İmişli rayonu Ağaməmmədli kənd tam orta məktəbi

22.05.2026cı ildə məktəbimizdə Azərbaycan dili və Ədəbiyyat müəllimi Nurana Cabbarlinin təşkilatçılığı ilə VI sinifdə Maqsud İbrahimbəyovun "Uşaqlığın son gecəsi" əsərinin oxusu və təhlili keçrilmişdir.

Prezident İlham Əliyevin WUF13-də çıxışı: şəhərsalma, ekologiya və beynəlxalq əməkdaşlıq

2026-cı il mayın 18-də Bakıda keçirilən Ümumdünya Şəhərsalma Forumunun (WUF13) açılış mərasimində Prezident İlham Əliyev geniş məzmunlu çıxış edərək Azərbaycanın şəhərsalma, memarlıq, tarixi irsin qorunması və müasir inkişaf sahəsində həyata keçirdiyi siyasət barədə ətraflı məlumat verdi. Dövlət başçısı qeyd etdi ki, Forumda 182 ölkədən 45 mindən artıq iştirakçının qeydiyyatdan keçməsi tədbirin beynəlxalq əhəmiyyətini göstərir və bu göstərici rekord səviyyə hesab oluna bilər. Prezident vurğuladı ki, WUF13 COP29-dan sonra Azərbaycanda keçirilən ikinci ən böyük beynəlxalq tədbirdir.
Çıxışında Azərbaycanı Şərqlə Qərbin qovuşduğu məkan kimi xarakterizə edən Prezident İlham Əliyev Bakının qədimliklə müasirliyin vəhdətini əks etdirdiyini bildirdi. İçərişəhər, Bakı Bulvarı və Avropa memarlıq üslubunda tikilmiş tarixi binalar ölkənin zəngin memarlıq ənənələrinin nümunəsi kimi təqdim olundu. Dövlət başçısı qeyd etdi ki, 2026-cı ilin Azərbaycanda “Şəhərsalma və Memarlıq İli” elan edilməsi bu sahəyə verilən önəmin göstəricisidir. Prezident Azərbaycanın qədim şəhərlərinin tarixi-mədəni irsindən də bəhs etdi. Şamaxı, Naxçıvan, Gəncə, Qəbələ, Şəki, Lahıc və Şuşa kimi şəhərlərin zəngin memarlıq ənənələrinə malik olduğunu vurğuladı. Bildirildi ki, Qarabağ və Şərqi Zəngəzurda aparılan yenidənqurma işləri çərçivəsində şəhər və kəndlərin baş planları hazırlanır, müasir infrastruktur yaradılır, tarixi abidələr bərpa olunur. Dövlət başçısı işğaldan azad edilmiş ərazilərdə həyata keçirilən Böyük Qayıdış Proqramı barədə də danışdı. Qısa müddət ərzində tunellərin, körpülərin, hava limanlarının, yolların, məktəblərin, xəstəxanaların və yaşayış məntəqələrinin inşa olunduğunu diqqətə çatdırdı. Hazırda 85 mindən artıq vətəndaşın doğma torpaqlarında yaşadığı bildirildi. Çıxışda ekoloji məsələlərə də xüsusi yer ayrıldı. Prezident İlham Əliyev Bakının vaxtilə ciddi ekoloji problemlərlə üzləşdiyini, lakin son illərdə geniş abadlıq və yaşıllaşdırma işlərinin aparıldığını qeyd etdi. Vaxtilə “Qara şəhər” adlanan ərazinin bu gün müasir “Ağ şəhər” layihəsinə çevrilməsi uğurlu şəhərsalma nümunəsi kimi təqdim olundu.
Sonda Prezident İlham Əliyev beynəlxalq əməkdaşlığın şəhərsalma sahəsində böyük əhəmiyyət daşıdığını vurğulayaraq, forumun ölkələr arasında təcrübə mübadiləsinə və yeni yanaşmaların formalaşmasına mühüm töhfə verəcəyini bildirdi.

Məhəmmədəli Sarıyev- İmişli RİH başçısı aparatının, İctimai-siyasi və humanitar məsələlər sektorunun baş məsləhətçisi

20.05.2026cı ildə məktəbimizdə Pedaqoji şuranın iclası keçirilmişdir.

20.05.2026cı ildə məktəbimizdə Təsviri incəsənət müəllimi Bahar Abbasovanın rəhbərliyi ilə V sinifdə "Sağlam qidalanma" mövzusunda maarifləndirici söhbət aparılmış, rəsmlər təqdim olunmuşdur.

19.05.2026cı ildə məktəbimizdə Azərbaycan dili və Ədəbiyyat müəllimi Mübariz Cavadlının rəhbərliyi ilə "İnsan alveri ilə mübarizə" mövzusunda şagirdlərlə maarifləndirici söhbət aparılmışdır.

19.05.2026cı ildə məktəbimizdə II sinfin sinif rəhbəri Ağayeva Dilarənin rəhbərliyi ilə "Şagird təhlükəsizliyi" mövzusunda maarifləndirici söhbət aparılmışdır.

18.05.2026cı il tarixində məktəbimizdə XI sinfin sinif rəhbəri Rəşad Allahverdilinin təşkilatçılığı ilə "Şagird təhlükəsizliyi" mövzusunda dəyirmi masa keçirilmişdir.

18.05.2026cı ildə məktəbimizin direktoru Tofiq Hüseynov və təlim tərbiyə işləri üzrə direktor müavini Rasim Camalov fiziki tərbiyə müəllimi Resad Cavadlinin V sinifdə keçirilən ustad dərslərində iştirak etmişdir.

18.05.2026cı ildə məktəbimizdə təşkilatçı müavin Cavanşir Abbasovun rəhbərliyi ilə “Narkotik maddələrin istifadəsinə qarşı mübarizə” mövzusunda IX-XI sinif şagirdləri arasında maarifləndirici tədbir keçirilmiş.