Modern.az-ın məlumatına görə, baş nazir Artur Rasizadə bununla bağlı qərar qəbul edib. Qərara əsasən “Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın "Orta ixtisas təhsili müəssisələri" bölməsinə "46. İsmayıllı Dövlət Humanitar və Texnologiya Kolleci" hissəsi əlavə edilib. Təhsil Nazirliyi, Maliyyə Nazirliyin və İsmayıllı Rayon İcra Hakim
iyyətinə tapşırılıb ki, İsmayıllı Dövlət Humanitar və Texnologiya Kollecinin maliyyələşdirilməsi və fəaliyyətinin təmin edilməsi üçün zəruri tədbirlər görsünlər. Qeyd edək ki, İsmayıllı Dövlət Humanitar və Texnologiyalar kollecinin açılması ilə bağlı rayon İcra Hakimiyyətinin başçısı Mirdaməd Sadıqov keçirdiri tədbirdə rayon ictimaiyyətini və təhsil işçilərini təbrik edib. Rayon ictimaiyyəti adından Azərbaycan Respublikasının Prezidenti cənab İlham Əliyevə minnətdarlıq bildirən müraciət qəbul edilib. Yeni açılan İsmayıllı Dövlət Humanitar və Texnologiyalar kollecində müxtəlif ixtisaslar üzrə bölmələr tədris olunacaq. Müalicə işi-(tam orta təhsil bazasından)
Məktəbəqədər təlim və tərbiyə-(ümumi orta təhsil bazasından)
Kompüter şəbəkələrinin və hesablama texnikasının təmiri və servis xidməti-(tam orta təhsil bazasından)
İnformatika müəllimliyi (ümumi və tam orta təhsil bazası üzrə)
Aqrar (fermer) təsərrüfatının təşkili-(tam orta təhsil bazasından), Mühasibat uçotu-(ümumi orta təhsil bazasından)
Dekorativ tətbiqi incəsənət və xalq sənəti-(ümumi orta təhsil bazasından)
Turizm və onun təşkili-(tam və ümumi orta təhsil bazasından)
Ət və süd məhsullarının texnologiyası-(tam orta təhsil bazasından), Şərabçılıq və qıcqırtma istehsalının texnologiyası-(tam orta təhsil bazasından)
Taxıl və taxıl məhsullarının saxlanılması və emalı texnologiyası-(ümumiorta təhsil bazasından).
