Aqrokimya kafedrası

4 dekabr tarixində Torpaqşünaslıq və Aqrokimya kafedrasında Ümumdünya Torpaq Gününə həsr olunmuş elmi–praktik TEC konfransı təşkil olundu. Tədbirdə iştirak edən 17 tələbə öz çıxışları ilə mövzunun aktuallığına diqqət çəkərək səmərəli müzakirələrə töhfə verdilər və hər biri sertifikatla təltif edildi. Eləcə də ən yüksək nəticə göstərən üç tələbə I, II və III yerlərə layiq görüldü.
Konfransda fakültə dekanı Xalıq Xəlilov, kafedra müdiri Həsənəli Aslanov və kafedra üzrə TEC rəhbəri İsmayılova Məhsəti tələbələrə elmə marağın artırılması, tədqiqat fəaliyyətinin genişləndirilməsi və gələcək TEC tədbirlərində daha fəal iştiraka dair dəyərli fikirlərini bildirdilər.
Bu tədbir gənc tədqiqatçıların elmi potensialının üzə çıxarılması, onların torpaq elmlərinə marağının təşviqi və akademik mühitdə fəal fəaliyyətlərinin dəstəklənməsi baxımından mühüm əhəmiyyət daşıyır.

Torpaqşünaslıq və aqrokimya kafedrası.Aqrokimya fənnindən kurs işlərinin müdafiəsi.

Torpaqşünaslıq və aqrokimya kafedrasının baş müəllimi Gülnarə İbrahim qızı Hacıyeva Azərbaycan Respublikası Prezidenti yanında Ali Attestasiya Komissiyasının 24.12.2024-cü il tarixli qərarı ilə aqrar elmləri üzrə 3101.01 Aqrokimya ixtisasında fəlsəfə doktoru elmi dərəcəsi almışdır ( Elmi rəhbər : professor Aslanov Həsənəli Əsəd oğlu)
Kafedranın əməkdaşları adından Gülnarə müəlliməni təbrik edir və ona gələcək elmi işlərində yeni nəaliyyətlər arzulayırıq.

27.12.2024-cü il tarixində Torpaqşünaslıq və aqrokimya kafedrasının doktorantı Bədəlova Türkan Cümşüd qızının fəlsəfə doktoru elmi dərəcəsini almaq üçün dissertasiya işinin ilkin müzakirəsi keçirilmişdir.İxtisas : 3101.01 -“Aqrokimya” . Mövzu :” Gəncə-Daşkəsən iqtisadi rayonu şəraitində mineral gübrələrin torpaq münbitliyinə,vələmirin ( Avena Sativa L.) məhsuldarlığına və keyfiyyətinə təsiri “ Elmi rəhbər : a.e.e.d pr H.Ə.Aslanov
Həmkarımızı təbrik edir ,elmi fəaliyyətlərində uğurlar arzulayırıq.

Torpaqşünaslıq və aqrokimya kafedrasının Aqrokimya üzrə tədris-təcrübə laboratoriyasında keçirilən dərslərdən .

02.08.24-cü il tarixində Aqrokimya kafedrasının əməkdaşları TTT-da qarğıdalının ADAU-80 sortu üzərində növbəti fenoloji müşahidələrini apardılar.

09.07.2024-cü il tarixdə Aqrokimya kafedrasının əməkdaşları TTT -də olaraq növbəti fenoloji müşahidələri apardılar və qarğıdalı bitkisi altından mütəhərrik qida maddələrinin təyini üçün torpaq nümunəsi götürdülər.

28.06.24 tarixində Aqrokimya kafedrasının əməkdaşları TTT -də oldular və ADAU-80 sortunda növbəti fenoloji müşahidələri apardılar.

Aqrokimya kafedrasının əməkdaşları universitetin tədris-təcrübə təsərrüfatında qarğıdali bitkisindən ( ADAU -80 ) yüksək məhsuldarlıq almaq üçün müxtəlif gübrə normalarında təcrübə qoydular .

22.04.2024-cü il tarixində Torpaqşünaslıq və Aqrokimya fakultəsinin Aqrokimya kafedrasında 2023-2024-cü tədris ilinin 2-ci yarımili üçün nəzərdə tutulmuş TEC-in tədbiri keçirildi.Sonda iştirak edən tələbələrdən 1 nəfər bakalavr tələbə 1-ci yerə layiq görülərək serifikatla ,digər iştirakçılar isə təşəkkürnamə ilə təltif edildi.