Göygöl rayon R.Rzayev adına Qızılca kənd tam orta məktəb

📢 Təhsilverənlərin sertifikatlaşdırılması prosesində iştirak edəcək müəllimlərin nəzərinə

ℹ️ Təhsilverənlərin sertifikatlaşdırılması prosesinin test imtahanı mərhələsində iştirak edəcək müəllimlər imtahana gələrkən yalnız şəxsiyyəti təsdiq edən sənədi özləri ilə gətirməlidirlər.

📍 İmtahan binasına çanta və digər şəxsi əşyaların gətirilməməsi tövsiyə olunur.

Sertifikatlaşdırma prosesində iştirak edəcək bütün müəllimlərə uğurlar arzulayırıq!

Milli iradənin zəfərini təcəssüm etdirən Milli Qurtuluş Günü münasibətilə Azərbaycan xalqını təbrik edirik.

🎓🌹 Məktəbimizdə məzunlarımızın həyatında unudulmaz iz qoyan “Son Zəng” tədbiri keçirildi.
Tədbirdə məktəb rəhbərliyi, müəllimlər, valideynlər və şagirdlər iştirak edərək məzunları təbrik etdilər. Şagirdlər şeirlər söylədilər, mahnılar səsləndirdilər və məktəb illərini əks etdirən maraqlı çıxışlarla hər kəsə duyğulu anlar yaşatdılar.
“Son Zəng” səsi məzunlar üçün məktəb həyatının başa çatmasını, yeni uğurlara aparan yolun başlanmasını ifadə etdi. Məzunlarımıza gələcək həyatlarında uğurlar, yüksək nailiyyətlər və xoşbəxt bir ömür arzulayırıq! 🌟📚💐

📚 3–9 iyun tarixlərində məktəb rəhbərliyi tərəfindən əvvəlcədən təsdiq olunmuş cədvələ əsasən Böyük Summativ Qiymətləndirmə keçirildi. Qiymətləndirmə prosesi təşkil olunmuş qaydada, şəffaf və obyektiv şəkildə həyata keçirildi. Şagirdlərin tədris ili ərzində əldə etdikləri bilik və bacarıqlar qiymətləndirildi, nəticələrin təhlili üçün müvafiq işlər aparıldı. ✅📝

📚👨‍👩‍👧‍👦 Məktəbimizdə valideyn seminarı keçirildi. Seminar zamanı şagirdlərin təlim-tərbiyəsi, məktəb-valideyn əməkdaşlığının gücləndirilməsi, uşaqların təhsil nailiyyətlərinin artırılması və onların inkişafına dəstək məsələləri müzakirə olundu. Valideynlərin sualları cavablandırıldı, qarşılıqlı fikir mübadiləsi aparıldı və faydalı tövsiyələr verildi. Seminar iştirakçılar tərəfindən maraqla qarşılandı. 🌟📖🤝

Gəncə-Daşkəsən regionunda 2026–2027-ci tədris ili üzrə təmayül tədris modelinin tətbiq ediləcəyi ümumi təhsil müəssisələrinə şagird qəbulu elan olunur.

Layihəyə hazırda ümumtəhsil məktəblərinin IX və X siniflərində təhsil alan şagirdlər müraciət edə bilərlər.

ℹ️ Təmayül tədris modeli tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir. Layihə çərçivəsində ali təhsil müəssisələrinə hazırlıq prosesi birbaşa məktəb mühitində həyata keçirilir. Qəbul proqramına uyğun planlaşdırılmış tədris prosesi, intensiv dərslər və məqsədyönlü akademik dəstək şagirdlərin zəruri bilik və bacarıqları məktəb daxilində əldə etməsinə imkan yaradır.

Gəncə-Daşkəsən Regional Təhsil İdarəsinin tabeliyində fəaliyyət göstərən aşağıdakı ümumi təhsil müəssisələrində X və XI siniflər üzrə şagird qəbulu elan edilir.

Gəncə şəhər M.Ə.Sabir adına 5 nömrəli tam orta ümumtəhsil məktəbi
Gəncə şəhər N.Aydın 18 nömrəli tam orta ümumtəhsil məktəbi
Gəncə şəhər M.Füzuli adına 22 nömrəli tam orta ümumtəhsil məktəbi
Gəncə şəhər 9 nömrəli tam orta ümumtəhsil məktəbi
Goranboy şəhər 4 nömrəli tam orta ümumtəhsil məktəbi

Qeydiyyat üçün link

https://forms.gle/4BQ5D2tX5N4tBZMU6

Bu məktəblər tam orta təhsil səviyyəsində təhsilini davam etdirmək istəyən şagirdlərə müasir tələblərə cavab verən, akademik nailiyyətlərin yüksəldilməsinə və ali təhsil müəssisələrinə hazırlığın gücləndirilməsinə yönəlmiş geniş imkanlar təqdim edir.

Yeni təmayül tədris modelinin əsas üstünlükləri:
✅ Akademik nəticələrin yüksəldilməsinə yönəlmiş tədris mühiti;
✅ Abituriyent hazırlığının sistemli və ödənişsiz təşkili;
✅ Səriştəli müəllim kollektivi;
✅ Aylıq sınaq imtahanlarının təşkili;
✅ Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər.

Qəbul ümumi orta təhsil səviyyəsi üzrə buraxılış imtahanlarının nəticələri əsasında həyata keçirilir.

🛜 Təmayül tədris modeli şagirdlərin yalnız imtahan nəticələrini deyil, onların akademik, sosial və şəxsi inkişafını da dəstəkləyir.

📜⚖️ İnsan hüquqları hər bir insanın doğulduğu andan sahib olduğu ən dəyərli haqqıdır. Dilindən, dinindən, irqindən, cinsindən və ya sosial vəziyyətindən asılı olmayaraq hər kəs bərabər hüquqlara malikdir. İnsan hüquqlarına hörmət olunan cəmiyyətlər daha ədalətli, daha güclü və daha xoşbəxt olur. 🌍🤝
İnsan hüquqlarını qorumaq hər birimizin borcu, onlara hörmət etmək isə insanlığın ən ali göstəricisidir. ✨🕊️

Vətəndaş müraciətləri ilə bağlı statistikanı təqdim edirik.

Məlumatlar cari ilin may ayını əhatə edir.