Gence Seher 42 nomreli tam orta mekteb

Əmək intizamının pozulmasına görə əmək müqaviləsinə xitam verilib

Gəncə-Daşkəsən Regional Təhsil İdarəsi tərəfindən Samux rayonu Habil Məmmədov adına Qaraağaclı qəsəbə tam orta ümumtəhsil məktəbində aparılmış monitorinqlər zamanı idarəetmə, tədris prosesinin təşkili, əmək və icra intizamı sahələrində bir sıra nöqsanlar aşkar edilib.

Monitorinqlər zaman müəyyən olunub ki, məktəbdə aşkar edilmiş nöqsanların aradan qaldırılması təmin edilməyib, təhsil müəssisəsinin fəaliyyətində əlavə pozuntulara yol verilib və ümumi təhsil prosesinin səmərəli təşkili ilə bağlı tələblər yerinə yetirilməyib.

Bununla əlaqədar, Azərbaycan Respublikasının Əmək Məcəlləsinin müvafiq maddəsinə uyğun olaraq Samux rayonu Habil Məmmədov adına Qaraağaclı qəsəbə tam orta ümumtəhsil məktəbinin direktoru Cəmilə Rəhimova ilə bağlanmış əmək müqaviləsinə 4 iyun 2026-cı il tarixindən xitam verilib.

Gəncə-Daşkəsən Regional Təhsil İdarəsi təhsil müəssisələrində şəffaflığın, qanunvericiliyin tələblərinə riayət olunmasının və keyfiyyətli idarəetmənin təmin edilməsini daim diqqətdə saxlayır.

Məktəbimizdə “Məktəblilərarası Milli Kosmik Poçt Kartı Müsabiqəsi” layihəsi ilə əlaqədar yaradılmış komissiyanın üzvləri tərəfindən poçt kartları şagirdlərə təqdim edilmişdir.

Layihənin əsas məqsədi şagirdlərdə kosmos, elm və innovasiyalara marağın artırılması, onların yaradıcılıq potensialının inkişaf etdirilməsidir. Təqdimat zamanı şagirdlər layihə barədə ətraflı məlumatlandırılmış və müsabiqədə iştirak qaydaları izah edilmişdir.

Layihə şagirdlər tərəfindən böyük maraqla qarşılanmış, onların fəal iştirak etmək həvəsini artırmışdır. İnanırıq ki, bu müsabiqə şagirdlərimizin yaradıcılıq bacarıqlarının və elmi dünyagörüşünün inkişafına mühüm töhfə verəcəkdir.