Göygöl Peşə Məktəbi

15/06/2026

🇦🇿 15 İyun – Milli Qurtuluş Günü münasibətilə Göygöl Peşə Məktəbinin kollektivi Həmkarlar İttifaqı Komitəsinin dəstəyi ilə Qarabağa yaddaqalan səfər edib.

Səfər çərçivəsində Qarabağın tarixi, mədəni və təhsil mərkəzləri ziyarət olunub. Kollektivimiz Xankəndi şəhərində yerləşən Qarabağ Universiteti ilə tanış olub, Şuşa şəhərini, Əsgəran qalasını, Xocalını və Ağdamı ziyarət edərək bu müqəddəs torpaqlarda aparılan genişmiqyaslı quruculuq və bərpa işlərini yaxından izləyib.

Milli Qurtuluş Gününün məhz Qarabağda qeyd olunması səfər iştirakçıları üçün xüsusi əhəmiyyət daşıyıb. Bu səfər hər birimizdə böyük qürur hissi yaradaraq dövlətimizin gücünü, xalqımızın birliyini və tarixi Zəfərimizin nəticələrini bir daha nümayiş etdirib.

Göygöl Peşə Məktəbinin kollektivi adından bu mənalı səfərin təşkilinə və göstərilən dəstəyə görə Həmkarlar İttifaqı Komitəsinə təşəkkürümüzü bildiririk.

Qarabağ Azərbaycandır! 🇦🇿

Ağdam Şuşa Xankəndi QarabağUniversiteti ƏsgəranQalası Xocalı

15/06/2026

Göygöl Peşə Məktəbinin tələbələrinə Azərbaycan Respublikası Gənclər və İdman Nazirliyinin təşkilatçılığı və Türkiyə Yeşilay Cəmiyyətinin tərəfdaşlığı ilə həyata keçirilən “Asılılıqlara qarşı mübarizə: tətbiqedici təlim proqramı” çərçivəsində Göygöl Gənclər evi tərəfindən “Həyata bağlan” adlı təlim keçirildi.

Növbəti görüş Göygöl Gənclər evinin təlimçi-psixoloqu Bəsti Rəbimova tərəfindən Göygöl Peşə məktəbində keçirildi.

✅Tədbir çərçivəsində iştirakçılarla mövzu ətrafında müzakirələr aparılıb, maarifləndirici məlumatlar təqdim olunub, çalışmalar edilib. Sonda gənclərin fikirləri dinlənilib və onları maraqlandıran suallar cavablandırılıb.

# !

15/06/2026

Göygöl Peşə Məktəbində “İnsan büquqları aylığı” çərçivəsində Göygöl Gənclər evi və Gəncə-Daşkəsən Regional Gənclər və İdman idarəsinin Göygöl rayon sektorunun birgə təşkilatçılığı ilə “Hüquqlarım dəyərimdir” adlı tədbir keçirildi.
Tədbirin məqsədi insan hüquq və azadlıqlarının təbliği, gənclərin öz hüquqları barədə məlumatlılığının artırılmasıdır. Tədbiri giriş sözü ilə rayon sektorunun əməkdaşı Dünyavi Məmmədova açaraq güclü və balanslı bir cəmiyyətin qurulması üçün gənclərin öz hüquqları ilə yanaşı həm də vəzifələrini bilməyin, vətəndaş kimi öz məsuliyyətlərini anlamağın və qəbul etməyin də vacibliyini bildirdi. Daha sonra Göygöl Gənclər evinin metodisti Nərmin Abbasova mövzu ətrafında geniş təqdimat etdi. Onun təlimi çərçivəsində gənclər insan hüquq və azadlıqları haqqında, insan hüquqlarının tarixdə necə formalaşması, hüquqların sağlam formada qorunması, cəmiyyətdə vətəndaşların vəzifə və məsuliyyəti haqqında biliklər əldə etdilər. Sonda tələbələr sosial sorğuda iştirak edərək, mövzu ilə bağlı öz məlumatlılıqlarını yoxlamış oldular.

birkimibirlikdə

15/06/2026

🇦🇿 15 İyun – Milli Qurtuluş Günü

15 İyun Azərbaycan tarixində dövlətçiliyimizin qorunub saxlanıldığı, sabitlik və inkişaf yolunun əsasının qoyulduğu mühüm bir gündür.

Ümummilli lider Heydər Əliyevin xalqın tələbi ilə hakimiyyətə qayıdışı müstəqil Azərbaycanın gələcək inkişafının təməlini formalaşdırıb.

Milli Qurtuluş Günümüz mübarək! 🇦🇿

10/06/2026

Göygöl Peşə Məktəbinin tələbələrinə Azərbaycan Respublikası Gənclər və İdman Nazirliyinin təşkilatçılığı və Türkiyə Yeşilay Cəmiyyətinin tərəfdaşlığı ilə həyata keçirilən “Asılılıqlara qarşı mübarizə: tətbiqedici təlim proqramı” çərçivəsində Göygöl Gənclər Evi tərəfindən “Alkoqol asılılığı” adlı təlim keçirildi.
Layihənin ilk görüşü Göygöl Peşə məktəbində, Göygöl Gənclər Evinin təlimçi-psixoloqu Bəsti Rəhimova tərəfindən keçirildi.
Layihənin məqsədi gənclər arasında alkoqollu içki istifadəsinin zərərli təsirləri barədə məlumatlılığı artırmaq, sağlam həyat tərzini təşviq etmək və alkoqol asılılığının qarşısının alınmasına dəstək verməkdir.
Tədbir çərçivəsində iştirakçılarla mövzu ətrafında müzakirələr aparılıb, maarifləndirici məlumatlar təqdim olunub. Sonda gənclərin fikirləri dinlənilib və onları maraqlandıran suallar cavablandırılıb.

05/06/2026

📢 Peşə Təhsili üzrə Dövlət Agentliyinin direktoru İlqar Bayramlı Göygöl Peşə Məktəbini ziyarət edib.

Ziyarət zamanı məktəbdə yaradılmış tədris mühiti və təhsil prosesi ilə yaxından tanış olunub, tələbələr üçün formalaşdırılan imkanlar nəzərdən keçirilib. Kollektivlə söhbət aparılıb.

05/06/2026

02/06/2026

18 May -18 İyun" İnsan Hüquqları aylığı" ilə əlaqədar Göygöl Peşə Məktəbində "Mənim Hüququm-Mənim psixoloji rahatlığım"mövzusunda psixoloji maarifləndirmə tədbiri keçirilmişdir. Psixoloq Sevinc Hacıyeva çıxış edərək qeyd etdi ki,hüquq bizi qanunlarla qoruyur, psixologiya isə bu qanunları daxilən qəbul etməyimizə və tətbiq etməyimizə kömək edir.
O, çıxışında insan hüquqları və onun növləri,insan hüquqlarının qorunmasının yalnız dövlət qurumlarının deyil,hər bir vətəndaşın məsuliyyəti olması,hüquq pozuntularına qarşı hər bir vətəndaşın laqeyd qalmaması istiqamətində tədbir iştirakçıları ilə geniş maarifləndirmə işi apardı. "İnsan hüquqları aylığı" nda aparılan psixoloji iş və nümayiş etdirilən videoçarxlar gənclərdə "Mən dəyərliyəm və ətrafımdakı hər kəs dəyərlidir" düşüncəsini formalaşdırdı.

28/05/2026

Göygöldə “Şəhərsalma və Memarlıq İli” çərçivəsində 28 May Müstəqillik Günü münasibətilə “Dövlətçilik salnaməmizin parlaq səhifəsi” mövzusunda dəyirmi masa keçirilib.
Tədbirdə YAP Göygöl rayon təşkilatının sədri Vüqar İsayev, Göygöl Rayon İcra Hakimiyyəti başçısının müavini Kəmalə İbrahimova, Gəncə-Daşkəsən Regional Gənclər və İdman idarəsinin Göygöl rayon sektorunun müdiri Zaur Abbasov, Gəncə-Daşkəsən Regional Mədəniyyət İdarəsinin Göygöl rayonu üzrə nümayəndəsi Vüsal Rzayev, TİAHİ Göygöl Rayon Komitəsinin sədri Elnur Hacıyev, Peşə məktəbinin direktoru Kəmalə Nəhmədova, Gənclər Evinin direktoru Şəhriyar İsmayılzadə, gənc təhsil işçiləri, YAP fəalları iştirak etmişdir.
Tədbir Azərbaycan Respublikasının qurucusu Ulu Öndər Heydər Əliyevin, Azərbaycan Xalq Cümhuriyyətinin yaradıcılarının və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilməsi ilə başlanıb. Natiqlər çıxış və nitqlərdə müstəqilliyimizin əldə olunmasında əməyi olan şəxslər hörmətlə xatırlamış, bu günkü Qüdrətli Azərbaycan Dövlətinin mövcudluğunda Ulu Öndərin rolunu xüsusi olaraq vurğulamış, xalqımızın “Tənəzzüldən-inkişafa, tərəqqidən-zəfərə” çatmasına görə əbədiyaşar Ulu Öndər Heydər Əliyevə və Respublika Prezidenti, Yeni Azərbaycan Partiyasının sədri cənab İlham Əliyevə yüksək minnətdarlıq ifadə etmişlər.
Tədbirin sonunda müstəqillik tariximizə həsr olunmuş videoçarx nümayiş olunmuşdur.

28/05/2026

Müstəqillik Gününüz mübarək!