Göygöl rayon R.Məmmədov adına Qızılca stansiya kənd tam orta məktəb

09/08/2026

📚 Məktəb qaydalarına riayət etmək hər bir şagirdin məsuliyyətidir!
Yeni tədris ilində nizam-intizam, məsuliyyət və uğur hər zaman sizinlə olsun!
2026–2027-ci tədris ilində bütün şagirdlərimizə uğurlar, yüksək nəticələr və bol nailiyyətlər arzulayırıq!

09/08/2026

Gəncə-Daşkəsən Regional Təhsil İdarəsinin tabeliyində fəaliyyət göstərən tam orta ümumtəhsil müəssisələrində X-XI siniflər üçün nəzərdə tutulan yeni təmayül tədris modelinə şagird qeydiyyat prosesi davam edir.

Yeni təmayül tədris modeli tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir.

Modelin əsas məqsədi şagirdlərin əlavə hazırlıq kurslarına ehtiyac duymadan məktəbdə təşkil olunan gücləndirilmiş tədris prosesi vasitəsilə ali təhsil müəssisələrinə qəbul üçün zəruri bilik və bacarıqlara yiyələnməsini təmin etməkdir.

Yeni model çərçivəsində tədris prosesi təmayül istiqamətləri üzrə daha məqsədyönlü şəkildə təşkil olunacaq, şagirdlərin seçdikləri ixtisas istiqamətlərinə uyğun fənlər üzrə bilik və bacarıqlarının inkişafına xüsusi diqqət yetiriləcək. Bu yanaşma onların gələcək təhsil hədəflərinə daha sistemli və effektiv şəkildə hazırlaşmasına şərait yaradacaq.

Gəncə-Daşkəsən Regional Təhsil İdarəsinin tabeliyində fəaliyyət göstərən aşağıdakı ümumi təhsil müəssisələrində X və XI siniflər üzrə şagird qəbulu elan edilir.

Gəncə şəhər M.Ə.Sabir adına 5 nömrəli tam orta ümumtəhsil məktəbi
Gəncə şəhər N.Aydın 18 nömrəli tam orta ümumtəhsil məktəbi
Gəncə şəhər M.Füzuli adına 22 nömrəli tam orta ümumtəhsil məktəbi
Gəncə şəhər 9 nömrəli tam orta ümumtəhsil məktəbi
Goranboy şəhər 4 nömrəli tam orta ümumtəhsil məktəbi

Qeydiyyat üçün link
https://forms.gle/4BQ5D2tX5N4tBZMU6

Bu məktəblər tam orta təhsil səviyyəsində təhsilini davam etdirmək istəyən şagirdlərə müasir tələblərə cavab verən, akademik nailiyyətlərin yüksəldilməsinə və ali təhsil müəssisələrinə hazırlığın gücləndirilməsinə yönəlmiş geniş imkanlar təqdim edir.

Yeni təmayül tədris modelinin əsas üstünlükləri:
✅ Akademik nəticələrin yüksəldilməsinə yönəlmiş tədris mühiti;
✅ Abituriyent hazırlığının sistemli və ödənişsiz təşkili;
✅ Səriştəli müəllim kollektivi;
✅ Aylıq sınaq imtahanlarının təşkili;
✅ Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər.
Qəbul ümumi orta təhsil səviyyəsi üzrə buraxılış imtahanlarının nəticələri əsasında həyata keçirilir.
🛜 Təmayül tədris modeli şagirdlərin yalnız imtahan nəticələrini deyil, onların akademik, sosial və şəxsi inkişafını da dəstəkləyir.

09/08/2026

📢 Faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsinə başlanılır

🗓️ Müəllimlərin işə qəbulu üzrə müsabiqənin faktiki yaşayış rayonuna uyğun olaraq həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsi 8 avqust saat 11:00-dan etibarən başlayır. Namizədlər şəxsi səhifələrinə daxil olaraq vakansiya seçimini həyata keçirə bilərlər.

📌 Vakansiya seçimi mərhələsi 10 avqust saat 11:00-dək davam edəcək.

ℹ️ Namizədlərə vakansiya seçimi zamanı diqqətli olmaları, seçimlərini tamamladıqdan sonra elektron ərizələrini mütləq təsdiqləmələri tövsiyə olunur.

❗️Qeyd edək ki, vakant yer tutduqdan sonra ondan imtina edən namizədlərin növbəti vakansiya seçimi mərhələlərində iştirakı təmin olunmayacaq.

🤝 Vakansiya seçimi mərhələsində iştirak edəcək bütün namizədlərə uğurlar arzulayırıq.

09/08/2026

📢 Direktorların işə qəbulu üzrə müsabiqənin müsahibə mərhələsinə başlanılır

🗓️ 06 avqust 2026-cı il tarixindən etibarən 29 iyun–8 iyul 2026-cı il tarixlərində ərizə qəbulu həyata keçirilmiş direktorların işə qəbulu üzrə müsabiqənin şagird sayı 500-dən çox olan ümumi təhsil müəssisələri üzrə müsahibə mərhələsinə başlanılır.

📍 Müsahibələr mərkəzləşdirilmiş qaydada Məktəbəqədər və Ümumi Təhsil üzrə Dövlət Agentliyində keçiriləcək. Namizədlərin müsahibəyə dəvəti müsabiqə qaydalarına uyğun olaraq, uyğun namizəd müəyyən edilənədək ardıcıllıq prinsipi əsasında həyata keçiriləcək.

📌 Müsahibə zamanı namizədlər komissiya üzvləri tərəfindən aşağıdakı 7 meyar üzrə qiymətləndiriləcəklər:
• Liderlik və strateji idarəetmə
• Pedaqoji və tədris
• İdarəçilik və təşkilatçılıq
• Ünsiyyət və əlaqə
• Problemlərin həlli və qərarvermə
• Rəqəmsal və texnoloji bacarıqlar
• Sosial və emosional bacarıqlar

ℹ️ Müsahibə mərhələsinə dəvətlə bağlı məlumatlar mərhələli şəkildə namizədlərin şəxsi səhifələrinə göndərilir. Namizədlərə şəxsi səhifələrini mütəmadi olaraq izləmələri tövsiyə olunur.

🤝 Müsahibə mərhələsində iştirak edəcək bütün namizədlərə uğurlar arzulayırıq.

09/08/2026

📌 2026–2027-ci tədris ili üçün məktəbəhazırlıq qruplarına qəbul prosesi ilə bağlı tez-tez verilən sualların cavabları

🔗 Ətraflı:https://edu.gov.az/uploads/mutda/2026/mektebehazirliq-qruplari-sual-cavab.pdf

09/08/2026

📢İcma əsaslı məktəbəqədər təhsil layihəsi çərçivəsində tərbiyəçi-müəllim vəzifəsi üzrə müsabiqənin test imtahanı mərhələsi 5 avqust 2026-cı il tarixində keçiriləcək.

🗓️Test imtahanında iştirak edəcək namizədlər şəxsiyyəti təsdiq edən sənədi mütləq şəkildə özləri ilə gətirməlidirlər. 🪪Namizədlər qeydiyyatda olduqları rayon üzrə aşağıdakı imtahan mərkəzlərinə yaxınlaşmalıdırlar: 📍

🏛️ Gəncə şəhəri, Göygöl və Daşkəsən rayonları – Gəncə şəhəri M. Mehdizadə adına 4 nömrəli xarici dillər təmayüllü məktəb-liseyə;

🏛️ Goranboy rayonu – Goranboy şəhər 1 nömrəli tam orta ümumtəhsil məktəbinə;

🏛️ Samux rayonu – Samux rayon Çobanabdallı kənd tam orta ümumtəhsil məktəbinə yaxınlaşmalıdırlar.

İmtahanda iştirak etməli olan namizədlərin saat 09:00-da müvafiq imtahan mərkəzlərində olmaları tələb olunur.

🕘Namizədlərin imtahana gələrkən şəxsiyyəti təsdiq edən sənədi təqdim etmələri mütləqdir.

🪪📝 Qeyd: Test imtahanının tarixi, vaxtı və keçiriləcəyi məkan barədə məlumatlar namizədlərin şəxsi kabinetlərində də yerləşdirilib.

09/08/2026

17/07/2026

Gəncə-Daşkəsən Regional Təhsil İdarəsi Daşkəsən rayonu üzrə Psixoloji-Tibbi-Pedaqoji Komissiyanın (PTPK) katibi vəzifəsinə işə qəbul elan edir.

Namizədə tələblər:

Pedaqoji ixtisaslar üzrə bakalavr təhsili;
Hal-hazırda müəllim kimi fəaliyyət göstərən;
Kompüter və ofis proqramları (Microsoft Word, Microsoft Excel və s.) ilə sərbəst işləmək bacarığı;
Elektron sənədləşmə və məlumat bazaları ilə işləmək bacarığı;
Təşkilatçılıq, məsuliyyətlilik və komandada işləmək bacarığı.

İş şəraiti:

Həftəlik dərs yükü – maksimum 18 saat (pedaqoji fəaliyyətlə paralel icra edilməsi mümkündür);
Peşəkar kollektivdə fəaliyyət göstərmək və müasir iş mühitində çalışma imkanı.
İş günləri: həftənin çərşənbə axşamı və cümə günləri saat 10:00-16:00.
Əmək haqqı: Əsas iş yerindən olan əmək haqqının 50%-i.

Müraciət etmək istəyən namizədlər ali təhsil haqqında sənədin surəti, şəxsiyyəti təsdiq edən sənədin surəti və tərcümeyi halını Gəncə-Daşkəsən Regional Təhsil İdarəsinə təqdim etməlidirlər.

Sənəd qəbulu ilə bağlı son tarix 24 iyuldur.

17/07/2026

📢 İşə qəbul üzrə vakansiyalara müraciət müddəti uzadıldı!

İcma Əsaslı Məktəbəqədər Təhsil layihəsi üzrə tərbiyəçi-müəllim vakansiyalarına müraciət etmək istəyən namizədlər üçün müraciət müddəti 20.07.2026-cı il, saat 10:00-dək uzadılıb.

Müraciət etmək üçün:
https://vakansiya.ilk5il.az
Təlimat videosu:
https://youtu.be/aq5DUIYCXXs
⏳ Son fürsəti qaçırmayın! Gələcəyin təhsilinə birlikdə töhfə verək.