Kəlbəcər rayonu üzrə təhsil sektoru

26/02/2025

Xocalı soyqırımından 33 il ötür.

Bu faciəni unutmadıq, unutmayacağıq. 🥀

25/02/2025

23/02/2025

Respublika Fənn Olimpiadalarının respublika mərhələsinin yarımfinal turu keçirilib.

Ətraflı: https://shorturl.at/7Ijxv

20/02/2025

Şagirdlərin elektron yerdəyişməsi prosesinə başlanılır

📅 25 fevral saat 15:00-dan etibarən 2024-2025-ci tədris ilinin II yarımili üzrə şagirdlərin elektron yerdəyişməsi prosesi aktiv olacaq. Yerdəyişmə prosesi məktəbəhazırlıq qrupları, I – X sinifləri əhatə edəcək.

🔗 Şagird yerdəyişməsi sy.edu.az elektron sistemi vasitəsilə aparılır.

⚠️ Qeyd edək ki, 25 fevral 2025-ci il tarixindən XI siniflər üzrə şagirdlərin yerdəyişməsi aparılmayacaq. Həmçinin, ümumi orta təhsil səviyyəsi üzrə buraxılış imtahanlarına az müddət qaldığını nəzərə alaraq IX sinif üzrə yerdəyişmə prosesi 5 mart 2025-ci il saat 18:00-da dayandırılacaq və tədris ilinin sonunadək aktiv edilməyəcək.

18/02/2025

“Müasir metodist” müsabiqəsi üzrə qeydiyyatın bitməsinə son 3 gün qaldı!

13/02/2025

Şagirdimiz birinci yerə layiq görülüb

---

Kəlbəcər rayon Şahlar Şükürov adına 35 nömrəli tam orta məktəbin 3-cü sinif şagirdi Şirinli Sədi Vüsal oğlu KİNGS beynəlxalq riyaziyyat olimpiadasında öz yaş qrupu üzrə qalib gələrək birinci yerə layiq görülüb.

Şagirdimizi təbrik edir, uğurlar arzu edirik.

10/02/2025

IV, VI və IX siniflərdə monitorinqlər yekunlaşıb

---

Kəlbəcər rayonu üzrə təhsil sektorunun tabeliyində fəaliyyət göstərən ümumi təhsil müəssisələrinin şagirdləri arasında keçirilən monitorinqlər yekunlaşıb.

Qeyd edək ki, monitorinq IV siniflərdə Azərbaycan dili, riyaziyyat, VI siniflərdə Azərbaycan dili, riyaziyyat, təbiət, IX siniflərdə isə Azərbaycan dili, riyaziyyat və ingilis dili fənlərindən keçirilib.

02/02/2025

Gənclər – savadı, enerjisi və potensialı ilə uğurlu gələcəyimizi formalaşdıran qüvvədir.

2 fevral – Azərbaycan Gəncləri Günü münasibətilə bütün gənclərimizi təbrik edirik!

28/01/2025

2024-cü ilin oktyabr ayından etibarən ümumtəhsil müəssisələrində “Cerebry” rəqəmsal platformasının istifadəsinə başlanılıb.

Platformanın istifadəsində əsas məqsəd şagirdlərin riyaziyyat və təbiət fənləri üzrə müxtəlif tipli səriştə əsaslı tapşırıqlarla rəqəmsal formada işləmək bacarığının artırılması, məktəbdə öyrəndikləri bilikləri real həyata tətbiqetmə qabiliyyətlərinin inkişaf etdirilməsi və analitik düşüncə tərzlərinin gücləndirilməsidir.

Qeyd edək ki, layihə çərçivəsində müəllimlər üçün xüsusi təlimlər təşkil edilib, platformanın tətbiqi ilə bağlı texniki və metodiki dəstək təmin olunub.

22/01/2025

2 şagirdimiz 100 faiz nəticə göstərib 👏👏👏

---

Kəlbəcər rayonu 122 nömrəli tam orta ümumtəhsil məktəbinin X sinif şagirdi Gözəlov Bəhram Rəcəb oğlu, 56 nömrəli tam orta ümumtəhsil məktəbinin IX sinif şagirdi Nəcəfzadə Bəxtiyar Elşən oğlu informatika fənni üzrə Respublika Fənn Olimpiadalarının rayon (şəhər) mərhələsində onlara təqdim olunan bütün sualları doğru cavablandırıblar.

Şagirdlərimizi təbrik edir, növbəti mərhələlərdə uğurlar arzulayırıq.

20/01/2025

Kəlbəcər rayon ümumi təhsil müəssisələrində 20 Yanvar faciəsinin 35-ci ildönümünə həsr olunmuş tədbirlər keçirilib.

Tədbirlərdə təhsil müəssisələrinin pedaqoji və şagird kollektivləri iştirak ediblər.

Tədbirlər Dövlət Himninin səsləndirilməsi və şəhidlərin xatirəsinin bir dəqiqəlik sükutla yad edilməsi ilə başlayıb. Şagirdlərə 1990-cı ilin 20 Yanvar hadisələrinin baş verdiyi tarixi dövr haqqında ətraflı məlumat verilib, xalqımızın azadlıq və müstəqillik uğrunda apardığı mübarizə əsil qəhrəmanlıq nümunəsi kimi qiymətləndirilib.

Şagirdlər 20 Yanvar hadisələrinə həsr edilmiş şeirlər söyləyib, ədəbi-bədii kompozisiyalar nümayiş etdiriblər.

Həmçinin təhsil müəssisələrində foto və rəsm sərgiləri, pedaqoji kollektiv və şagirdlərin Şəhidlər xiyabanına ziyarəti təşkil olunub.