Ticarət və Xidmət üzrə Gəncə Dövlət Peşə Təhsil Mərkəzi

Ticarət və Xidmət üzrə Gəncə Dövlət Peşə Təhsil Mərkəzinin Əməliyyatçı mühasib ixtisası üzrə təhsilalanlar istehsalat təcrübəsi çərçivəsində sınaq işlərini uğurla yerinə yetiriblər.
Sınaq işi zamanı təhsilalanlar ilkin maliyyə sənədlərinin işlənməsi, əməliyyatların uçota alınması, hesabatların hazırlanması və mühasibat proqramları ilə işləmək bacarıqlarını nümayiş etdiriblər.
Praktiki fəaliyyət vasitəsilə əldə olunan bilik və bacarıqlar onların gələcək peşə fəaliyyətinə hazırlığında mühüm rol oynayır.

ℹ️Ticarət və Xidmət üzrə Gəncə Dövlət Peşə Təhsil Mərkəzində imtahan prosesi uğurla davam edir.
Mərkəzimizdə təhsilalanların bilik və bacarıqlarının qiymətləndirilməsi məqsədilə keçirilən imtahanlar planlı şəkildə davam etdirilir.
Hazırlanan videoçarxda imtahanın başlanğıcı, tələbələrin imtahan prosesinə cəlb olunması, tapşırıqların icrası və ümumi imtahan mühiti əks olunub. İmtahanlar şəffaflıq və obyektivlik prinsipləri əsasında təşkil edilir.
Təhsilalanlara imtahanlarda uğurlar arzulayır, onların gələcək peşə fəaliyyətlərində müvəffəqiyyətlər diləyirik.

Ticarət və Xidmət üzrə Gəncə Dövlət Peşə Təhsil Mərkəzində Kargüzarlıq və ofis işi üzrə mütəxəssis ixtisası üzrə sınaq işi müəssisədə keçirilmişdir.
Sınaq işi zamanı təhsilalanlar kargüzarlıq işinin əsas prinsiplərinə uyğun olaraq sənədlərin qəbulu, qeydiyyatı, sistemləşdirilməsi və arxivləşdirilməsi proseslərində iştirak etmişlər. Daxil olan və göndərilən sənədlərin düzgün rəsmiləşdirilməsi, işgüzar yazışma qaydalarına əməl olunması, eləcə də ofis proqramlarında (mətn redaktoru və cədvəl proqramları) ilkin əməliyyatların icrası üzrə praktik bacarıqlar nümayiş etdirmişlər.
Eyni zamanda ofis işinin təşkili, sənəd dövriyyəsinin düzgün aparılması, məlumatların dəqiq və səliqəli şəkildə işlənməsi və komanda daxilində əməkdaşlıq bacarıqları qiymətləndirilmişdir. Təhsilalanların ümumi hazırlıq səviyyəsi qənaətbəxş hesab olunmuşdur.

Ticarət və Xidmət üzrə Gəncə Dövlət Peşə Təhsil Mərkəzində Aşpaz ixtisası üzrə sınaq işi keçirilmişdir. Təhsilalanlar mətbəxdə gigiyena qaydalarına əməl etmiş, yeməklərin hazırlanması və avadanlıqlardan düzgün istifadə bacarıqlarını nümayiş etdirmişlər. Praktik hazırlıq səviyyəsi ümumilikdə qənaətbəxş qiymətləndirilmişdir.

Ticarət və Xidmət üzrə Gəncə Dövlət Peşə Təhsil Mərkəzində Mühasibat uçotu, Veb dizayn və proqram təminatı, Moda dizaynı (YTP) ixtisasları üzrə imtahan keçirilmişdir.
İmtahanın məqsədi tələbələrin təhsil müddətində qazandıqları nəzəri bilik və praktiki bacarıqların qiymətləndirilməsi, peşə səriştələrinin müəyyən olunması olmuşdur.
Qiymətləndirmə prosesində tələbələr ixtisasları üzrə verilən tapşırıqları yerinə yetirərək əldə etdikləri bilik və bacarıqları nümayiş etdirmişlər.
Tələbələrimizə gələcək təhsil və peşə fəaliyyətlərində uğurlar arzulayırıq.

15 İyun – Milli Qurtuluş Günü münasibətilə Ticarət və Xidmət üzrə Gəncə Dövlət Peşə Təhsil Mərkəzinin kollektivi Ümummilli Lider Heydər Əliyevin abidəsini ziyarət edib.
Abidə önünə gül dəstələri qoyulub, Ulu Öndərin əziz xatirəsi dərin ehtiramla yad edilib. Kollektiv Milli Qurtuluş Gününün əhəmiyyətini vurğulayaraq, Heydər Əliyevin dövlətçilik irsinə hörmətini ifadə edib.

Ticarət və Xidmət üzrə Gəncə Dövlət Peşə Təhsil Mərkəzinin Dayə ixtisası üzrə təhsilalanları müəssisədə sınaq işində iştirak etmişlər.
Sınaq işi zamanı təhsilalanlar uşaqlara qayğı göstərilməsi, gündəlik fəaliyyətlərin təşkili, gigiyena qaydalarına riayət olunması, uşaqların təhlükəsizliyinin təmin edilməsi və yaş xüsusiyyətlərinə uyğun ünsiyyət bacarıqlarını nümayiş etdirmişlər. Eyni zamanda uşaqların inkişafına dəstək verən oyun və məşğələlərin təşkili üzrə praktik biliklərini tətbiq etmişlər.
Sınaq işi təhsilalanların peşə hazırlığının qiymətləndirilməsi, praktiki bacarıqlarının möhkəmləndirilməsi və real iş mühitinə uyğunlaşmaları baxımından əhəmiyyətli olmuşdur.

Ticarət və Xidmət üzrə Gəncə Dövlət Peşə Təhsil Mərkəzində Bərbər-vizajist-manikürçü ixtisası üzrə sınaq işi keçirilmişdir. Sınaq işi zamanı təhsilalanlar saç kəsimi və düzümü, makiyajın tətbiqi, manikür xidmətlərinin yerinə yetirilməsi, müştəriyə xidmət qaydalarına əməl olunması və istifadə olunan alət-avadanlıqlardan düzgün istifadə bacarıqlarını nümayiş etdirmişlər. Tədbir zamanı sanitariya-gigiyena və təhlükəsizlik qaydalarına riayət olunmuşdur.

Ticarət və Xidmət üzrə Gəncə Dövlət Peşə Təhsil Mərkəzinin İnteryer və eksteryerin bədii tərtibatçısı ixtisası üzrə təhsil alan tələbələr müəssisədə sınaq işində iştirak ediblər. Sınaq işi zamanı tələbələr interyer və eksteryer məkanlarının bədii tərtibatı, rəng həllərinin seçilməsi, dekorativ elementlərin hazırlanması və dizayn layihələrinin tətbiqi üzrə praktiki bacarıqlarını nümayiş etdiriblər.
Sınaq işinin məqsədi tələbələrin peşə bilik və bacarıqlarının qiymətləndirilməsi, yaradıcılıq qabiliyyətlərinin inkişaf etdirilməsi və real iş mühitinə uyğunlaşmalarının təmin edilməsi olub. Tələbələr verilən tapşırıqları uğurla yerinə yetirərək peşə hazırlıqlarını nümayiş etdiriblər.