Gəncə Dövlət Universiteti

Fənn olimpiadasının qalibləri mükafatlandırılıb
18 iyun 2026-cı il tarixdə Gəncə Dövlət Universitetinin təşkilatçılığı ilə orta ümumtəhsil məktəblərinin XI sinif şagirdləri arasında Azərbaycan dili və Ədəbiyyat fənni üzrə keçirilən olimpiada qaliblərinin mükafatlandırılması mərasimi keçirilib.

Tədbirdə Universitetin Humanitar məsələlər üzrə prorektoru Gülsüm Fətəliyeva, Təcrübə və karyera şöbəsinin müdiri Cabbar Qarayev, Gəncə-Daşkəsən Regional Təhsil İdarəsinin nümayəndələri, məktəb direktorları, fənn müəllimləri, şagirdlər və valideynlər iştirak ediblər.

Universitetin Humanitar məsələlər üzrə prorektoru Gülsüm Fətəliyeva tədbiri giriş sözü ilə açaraq Ümummilli Lider Heydər Əliyevin anadan olmasının 103 illiyinə həsr olunan fənn olimpiadasında uğur qazanan məktəbliləri təbrik edib. Prorektor diqqətə çatdırıb ki, olimpiadanın təşkilində məqsəd istedadlı şagirdlərin aşkar edilməsi, sağlam rəqabət prinsipləri əsasında onların bilik və bacarıqlarını nümayiş etdirmələrinə şərait yaratmaqdır.

Çıxışlardan sonra olimpiadanın nəticələrinə əsasən yüksək bal toplayan şagirdlərin adları açıqlanıb.

Diqqətə çatdırılıb ki, Gəncə şəhər 43 nömrəli tam orta məktəbin şagirdi Aynur Şərifova I yeri, 8 nömrəli tam orta məktəbin şagirdi Nərgiz Həsənova II yeri, 14 nömrəli tam orta məktəbin şagirdi Səfa Əliyeva isə III yeri qazanıb.

Bilik yarışında yüksək bal toplayan şagirdlərə Fəxri Fərman təqdim olunub.

Bununla yanaşı olimpiadanın təşkil olunmasında fəal iştirak etdiyinə görə Universitetin Filologiya və xarici dillər fakültəsinin əməkdaşları Aytən Müşkiyevaya, Kafiyə Musayevaya, Aynur Novruzovaya, Aygün Yusubovaya, Aytən Əhmədovaya, Samirə Quliyevaya, Nərminə Əliyevaya, Türkan Veysəlovaya təşəkkürnamə təqdim edilib.

Məktəb direktorları, müəllimlər və valideynlər bilik yarışının təşkilinə görə universitetin rektoru Yusif Yusibova minnətdarlıqlarını bildiriblər.

“Şəhərsalma və Memarlıq İli” çərçivəsində Gəncə Dövlət Universitetində Tələbə Elmi Cəmiyyəti və Qiyabi şöbənin birgə təşkilatçılığı ilə intellektual yarış keçirilib.

Tədbirdə universitetin Elm və innovasiyalar üzrə prorektoru, millət vəkili Pərvin Kərimzadə, Qiyabi şöbənin müdiri Elsevər Nağıyev, Tələbə Elmi Cəmiyyətinin (TEC) sədri Lalə Ələkbərova, TEC idarə heyəti və Qiyabi şöbənin müəllim-tələbə heyəti iştirak edib.

Əvvəlcə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və torpaqlarımızın azadlığı uğrunda şəhid olanların əziz xatirəsi bir dəqiqəlik sükutla yad edilib.

Elm və innovasiyalar üzrə prorektor, millət vəkili Pərvin Kərimzadə giriş sözü ilə çıxış edərək bildirib ki, intellektual yarışın keçirilməsində əsas məqsəd tələbələr arasında bilik mübadiləsini gücləndirmək, komanda ruhunu inkişaf etdirmək, həmçinin şəhərsalma və memarlıq sahəsinə marağın artırılmasıdır.

Qiyabi şöbənin müdiri Elsevər Nağıyev çıxışında bildirib ki, müasir dövrdə uğurun əsas şərtlərindən biri bilik və davamlı özünüinkişafdır. Bu cür yarışlar tələbələrin əldə etdikləri nəzəri bilikləri praktik şəkildə nümayiş etdirmələrinə, məntiqi təfəkkürlərini gücləndirmələrinə və sağlam rəqabət mühitində öz bacarıqlarını sınamalarına imkan yaradır.

İntellektual yarış üç mərhələdə — “Dünyagörüşü”, “Şəhərsalma və Memarlıq” və “Tarix və Mədəni İrs” üzrə keçirilib. Ümumilikdə 30 sualdan ibarət yarışda komandalar sürət, məntiq və biliklərini nümayiş etdiriblər. Komandaların cavabları münsiflər heyəti tərəfindən qeydə alınıb və qiymətləndirilib.

Rəqabətli keçən yarışın sonunda “Elm Yolçuları” komandası I yerə layiq görülüb. II yeri “Zəfər Nəbzi”, III yeri isə “Zəfər Zirvəsi” komandası qazanıb.

Qaliblər pul mükafatı və fəxri fərmanlarla təltif olunublar, bütün iştirakçılara isə sertifikatlar təqdim edilib.

Gəncə Dövlət Universitetində (GDU) 2025/2026-cı tədris ili üzrə yaz semestrinin imtahan sessiyasının gedişini izləmək məqsədi ilə mediatur təşkil olunub.

Mediaturda millət vəkili, KİV nümayəndələri, universitet əməkdaşları və tələbə valideynləri iştirak edib.

Əvvəlcə mediatur iştirakçıları ilə görüş keçirilib. Universitetin Elm və innovasiyalar üzrə prorektoru, millət vəkili Pərvin Kərimzadə giriş sözü ilə çıxış edərək 2025/2026-cı tədris ili üzrə yaz semestrinin imtahan sessiyası ilə bağlı ətraflı məlumat verib. Bildirib ki, imtahan prosesində obyektivliyin və akademik dürüstlük prinsiplərinin təmin olunması universitet rəhbərliyinin daim diqqət mərkəzində saxladığı əsas məsələlərdəndir. Prorektor Gəncə Dövlət Univrersitetində tələbələrin bilik və bacarıqlarının ədalətli qiymətləndirilməsi, akademik dürüstlük prinsiplərinin qorunması, eləcə də imtahan prosesində operativ nəzarət mexanizmlərinin tətbiqi ilə bağlı həyata keçirilən işlər haqqında danışıb.

Tədris işləri üzrə prorektor vəzifəsini müvəqqəti icra edən İsfəndiyar Alverdiyev çıxışında qeyd edib ki, Gəncə Dövlət Universitetində bakalavriat və magistratura səviyyəsi üzrə yaz semestrinin imtahan sessiyasına 1 iyun 2026-cı il tarixdə start verilib. 8 iyun tarixdən isə test üsulunda imtahanların keçirilməsinə başlanılıb. Hazırda imtahanlar uğurla davam edir. Bütün imtahanlar kameralarla təhciz olunmuş auditoriyalarda keçirilir və imtahanların gedişi izlənilir. Gün ərzində 2000-ə qədər tələbə test imtahanlarında iştirak edir. İmtahan sessiyasının yüksək təşkilatçılıq səviyyəsində keçirilməsi və tələbələrin biliyinin qiymətləndirmə prosesində obyektivliyin təmin olunması məqsədilə universitet rəhbərliyi tərəfindən müvafiq tədbirlər həyata keçirilir.

Universitetin Humanitar məsələlər üzrə prorektoru Gülsüm Fətəliyeva, rektorun baş müşaviri Asif Cavadov, Azad Həmkarlar İttifaqı Komitəsinin sədri Afaq Qasımova, Tədris departamentinin direktoru Elturan Yusifov, Elmi katib Seymur Meşaik çıxışlarında imtahanlarda ictimai baxışın əhəmiyyətindən danışıblar.

Tələbə valideynləri imtahanlarda obyektivliyin təmin olunmasına və ədalətli şəkildə təşkilinə görə Gəncə Dövlət Universitetinin rektoru Yusif Yusibova təşəkkürlərini bildiriblər.

Daha sonra mediatur iştirakçıları auditoriyalarda imtahanların gedişini yaxından izləyiblər. Bununla yanaşı onlar imtahan prosesini izləmək üçün xüsusi monitorlarla təchiz edilmiş müşahidə otağı ilə də tanış olublar.

Sonda mediatur iştirakçıları universitetdə tələbələr üçün yaradılan şəraiti yüksək qiymətləndiriblər.

Qeyd edək ki, 1 iyun 2026-cı il tarixdə başlayan yaz imtahan sessiyasının 3 iyul 2026-cı il tarixdə yekunlaşması nəzərdə tutulur.

Şuşa Bəyannaməsinin imzalanması Azərbaycan Respublikasının müstəqillik tarixində ən önəmli hadisələrdən biridir.
https://gdu.edu.az/susa-b%c9%99yannam%c9%99sinin-imzalanmasi-az%c9%99rbaycan-respublikasinin-must%c9%99qillik-tarixind%c9%99-%c9%99n-on%c9%99mli-hadis%c9%99l%c9%99rd%c9%99n-biridir/

Gəncə Dövlət Universitetində (GDU) 15 İyun – Milli Qurtuluş Gününə həsr olunmuş tədbir keçirilib.

Azərbaycan Respublikasının Dövlət Himninin səsləndirilməsi ilə başlayan tədbirdə Ümummilli Lider Heydər Əliyevin və torpaqlarımızın azadlığı uğrunda şəhid olanların əziz xatirəsi bir dəqiqəlik sükutla yad edilib.

Daha sonra Milli Qurtuluş Gününə həsr olunmuş videoçarx nümayiş etdirilib.

15 İyun – Milli Qurtuluş Gününə həsr olunmuş tədbir keçirilib – Gəncə Dövlət Universiteti 12 İyun 2026 15 İyun – Milli Qurtuluş Gününə həsr olunmuş tədbir keçirilib Gəncə Dövlət Universitetində (GDU) 15 İyun – Milli Qurtuluş Gününə həsr olunmuş tədbir keçirilib. Azərbaycan Respublikasının Dövlət Himninin səsləndirilməsi ilə başlayan tədbirdə Ümumm...

15 İyun – Milli Qurtuluş Günü: Azərbaycanın dövlətçilik tarixinin şanlı səhifəsi
https://gdu.edu.az/15-iyun-milli-qurtulus-gunu-az%c9%99rbaycanin-dovl%c9%99tcilik-tarixinin-sanli-s%c9%99hif%c9%99si/

Gəncə Dövlət Universitetində (GDU) “Məzun Günü” keçirilib.

Azərbaycan Respublikasının Dövlət Himninin səsləndirilməsi ilə başlayan tədbirdə Ümummilli Lider Heydər Əliyevin və torpaqlarımızın azadlığı uğrunda şəhid olanların əziz xatirəsi anılıb.

Tədbirdə Gəncə şəhər İcra Hakimiyyətinin başçısı Niyazi Bayramov, Gəncə Dövlət Universitetinin rektoru Yusif Yusibov, Türkiyə Respublikasının Gəncədəki Baş Konsulu Recep Öztop, Vətən müharibəsi qaziləri, şəhid ailə üzvləri, ali təhsil müəssisəsinin professor-müəllim heyəti, tələbələr və valideynlər iştirak ediblər.

Universitetin rektoru Yusif Yusibov məzunları təbrik edərək onlara gələcək həyatlarında, peşə fəaliyyətlərində və karyeralarında uğurlar arzulayıb, məzunların universitetdə əldə etdikləri biliklər əsasında yüksəkixtisaslı mütəxəssislər kimi fəaliyyət göstərəcəklərinə əminliyini ifadə edib. Rektor gənclərə milli-mənəvi dəyərlərə sadiq qalaraq Vətənə və xalqa layiqincə xidmət etməyi, həmçinin məzunu olduqları ali təhsil müəssisəsinin nüfuzunu hər zaman qorumalarını və onu uğurla təmsil etmələrini tövsiyə edib. Rektor Yusif Yusibov diqqətə çatdırıb ki, 2025/2026-cı tədris ilində universitetdə ümumilikdə 2000-dən çox tələbə məzun olur. Bir vaxtlar yalnız pedaqoji ixtisaslar üzrə kadr hazırlayan universitetdə hazırda müxtəlif sahələrdə bakalavriat səviyyəsi üzrə 46 ixtisas, magistratura səviyyəsi üzrə isə 23 ixtisas üzrə 64 ixtisaslaşmaya aid kadrlar hazırlanır. Son 10 ildə isə Gəncə Dövlət Universitetində təhsil alan tələbələrin sayı 2 dəfəyə qədər yüksəlib. Çıxışında ölkəmizdə təhsilə və elmə göstərilən dövlət qayğısından danışan rektor Yusif Yusibov universitetin beynəlxalq reytinqlərdə artan nüfuzundan, müasir dövrün tələblərinə cavab verən yüksək ixtisaslı kadr hazırlığından və tələbələr üçün yaradılan imkanlardan söhbət açıb. O da diqqətə çatdırılıb ki, Universitetdə yüksək ixtisaslı pedaqoji və elmi kadrların hazırlanması istiqamətində, tədris prosesinin, elmi-tədqiqat işlərinin təşkilində daim uğurlu işlər həyata keçirilir, professor-müəllim heyətinin və tələbələrin müxtəlif proqramlar çərçivəsində yerli və beynəlxalq layihələrdə iştirakı təmin olunur və dünyanın nüfuzlu ali məktəbləri ilə ikitərəfli əməkdaşlıq əlaqələri uğurla davam etdirilir.

Gəncə şəhər İcra Hakimiyyətinin başçısı Niyazi Bayramov çıxışında məzunlara səmimi ürək sözlərini çatdırıb, Gəncə Dövlət Universitetinin məzunları arasında Azərbaycanın ictimai-siyasi həyatına layiqli töhfələr verən şəxslərin olduğunu bildirib. Ümummilli Lider Heydər Əliyev tərəfindən əsası qoyulmuş, Prezident İlham Əliyev tərəfindən uğurla davam etdirilən dövlət gənclər siyasətinin əhəmiyyətindən bəhs edib.

Türkiyə Respublikasının Gəncədəki Baş Konsulu Recep Öztop gənclərin təhsil almasının önəmində danışıb, məzunlara gələcək işlərində uğurlar arzu edib.

Şəhid Elşən Abdullayevin atası Sabir Abdullayev çıxış edərək ali təhsil ocağında yüksək ixtisaslı kadr hazırlığı ilə yanaşı, gənclərin vətənpərvər ruhunda yetişdirilməsinə önəm verən univseritet rəhbərliyinə minnətdarlığını bildirib.

İqtisadiyyat və idarəetmə fakültəsinin məzunu Tellan Zeynalova çıxışında Gəncə Dövlət Universitetinin məzunu olmaqdan qürur duyduğunu dilə gətirib, tələbələrə göstərilən yüksək diqqət və qayğıya görə universitetin rəhbərliyinə və müəllimlərə minnətdarlığını ifadə edib.

Tədbirdə təhsildə göstərdikləri yüksək nəticələrə və ictimai işlərdə fəal iştiraka görə bir qrup məzuna Fəxri fərman təqdim olunub.

“Məzun Günü” konsert proqramı ilə davam edib və möhtəşəm atəşfəşanlıqla başa çatıb.

Gəncə Dövlət Universiteti 2026-cı il üzrə RUR World University Reytinqində uğurlu göstəricilərlə təmsil olunub. Reytinq nəticələrinə əsasən, universitet dünya üzrə 1249-cu, Azərbaycan universitetləri arasında isə 15-ci yerdə qərarlaşıb.

RUR World University reytinqi ali təhsil müəssisələrinin fəaliyyətini müxtəlif istiqamətlər üzrə qiymətləndirən beynəlxalq reytinq platformasıdır. Platforma universitetləri tədris, tədqiqat, beynəlxalq müxtəliflik və maliyyə dayanıqlılığı kimi əsas göstəricilər üzrə müqayisə edir.

2026-cı il nəticələrinə görə, Gəncə Dövlət Universiteti ümumi World University Ranking göstəricisi üzrə 20.871 bal toplayıb. Universitetin ayrı-ayrı istiqamətlər üzrə nəticələri belədir:

Tədris Reytinqi üzrə 1265-ci yer və 15.956 bal,

Tədqiqat Reytinqi üzrə 1284-cü yer və 9.697 bal,

Beynəlxalq Müxtəliflik Reytinqi üzrə 1222-ci yer və 19.926 bal,

Maliyyə Davamlılığı Reytinqi üzrə 184-cü yer və 79.625 bal

Qeyd edək ki, RUR World University Ranking platforması milyonlarla məlumat göstəricisi, minlərlə universitet profili və 100-dən çox ölkəni əhatə edən qiymətləndirmə sistemi əsasında ali təhsil müəssisələrinin beynəlxalq müqayisəsini aparır.