İsmayıllı Dövlət Peşə Təhsil Mərkəzi

🇦🇿 Vətəndaş müraciəti əsasında İsmayıllı Dövlət Peşə Təhsil Mərkəzində geniş profilli traktorçu-maşinist, traktor sürücüsü ixtisası üzrə qısamüddətli təlimin ikinci fazasına start verilib. Daha öncə sözügedən qısamüddətli kursdan 13 nəfər məzun olub.
🧰 Yeni başlayan kursda 14 nəfər müdavim qısamüddətli kurslardan faydalanacaq.
📌 Qeyd edək ki, təlimi uğurla başa vuran şəxslərə əmək fəaliyyətinə başlamağa imkan verən dövlət nümunəli sertifikat təqdim edilir.

🗓️ İsmayıllı Dövlət Peşə Təhsil Mərkəzində “XXI Əsrin Qadınları” İctimai Birliyi tərəfindən “Qaranlıqdan İşığa: İnsan Alverinə Qarşı Maarifləndirmə və Dəstək” layihəsi çərçivəsində maarifləndirici tədbir keçirilib.

🎯 Çıxışlar zamanı insan alverinə qarşı mübarizənin hüquqi əsasları, profilaktik tədbirlər, bu cinayət növündən qorunma yolları, aidiyyəti dövlət qurumlarının fəaliyyəti və qaynar xətt xidmətləri barədə iştirakçılara ətraflı məlumat verilib.

💬 Tədbirin sonunda tələbələri maraqlandıran suallar cavablandırılıb, insan alverinə qarşı mübarizədə ictimai məlumatlılığın artırılmasının əhəmiyyəti vurğulanıb.

🇦🇿 15 İyun – Milli Qurtuluş Günü

🇦🇿 İsmayıllı Dövlət Peşə Təhsil Mərkəzində də İsmayıllı Rayon İcra Hakimiyyətinin təşəbbüsü ilə ilk dəfə ərsəyə gətirilən "İSMAYILLI" jurnalının təqdimat mərasimi keçirilib.
🔗 Ətraflı: https://ismayillivet.edu.az/xeberler/7

✨👨‍🍳 İsmayıllı Dövlət Peşə Təhsil Mərkəzinin Aşpaz qrupunun İstehsalat təlimi ustası Aytən Alızadənin təşəbbüsü ilə Laçın Resort & Spa Hotelinin suşi ustası Səid Teymurlu və Mərkəzimizin İstehsalat təlimi ustası, eyni zamanda Azərbaycan Kulinariya Mütəxəssisləri Assosiasiyasının üzvü Orxan Xalıqov tərəfindən tələbələr üçün suşinin hazırlanma texnologiyasına həsr olunmuş master-klass keçirilib.

💡Qürurverici məqam ondan ibarətdir ki, tədbirdə bilik və təcrübələrini paylaşan hər üç mütəxəssis İsmayıllı Dövlət Peşə Təhsil Mərkəzinin məzunlarıdır. Bu, peşə təhsilinin uğurlu nəticələrinin və məzunlarımızın peşəkar inkişafının ən gözəl nümunəsidir. 🌟👏

🇦🇿 Rayon İcra Hakimiyyətinin dəvəti ilə Ağsu rayonunda ümumtəhsil məktəblərinin rəhbərləri, işəgötürən müəssisələr və valideynlərlə barəsində təbliğat və təşviqat istiqamətində görüş keçirilib, Mərkəzdə 2026-2027-ci tədris ilində tədris ediləcək ixtisaslar, tələbələr üçün yaradılan şərait və praktiki istehsalat haqqında ətraflı məlumat verilib.

Təhsildə Keyfiyyət Təminatı Agentliyi (TKTA) və Peşə Təhsili üzrə Dövlət Agentliyinin (PTDA) birgə təşkilatçılığı ilə “Peşə təhsilində keyfiyyətin idarə olunmasına doğru: daxili keyfiyyət təminatının formalaşması” mövzusunda Qəbələ Dövlət Peşə Təhsil Mərkəzində keçirilən konfransda təmsil edilib.

🇦🇿 İsmayıllı Dövlət Peşə Təhsil Mərkəzində İsmayıllı Rayon İcra Hakimiyyətinin təşəbbüsü ilə ilk dəfə ərsəyə gətirilən "İSMAYILLI" jurnalının təqdimat mərasimi keçiriləcək.

✅️ "Qonaqpərvərliyin xəritəsi" konsept mesajı ilə keçiriləcək təqdimat mərasimi məzunlarımızın, əməkdaşlarımızın və turizmsevərlərin iştirakı üçün açıqdır.

Qurban bayramınız mübarək!

📢 İsmayıllı Dövlət Peşə Təhsil Mərkəzinin əməkdaşları tərəfindən təbliğat-təşviqat fəaliyyətləri çərçivəsində İsmayıllı şəhər E. Məmmədov adına 3 nömrəli məktəb-liseydə şagirdlərlə görüş keçirilib.

🎓 Görüş zamanı şagirdlərə peşə təhsilinin üstünlükləri, mərkəzdə tədris olunan ixtisaslar və gələcək karyera imkanları barədə ətraflı məlumat verilib.

💼 Eyni zamanda əmək bazarının tələbləri, təlim-təcrübə imkanları və ixtisas seçimi ilə bağlı faydalı tövsiyələr təqdim olunub.

🤝 İnteraktiv formada keçirilən görüşdə şagirdlərin sualları cavablandırılıb.