ADAU Maliyyə və mühasibat uçotu kafedrası

15 may 2026-cı il tarixində “Azərbaycan Respublikasının Ümummilli Lideri Heydər Əliyevin anadan olmasının 103 illiyinə həsr olunmuş “Azərbaycan Dövlət Aqrar Universitetinin Maliyyə və Mühasibat uçotu kafedrasının elmi tədqiqat işinin nəticələrinin yerlərə çatdırılması” mövzusunda seminar keçirilmişdir.

Seminar interaktiv müzakirələr şəraitində davam etmiş, iştirakçıları maraqlandıran suallar cavablandırılmış və qarşılıqlı fikir mübadiləsi aparılmışdır. Tədbirin sonunda aqrar sahədə elmi-praktiki əməkdaşlığın genişləndirilməsinin vacibliyi vurğulanmış, gələcəkdə bu istiqamətdə birgə fəaliyyətin davam etdirilməsi məqsədəuyğun hesab edilmişdir.

“Maliyyə və gələcəyin mühasibi” dərnəyinin növbəti yığıncağı keçirilib

12 may 2026-cı il tarixində Maliyyə və mühasibat uçotu kafedrasının nəzdində fəaliyyət göstərən “Maliyyə və gələcəyin mühasibi” dərnəyinin növbəti yığıncağı baş tutub.

Yığıncaqda bakalavr və magistr səviyyələri üzrə təhsil alan, həm rus, həm də ingilis bölmələrindən olan tələbələr fəal iştirak ediblər. İştirakçılar maliyyə və mühasibat sahəsində aktual mövzular ətrafında çıxışlar edərək öz bilik və təcrübələrini bölüşüblər.

Tədbir interaktiv diskussiya formatında təşkil olunub. Çıxışlar zamanı tələbələr arasında fikir mübadiləsi aparılıb, müxtəlif baxışlar səsləndirilib və mövcud problemlərin həlli yolları müzakirə edilib.

Qeyd edək ki, dərnəyin əsas məqsədi tələbələrin peşəkar biliklərinin artırılması, analitik düşüncə qabiliyyətlərinin inkişaf etdirilməsi və gələcəyin mütəxəssisləri kimi formalaşmalarına dəstək verməkdir.

20.04.2026-cı il tarixində Maliyyə və mühasibat uçotu kafedrasının nəzdində
fəaliyyət göstərən “Maliyyə və gələcəyin mühasibi”dərnəyinin növbəti yığıncağı
keçirildi. Dərnəkdə bakalavr və magistr səviyyəsindən rus və ingilis
bölmələrindən tələbələr “Rəqəmsallaşma”, “Sahibkarlıq fəaliyyətinin
reallaşdırılması”, “Daşınmaz əmlakın sığortası”, “Lizinq” və s. aktual mövzularla
çıxışlar etdilər. Çıxışlar diskussiya formasında keçirildi.

İctimai Şuranın üzvləri ADAU-nun müəllim və tələbə heyəti ilə görüşlər keçirib

13.04.2026-cı li tarixdə Maliyyə və mühasibat uçotu kafedrasının müdiri prof. M.C.Hüseynovla Dicle Universitetinin İqtisadi və idarə bilimlər fakültəsindən prof.dok. Pelin Qaratay və digər 2 nəfər ilə kafedramızda görüş keçirilmişdir. Görüş zamanı birgə Elmi-Tədqiqat layihələrinin hazırlanması, ortaq məqalələrin hazırlanması, qarşılıqlı konfranslarda iştirak, bakalavr, magistr və doktorantura səviyyəsində tələblərin mübadiləsi müzakirə olunmuşdur.

Maliyyə və Mühasibat uçotu kafedrasının nəzdində fəaliyyət göstərən “Maliyyə və gələcəyin mühasibi” dərnəyi çərçivəsində keçirilmiş görüşlər tələbələrin elmi və peşəkar inkişafına töhfə verməkdə davam edir. 24 dekabr 2025-ci il tarixində baş tutan növbəti görüşdə müxtəlif ixtisas və kurslardan olan bakalavr və magistr tələbələri aktual mövzular üzrə fikir və yanaşmalarını bölüşmüşlər.

Müxtəlif dillərdə (Azərbaycan, rus və ingilis bölmələri) aparılan çıxışlar interaktiv müzakirələrlə müşayiət olunmuş, tələbələrin mövzuya yanaşma tərzi və müzakirə bacarıqları diqqət çəkmişdir. Görüşün sonunda fəallığı ilə seçilən iştirakçılar kafedra tərəfindən təşəkkürnamələrlə təltif olunmuşdur.

Azərbaycan Kooperasiya Universitetinin 60 illik, onun tərkibində olan Bakı Biznes və Kooperasiya Kollecinin 85 illik yubileylərinə həsr edilmiş “Yeni reallıqlar şəraitində Azərbaycanın iqtisadi və sosial inkişafı: problemlər, çağırışlar, perspektivlər” mövzusunda beynəlxalq elmi-praktiki konfrans keçirilmişdir.

Konfrans Azərbaycan Respublikasının Elm və Təhsil Nazirliyinin, Azərbaycan Kooperasiya Universitetinin və Azərbaycan İqtisadçılar İttifaqının birgə təşkilatçılığı ilə baş tutmuşdur. Tədbir Azərbaycan Respublikasının dövlət himninin səsləndirilməsi, Ümummilli lider Heydər Əliyevin, eləcə də ölkəmizin müstəqilliyi, ərazi bütövlüyü və suverenliyi uğrunda şəhid olmuş qəhrəmanların əziz xatirəsinin yad edilməsi ilə açıq elan edilmişdir.
Beynəlxalq konfransda ölkəmizin nüfuzlu elm və təhsil xadimləri, dövlət rəsmiləri, ali təhsil müəssisələrinin rəhbərləri və xarici qonaqlar çıxış etmiş, iqtisadi və sosial inkişafın aktual problemləri, çağırışları və perspektivləri müzakirə olunmuşdur.

Konfransda Azərbaycan Dövlət Aqrar Universitetinin Maliyyə və Mühasibat uçotu kafedrası da təmsil olunmuşdur. Tədbirdə kafedramız adından kafedra müdiri, iqtisad elmləri doktoru, Professor Məhhərəm Hüseynov iştirak etmişdir. Professor Məhhərəm Hüseynov eyni zamanda konfransın təşkilat komitəsinin üzvü olmuşdur.

Konfrans çərçivəsində professor Məhhərəm Hüseynov “Kənd təsərrüfatı məhsullarının rəqabətqabiliyyətinin qiymətləndirilməsi” mövzusunda məruzə ilə çıxış edərək aqrar sektorun inkişafı, məhsulların bazar rəqabətində mövqeyinin gücləndirilməsi və bu sahədə elmi yanaşmalarla bağlı mühüm fikirlər səsləndirmişdir.
Qeyd edək ki, konfrans fasilədən sonra 4 bölmə üzrə öz işini davam etdirmiş, sonda yubileylər münasibətilə bir qrup əməkdaşa fəxri fərmanlar təqdim olunmuşdur.

Tələbəmiz Statistika olimpiadasında ölkə üzrə III yer tutub

Dövlət Statistika Komitəsində Ümumdünya Statistika Günü münasibətilə keçirilən Statistika olimpiadasına yekun vurulub. Üç mərhələdən ibarət olan bilik yarışının final mərhələsində Azərbaycan Dövlət Aqrar Universiteti (ADAU) iki tələbə ilə təmsil olunub.

Universitetin Aqrar İqtisadiyyat fakültəsinin “Marketinq” ixtisası üzrə III kurs tələbəsi Ülvi Hacıyev birinci mərhələdə mümkün 50 baldan 41 bal, ikinci mərhələdə 34 bal, final mərhələsində isə 34 bal toplayaraq ölkə üzrə üçüncü yerin qalibi olub. Eyni fakültənin “İqtisadiyyat” ixtisasının III kurs tələbəsi Hüseyn İsmayılov isə final mərhələsində mübarizə aparan 10 iştirakçı arasında 7-ci yeri tutub.

Bu il “Hər kəs üçün keyfiyyətli statistika ilə inkişafa təkan verək” şüarı altında təşkil edilən olimpiadada ölkə üzrə ümumilikdə 198 tələbə iştirak edib. Birinci mərhələdə ADAU-nun 17, ikinci mərhələdə isə 4 tələbəsi mübarizə aparıb.

Samux rayonunun Füzuli kəndində yerləşən “Bərəkət Tərəvəz və Toxumçuluq Kooperativi”ndə tələbələrin iştirakı ilə görüş keçirilib

2025-ci il 23 oktyabr tarixində Samux rayonunun Füzuli kəndində yerləşən Bərəkət Tərəvəz və Toxumçuluq Kooperativində Azərbaycan Dövlət Aqrar Universiteti və Türkiyənin EGE Universitetinin nümayəndələrinin iştirakı ilə görüş keçirilmişdir.

Tədbirdə Türkiyədən Prof. Dr. Hakan Adanacıoğlu, Prof. Dr. Bülent Yağmur , Azərbaycan Dövlət Aqrar Universitetinin Maliyyə və Mühasibat uçotu kafedrasının müdiri Prof. Dr. Məhərrəm Hüseynov və kafedranın baş müəllimi Nərmin Məsimli iştirak etmişlər. Görüşdə, həmçinin EGE Universiteti ilə Azərbaycan Dövlət Aqrar Universiteti arasında ikili diplom proqramı çərçivəsində təhsil alan 3-cü kurs İqtisadiyyat ixtisası tələbələri, eləcə də Aqrar İqtisadiyyat fakültəsinin Biznesin idarə edilməsi və İqtisadiyyat ixtisasları üzrə 3-cü kurs tələbələri iştirak ediblər.

Görüşün əsas məqsədi tələbələrin kooperativin fəaliyyəti ilə yaxından tanış olması, istehsal və maliyyə prosesləri, gəlir və xərc hesablanması, mənfəətin bölüşdürülməsi kimi praktik bilikləri yerindəcə öyrənmələrindən ibarət olub.

Kooperativin müdiri Olqa xanım, kənd bələdiyyəsinin nümayəndəsi və digər əməkdaşlar görüşdə iştirak edərək kooperativin fəaliyyəti, istehsal prosesləri və idarəetmə sistemi barədə ətraflı məlumat veriblər. Tələbələrə əkin sahələri, məhsulların saxlandığı anbarlar və kooperativin inzibati binası nümayiş etdirilib.

Tədbir çərçivəsində tələbələr və kooperativ rəhbərliyi arasında qarşılıqlı müzakirələr aparılıb, suallar cavablandırılıb. Həmçinin kooperativ müdiri ilə anket sorğu blankı doldurulub və təcrübə prosesinə dair rəy toplanıb.

Görüş sonda xatirə şəkillərinin çəkilməsi ilə yekunlaşıb.

Dini Qurumlarla İş üzrə Dövlət Komitəsinin təşkilatçılığı ilə Gəncədə "İnklüziv cəmiyyət quruculuğunda din xadimlərinin rolu" mövzusunda regional konfrans təşkil edilib.

Oktyabrın 21-də baş tutan tədbirdə Dini Komitənin və Gəncə Şəhər İcra Hakimiyyətinin rəhbərliyi, hüquq-mühafizə orqanlarının nümayəndələri, ilahiyyatçılar, din xadimləri, dini icma sədrləri, həmçinin ictimaiyyət nümayəndələri iştirak ediblər.

Konfransda din xadimlərinin inklüziv, tolerant və ədalətli cəmiyyətin qurulmasında oynadığı roldan, bu sahədə qarşıya qoyulan hədəf və məqsədlərdən bəhs olunub. Regional konfransın "Dini müxtəliflik və birgəyaşayış milli-mənəvi dəyərlərimiz kontekstində" və "Regionun dini-mənəvi mühiti: ənənə və müasirlik" panellərində Azərbaycandakı dini və etnik müxtəlifliyin tarixi kökləri milli-mənəvi dəyərlər prizmasından təhlil edilib.

Konfrasda ADAU-nun Maliyyə və mühasibat uçotu kafedrasının professor-heyəti də iştirak edib.