qafqazda davamlı sülhün təmin olunması həm region ölkələri, həm də beynəlxalq tərəfdaşlar üçün böyük əhəmiyyət daşıyır. Siyasi iradə və qarşılıqlı etimad olduğu halda, dövlətlər və xalqlar arasında barışığın mümkün olduğu vurğulandı.
Beləliklə, bu səfər Azərbaycan ilə Avropa İttifaqı arasında siyasi, iqtisadi və enerji sahələrində əməkdaşlığın daha da möhkəmlənməsinə xidmət edən mühüm addım kimi qiymətləndirilir
Hacıhətəmli kənd tam orta məktəbin direktoru Rauf Adıgözəlov

13 mart 2026-cı il tarixində İsmayıllı rayonu Hacıhətəmli kənd tam orta ümumtəhsil məktəbində mart ayı üzrə şagirdlərə "Davarınış qaydaları"nın tətbiqi ilə əlaqadar kartlar verildi

24 fevral 2026-cı il tarixində İsmayıllı rayonu Hacıhətəmli kənd tam orta ümumtəhsil məktəbində Azərbaycan dili və ədəbiyyatı müəllimi Sadıqova Ziyarət IX siniflər üzrə Milli -mənəvi dəyərlər mövzüsunda mütaliə saatları və ədəbi bədii tədbirlər silsiləsindən Bəxtiyar Vahabzadənin "Vətən " şerindən parçalar oxudular.

12 mart 2026 -cı il tarixində İsmayıllı rayonu Hacıhətəmli kənd tam orta ümumtəhsil məktəbində valideyn iclası keçirildi.

12 mart 2026 -cı il tarixində İsmayıllı rayonu Hacıhətəmli kənd tam orta ümumtəhsll məktəbində VI siniflər üzrə Azərbaycan dili,riyaziyyat və təbiət fənləri üzrə monitorinq keçirildi.

11 mart 2026-cı il tarixdə 8-ci sinif üzrə fizika fənnindən monitorinq keçirildi.