31/07/2019
Əsası 1926-cı ildə qoyulmuş və Ümumittifaq Tədbiqi Botanika İnstitutunun Şərqi Zaqafqaziya şöbəsi kimi fəaliyyətə başlamışdır.
1934-cü ildə adı dəyişdirilərək Ümumittifaq Bitkiçilik İnstitutunun Azərbaycan Təcrübə Stansiyası kimi adlandırılmışdır.
1936-cı ildə Azərbaycan Təcrübə Stansiyası yeni adda – Azərbaycan Quru Subtropik Bitkilər Təcrübə Stansiyası kimi SSR Xalq Torpaq Komissarlığının Subtropik Bitkilərin Baş idarəsinin tabeliyinə verilmişdir.
1944-cü ildə Azərbaycan Quru Subtropik Bitkilər Təcrübə Stansiyasının bazasında Azərbaycan Elmi-Tədqiqat Çoxillik Əkmələr İnstitutu yaradılmış.
1952-ci ildən institutun adı dəyişdirilərək Azərbaycan Elmi-Tədqiqat Bağçılıq, Üzümçülük və Subtropik Bitkilər İnstitutu adlandırılmış və 1964-cü ildə institut Bakı şəhərindən Quba rayonuna köçürülmüşdür.
1975-ci ildə üzümçülük bölməsi institutdan ayrılaraq sərbəst institut yaradılmış və adı dəyişdirilərək Azərbaycan Elmi-Tədqiqat Bağçılıq və Subtropik Bitkilər İnstitutu kimi fəaliyyətini davam etdirmişdir.
1999-cu illdən Azərbaycan Elmi-Tədqiqat Bağçılıq və Subtropik Bitkilər İnstitutu Azərbaycan Kənd Təsəsrrüfatı Nazirliyi Aqrar Elm Mərkəzinin struktur tərkib hissəsinə daxil olmuş və fəaliyyətini davam etdirmişdi.
2015-ci ildə institutun adı dəyişdirilərək Kənd Təsərrüfatı Nazirliyinin Meyvəçilik və Çayçılıq Elmi Tədqiqat İnstitutut adlandırılmışdır. Hazırda dövlət elmi-tədqiqat müəssisəsi kimi fəaliyyətini davam etdirir.
