Aqrobiznes və menecment kafedrası-ADAU

Kafedramızın müdiri dos. Vahid Əmrahov, baş müəllim Fərrux Rəhimli, assistent Nərmin Mirzəzadə, Marketinq kafedrasının assistentləri Günay İbrahimova və Həcər Vəlizadənin birgə müəllifiliyi ilə hazırlanan "Kənd təsərrüfatı məhsullarına istehlakçı tələbinin ödənilməsi imkanları və onun proqnozlaşdırılması" adlı məqalə "Scopus" elmi bazasında indekslənən (Q4) "Scientific Horizons" adlı beynəlxalq elmi jurnalda çap edilmişdir. Bütün müəllifləri təbrik edir və işlərində uğurlar arzulayırıq.
Məqalə ilə aşağıdakı lingdən tanış olmaq mümkündür:
https://sciencehorizon.com.ua/en/journals/tom-26-7-2023/zadovolennya-spozhivchogo-popitu-na-silskogospodarsku-produktsiyu-mozhlivosti-ta-prognoz

Aqrobiznes və menecment kafedrasının profesor müəllim-heyətindən üç nəfər Türkiyənin aşağıdakı universitetlərində doktorantura təhsili almaq hüququ qazanmışlar:
1) Sabit Əliyev - Sakarya Universiteti
2) Emin Müseyibli - Bandırma Onyedi Eylül Universiteti
3) Fərrux Rəhimli - Bandırma Onyedi Eylül Universiteti.
Əməkdaşlarımızı təbrik edir və gələcək işlərində uğurlar arzu edirik.

Bu gün Aqrobiznes və menecment kafedrasının nəzdində fəaliyyət göstərən eyniadlı dərnəyin növbəti konfransı keçirildi. Tədbirdə fakültənin müxtəlif (Aqrobiznes, mühasibat, menecment (MBA)) ixtisaslarında təhsil alan bakalavriat və magistrantları iştirak etdi. Kafedranın professor-müəllim heyətinin rəhbərliyi ilə müxtəlif mövzular üzrə biri-birindən maraqlı və aktual məruzələr hazırlayan tələbələrin çıxışları maraqla qarşılandı. Tələbələrə müvafiq məsləhət və tövsiyələr verilərək bu cür elmi tədbirlərdə iştirakın əhəmiyyəti vurğulandı. Sonda iştirakçılara sertifikatlar təqdim edildi və xatirə şəkilləri çəkildi.

Tələbələr arasında “Kvest” təfəkkür oyunu təşkil edildi

Aqrobiznes və menecment kafedrasının təşkilatçılığı ilə 29.10.2022-ci il tarixdə tələbələr arasında artıq ənənəyə çevrilən intellektual macəra janrında “Kvest” təfəkkür oyunu təşkil edildi. Oyunun əsas məqsədi tələbələrə sahibkarlıq və biznes sahəsində əsas iqtisadi anlayışları oyun prosesində əyləncəli şəkildə öyrətmək, işgüzar ünsiyyət, komanda işi təcrübəsini aşılamaq, iştirakçıların liderlik və yaradıcılıq keyfiyyətlərinin inkişafına nail olmaq və tələbələri iqtisadi fənləri öyrənməyə həvəsləndirməkdir. Yarışda Biznesin idarə edilməsi və Marketinq ixtisasının 2-ci və 3-cü kurs (rus bölməsi) tələbələri iştirak etdi.
Aqrobiznes və menecment kafedrasının müdiri V.T. Əmrahov və kafedranın bir qrup gənc müəlliminin iştirakı ilə baş tutan tədbirdə oyun haqqında müsbət fikirlər səsləndirildi, gənclərə tövsiyələr verildi. Bu cür yarışmaların daha geniş miqyasda və ixtisaslar arasında təşkil edilməsinin zəruriliyi barədə fikirlər səsləndirildi. Sonda qalib komandaya hədiyyələr və diplomlar, digər iştirakçılara isə sertifikatlar təqdim edildi və xatirə şəkilləri çəkildi. Builki yarışma müxtəlif ölkələrdə geniş miqyasda qeyd edilən “Hellouin” bayramı ilə üst-üstə düşdüyü üçün oyunun tərtibatında bu bayrama məxsus elementlər yer almaqla şərtlərdə də bəzi dəyişikliklər edilmiş, tələbələrlə birgə hazırlanan müxtəlif personajlar yarışa xüsusi rəng qatmışdır.
OYUNUN MAHİYYƏTİ
Oyunun mahiyyəti 5 şərti mərhələnin (dayanacağın) ardıcıl keçilməsindən ibarətdir. Başlanğıcda komanda iştirakçıları oyunun qaydaları ilə tanış olurlar, onlara marşrut xəritələri paylanır. 60 dəqiqəlik geri sayıma start verilir. Bu müddət ümumi bütün dayanacaqlara verilir. Hər mərhələdə ciddi vaxt məhdudiyyətləri var - maksimum 10-12 dəqiqə. Hər mərhələ münsiflər heyəti (dayanacaqlara təyin edilən müəllimlər) tərəfindən qiymətləndirilir. Tapşırıqların yerinə yetirilmə sürəti və düzgün cavablanması qiymətləndirmə prosesində əsas amil kimi nəzərə alınır. Yarışmada dayanacaqların nömrələrini tapmaq üçün komandalar universitetin həyətində əvvəlcədən gizlədilmiş ipuclarını (tapmacaları) tapmalı, onları həll edərək növbəti dayanacaqların nömrəsini öyrənməli idi. Finiş xəttində komandaların çətinlikləri, uğurları və əldə etdikləri bacarıqlar müzakirə olunur, qaliblər və iştirakçılar mükafatlandırılır.

Bu gün ADAU və Ege Universiteti arasında həyata keçirilən beynəlxalq ikili diplom proqramı çərçivəsində Universitetimizə ezam olunan EGE Universitetinin professoru Canan Abay Aqrobiznes və Menecment Kafedrasında görüş keçirildi. Görüşdə Aqrar sahədə mövcud vəziyyət, hər iki ölkənin təcrübələri, əməkdaşlıq imkanları və qarşıda duran hədəflər müzakirə edildi.

Biznes-menecer dərnəyinin növbəti seminarı keçirilib

Biznes-menecer dərnəyinin növbəti seminarı keçirilib Aqrobiznes və idaretmə fakültəsinin Aqrobiznes və menecment kafedrasının nəzdində fəaliyyət göstərən Biznes-menecer dərnəyinin növbəti seminarı baş tutub. Tədbirdə kafedra müdiri dosent Vahid

Kvest oyunu

Aqrar sahədə fəaliyyət göstərən ən məşhur startaplar

Aqrar sahədə fəaliyyət göstərən ən məşhur startaplar | Techland.az - Texnologiya və startap xəbərləri STARTAP Aqrar sahədə fəaliyyət göstərən ən məşhur startaplar 2019-11-27 279 Facebook Twitter WhatsApp Linkedin Telegram VK Aqrar sahə insanları gündəlik tələbat malları ilə və sənayeni isə xammala təmin etmək baxımından daima öz əhəmiyyətini daima qorumuşdur. Son illər...