Daşkəsən rayonu Alunitdağ qəsəbə Rövşən Qafarov adına tam orta məktəb

Məktəbdə uzun müddət müəllim işləmiş, əməyini gənc nəslin təlim-tərbiyəsinə həsr etmiş riyaziyyat müəllimi Kərimova Yeganə İdris qızı çalışmanın yaş həddinə çatdığına və təhsil sahəsində səmərəli fəaliyyətinə görə kollektivimiz tərəfindən təbrik edilmişdir.

Məzunların həyatında xüsusi əhəmiyyət daşıyan “🔔Son zəng🔔” tədbiri məktəbimizdə Azərbaycan Respublikasının Dövlət Himninin sədaları altında başlandı. Daha sonra Şəhidlərimizin ruhu 1 dəqiqəlik sükut ilə yad edildi.
Tədbir zamanı şagirdlər tərəfindən müxtəlif musiqi nömrələri, şeirlər və rəqs kompozisiyaları təqdim olundu. Məzunların məktəb illərini əks etdirən çıxışları və duyğulu anlar tədbir iştirakçıları tərəfindən böyük maraqla qarşılandı.
“Son zəng” tədbiri məzunların məktəb həyatı ilə vidalaşaraq yeni uğurlara doğru ilk addımlarını atdıqları unudulmaz bir gün kimi yadda qaldı. Bütün məzunlarımızı təbrik edir, onlara gələcək həyatlarında və ali təhsil yollarında yeni nailiyyətlər arzulayırıq.

Liseylərin 7-ci siniflərinə şagird qəbulu elan olunur.

Gəncə-Daşkəsən Regional Təhsil İdarəsinin tabeliyində fəaliyyət göstərən Gəncə şəhəri S.Vurğun adına 41 nömrəli təbiət və humanitar fənlər təmayüllü lisey və Göygöl şəhər Texniki və təbiət fənləri təmayüllü liseyin 7-ci siniflərinə 2026–2027-ci tədris ili üzrə şagird qəbulu həyata keçiriləcək.

Qəbul prosesi mərkəzləşdirilmiş qaydada təşkil olunacaq. Liseylərdə təhsil almaq istəyən şagirdlər imtahanda iştirak etmək üçün müvafiq qeydiyyat linki vasitəsilə 20 iyun 2026-cı il saat 18:00-dək onlayn qeydiyyatdan keçməlidirlər.

Qeydiyyat üçün link:
https://docs.google.com/forms/d/1zHmnlGcRmW8s29Juw6kxyIkGveEM-rRpZD6_HCEgQzs/edit?pli=1

Qəbulun əsas məqsədi şagirdlərin bilik, bacarıq və potensialını qiymətləndirərək təmayül istiqamətlərinə uyğun istedadlı və yüksək nailiyyət göstərən şagirdlərin müəyyənləşdirilməsi, onların keyfiyyətli təhsil imkanlarından yararlanmasına şərait yaradılmasıdır.

Qeydiyyat prosesi ilə bağlı hər hansı çətinlik yarandığı təqdirdə vətəndaşlar adıçəkilən təhsil müəssisələrinə və ya Gəncə-Daşkəsən Regional Təhsil İdarəsinin 146-0-2 Çağrı Mərkəzinə müraciət edə bilərlər.

" Tanınmış şəxsiyyətlər " silsiləsindən Azərbaycan profesional vokal sənətinin banilərindən biri olan Bülbülə həs olunmuş tədbir keçirildi.Tədbirdə görkəmli sənətkarın həyat və yaradıcılığı haqqında məlumat verildi.

"İnsan hüquqları aylığı" çərçivəsində 09.06.2026-cı il tarixində məktəbin psixoloqu İlahə İsmayılova tərəfindən "İnsan hüquqlarının təmin edilməsi" mövzusunda tədbir təşkil edildi.

Zahid Xəlilin " Şəkərabad şəhərinin uşaqları" əsəri üzrə oxu dəqiqələri keçirildi.Şagirdlər əsəri maraqla müzakirə edərək oxu bacarıqlarını nümayiş etdirdilər.