Gəncə şəhər Fizika, riyaziyyat və informatika təmayüllü lisey

🏆 Respublika Fənn Müsabiqələrində möhtəşəm nəticə! 🥇🥈🥉
2025–2026-cı tədris ilində Gəncə şəhər Fizika, Riyaziyyat və İnformatika təmayüllü liseyin şagirdləri Respublika Fənn Müsabiqələrində 3️⃣9️⃣ medal qazanmışlar.

Bu nailiyyətlər şagirdlərimizin əzmkarlığının və müəllimlərimizin peşəkarlığının nəticəsidir. Onların üzərində əməyi olan bütün müəllimlərimizə təşəkkürümüzü bildirir uğurlarının davamını arzulayırıq.
Qalib şagirdlərimizi və valideynlərini ürəkdən təbrik edir, yeni uğurlar arzulayırıq!

2026/2027-ci tədris ili üzrə Gəncə şəhər Fizika, riyaziyyat və informatika təmayüllü liseyin 7-ci sinfinə mərkəzləşdirilmiş qaydada keçirilən qəbul prosesinin qeydiyyat mərhələsi davam edir. Mərkəzləşdirilmiş qəbul imtahanında iştirak etmək istəyən şagirdlər 19 iyun saat 15:00-dək qeydiyyatdan keçməlidirlər.

❗Qeydiyyat müddəti başa çatdıqdan sonra müraciət edən və ya qeydiyyatını tamamlamayan şagirdlər üçün əlavə qeydiyyat və ya güzəşt tətbiq olunmayacaq. Bu səbəbdən valideyn və şagirdlərə qeydiyyat prosesini vaxtında tamamlamaları tövsiyə olunur.
✅️Qeydiyyatla bağlı problemi olanlar liseyə yaxınlaşıb dəstək ala bilərlər
🔗Müvafiq keçidə daxil olaraq qeydiyyat qaydaları ilə tanış ola bilərsiniz:https://arti.edu.az/wp-content/uploads/2026/06/LQ-Qaydalar-2026-27.pdf

Milli Qurtuluş Günü münasibətilə Azərbaycan xalqını ürəkdən təbrik edir, ölkəmizə daim sülh, tərəqqi və firavanlıq arzulayırıq. Bu əlamətdar gün dövlətçiliyimizin möhkəmlənməsinin və milli birliyimizin rəmzidir. 🇦🇿

Milli iradənin zəfərini təcəssüm etdirən Milli Qurtuluş Günü münasibətilə Azərbaycan xalqını təbrik edirik.

II–X sinif şagirdləri arasında keçirilən Kenquru Beynəlxalq Riyaziyyat Müsabiqəsinin final mərhələsinin nəticələrinə əsasən liseyimizin şagirdləri 8 qızıl və 1 bürünc olmaqla 9️⃣ medal qazanmışlar.
Şagirdlərimizi və onların müəllimlərini təbrik edir, uğurlarının davamını arzulayırıq.

Milli-mənəvi dəyərlər, azərbaycançılıq və vətənpərvərlik ruhunda tədbirlərin təşkili üzrə təlimata əsasən, şagirdlərimiz hər həftə klassik Azərbaycan filmlərinə tamaşa edirlər. Filmlərin nümayişindən sonra onların məzmunu, ideyası və aşıladığı dəyərlər ətrafında geniş müzakirələr aparılır. Bu cür maarifləndirici tədbirlər şagirdlərdə milli kimlik, vətənpərvərlik hissi və mənəvi dəyərlərə bağlılığın formalaşmasına xidmət edir.

Sizlərlə qürur duyuruq!
9 iyun tarixində Azərbaycan Dövlət Neft və Sənaye Universitetində (ADNSU) Respublika Fənn Olimpiadalarının təbiət fənləri üzrə, 10 iyun tarixində isə ADA Universitetində texniki fənlər üzrə qaliblərin mükafatlandırılması mərasimləri keçirilib.
Qürur hissi ilə bildiririk ki, Gəncə şəhər Fizika, Riyaziyyat və İnformatika Təmayüllü Liseyin 3️⃣0️⃣ şagirdi Respublika Fənn Olimpiadalarında uğur qazanaraq qaliblər sırasında yer alıb və mükafatlandırılıb.
Bu möhtəşəm nəticə şagirdlərimizin əzmkarlığının, müəllimlərimizin peşəkarlığının və valideynlərimizin dəstəyinin bariz göstəricisidir.
Bütün qaliblərimizi, onların müəllimlərini və valideynlərini ürəkdən təbrik edir, gələcək yarışlarda daha böyük nailiyyətlər arzulayırıq!

Liseyimizin psixoloqu tərəfindən şagirdlərlə “İnsan Hüquqları Aylığı” mövzusunda maarifləndirici seminar təşkil olundu. Seminar zamanı insan hüquq və azadlıqları, qarşılıqlı hörmət, bərabərlik, tolerantlıq və hüquqların qorunmasının əhəmiyyəti barədə məlumat verildi.
Şagirdlər mövzu ətrafında fikir mübadiləsi apararaq hüquq və vəzifələri haqqında biliklərini daha da zənginləşdirdilər.

📢2026-2027-ci tədris ili üzrə Bakı şəhəri və ölkənin müxtəlif bölgələrində fəaliyyət göstərən bir sıra lisey və gimnaziyaların 7-ci sinfinə qəbul prosesi başlayır.

ℹ️Şagird qəbulu mərkəzləşdirilmiş imtahan əsasında həyata keçiriləcək.

✔️Qeydiyyatdan keçmək üçün valideynlər (və ya qanuni nümayəndələr) şəxsi kabinetlərində “Sorğu yerləşdir” bölməsinə daxil olaraq öncə “Mərkəzi imtahanla qəbul” düyməsini, sonra isə imtahan keçiriləcək mərkəzi və müvafiq məlumatları seçməlidirlər.

📆Qeydiyyat müddəti: 9 – 19 iyun

🔗Mərkəzləşdirilmiş qaydada qəbul aparılacaq lisey və gimnaziyaların siyahısı ilə aşağıdakı keçidə daxil olaraq tanış ola bilərsiniz:

https://arti.edu.az/2026/06/08/lisey-v%c9%99-gimnaziyalara-q%c9%99bul-baslayir/

Liseyimiz üçün daha bir ilk!

Respublika Fənn Olimpiadalarında fizika üzrə 1 qızıl🥇 və 1 gümüş🥈 medalın sahibi liseyimizin X sinif şagirdi Səid İsgəndərov uğurlarını davam etdirir.
Səid bu dəfə də bilik və bacarığını nümayiş etdirərək liseyimizin tarixində ilk dəfə olaraq VI Azərbaycan Astronomiya 🔭 Olimpiadasında gümüş medal🥈 qazanmışdır.

Şagirdimizi bu nailiyyət münasibətilə ürəkdən təbrik edir, ona gələcək yarışlarda daha böyük uğurlar arzulayırıq!

🌟🥈🔭