Göyçay rayon Şıxbəy kənd T.İsmayılov adına ümumi orta məktəb

Azərbaycan regionun iqtisadi gücü kimi təkcə Avropaya uzanan enerji körpüsü rolunu oynamır. Eyni zamanda müxtəlif münaqişələrin və qlobal problemlərin müzakirə edildiyi, həlli yollarının araşdırıldığı, mədəni müxtəlifliyin qorunmasına töhfə verən mühüm ölkə kimi çıxış edir. Bu baxımdan bəşəriyyət üçün əhəmiyyətli məsələlərin müzakirə olunduğu qlobal forumların Bakıda keçirilməsi heç də təsadüfi deyil. Azərbaycan müxtəlif ölkələrin nümayəndələrini bir araya gətirərək qarşılıqlı anlaşma, sülh və əməkdaşlıq mühitinin formalaşmasına xidmət edən nadir məkan kimi yenidən dünyanın diqqət mərkəzinə düşdü. Bakı artıq 13-cü dəfədir ki, XIII Qlobal Foruma ev sahibliyi edir.
Martın 14-dək davam edəcək XIII Qlobal Bakı Forumunda müxtəlif mövzularda panellər təşkil olunur. Panel iclaslarda müzakirə edilən mövzularda Azərbaycanın iqtisadi və xarici siyasət uğurlarının fonunda onların həlli yolları açıqlanır. Builki forumun gündəliyi çox genişdir. Prezident İlham Əliyev Forumun açılış mərasimindəki nitqində ilk növbədə bu çağırışı səsləndirdi ki, təhlükəsizlik, sabitlik və müdafiə məsələləri hər bir ölkənin gündəliyində bir nömrəli prioritet olmalıdır. Çünki bunlar olmadan qalan bütün məsələlər tamamilə mənasızdır. Öz inkişafı uğrunda illər, onilliklər ərzində səy göstərmiş ölkələr indi ciddi risklərlə üzləşirlər. Təhlükəsizlik və sabitlik əsas amillər olmalıdır və səylərimizi məhz bu istiqamətdə birləşdirməliyik.
Dövlət başçısı qeyd etdi ki, sülh və sabitliyin təmin olunması güclü siyasi iradə, qarşılıqlı hörmət və dialoq nəticəsində mümkün olur. Regional təhlükəsizlik Azərbaycan üçün hər zaman bir nömrəli məsələ olub. Dövlət başçısı forumda çıxışında Azərbaycanın sülh təcrübəsindən xüsusi olaraq bəhs etdi. 30 illik işğal, 44 günlük vətən müharibəsi və bir günlük lokal antiterror tədbirlərinin həyata keçirildiyi, həmçinin tarixi Zəfərimizin və Suverenliyimizin bərpasının yaratdığı reallıqlar dövrü geniş təhlil edildi. Prezidentin nitqində Azərbaycanın keçdiyi yolun – münaqişədən sülhə doğru irəliləyiş modelinin mümkün olduğu vurğulandı və bu təcrübənin beynəlxalq ictimaiyyət üçün nümumə ola biləcəyi qeyd olundu.
Dövlət başçısının çıxışında enerji təhlükəsizliyi məsələsi də mühüm mövzulardan biri kimi təqdim olundu. Prezident qeyd etdi ki, müasir dövrdə enerji resursları yalnız iqisadi faktor deyil, həm də dövlətlərin milli təhlükəsizlik sisteminin ayrılmaz hissəsinə çevrilib. Azərbaycanın neft və qaz ixracı sahəsində oynadığı rol, eləcə də artan enerji əməkdaşlığı ölkənin beynəlxalq enerji bazarında etibarlı tərəfdaş kimi mövqeyini daha da gücləndirdiyini Prezidentin nitqində vurğulandı. Eləcə də nəqliyyat və logistika əlaqələrinin genişləndirilməsinin əhəmiyyətindən danışan dövlət başçısı qeyd etdi ki, Azərbaycan Şərq – Qərb və Şimal – Cənub nəqliyyat dəhlizlərində mühüm rol oynayır və bu istiqamətdə böyük infrastruktur layihələri həyata keçirib. Bu layihələr region ölkələri arasında iqtisadi əlaqələrin güclənməsinə və tranzit imkanlarının artırılmasına xidmət edir.
Pezident İlham Əliyev çıxışında Cənubi Qazfqazda sülh prosesinə də toxundu, bildirdi ki, Azərbaycan Ermənistanla yekun sülh sazişinin imzalanmasında maraqlıdır və belə bir razılaşma regionda yeni iqtisadi və nəqliyat layihələrinin həyata keçirilməsinə imkan verə bilər. Bakının mövqeyi ondan ibarətdir ki sülh əldə olunarsa, regionda yeni nəqliyyat marşurutları formalaşa və Ermənistan da ilk dəfə tranzit ölkə statusu qazana bilər. Bu, Cənubi Qafqazda postmünaqişə dövrünün əsas strateji istiqamətlərindəndir.
Dövlət başçısı çıxışı əsnasında Nizami Gəncəvi Beynəlxalq Mərkəzinin İdarə Heyətini və bütün kollektivini ölkəmizin bu il ev sahibliyi edəcəyi Ümumdünya Şəhərsalma Forumunda fəal iştiraka dəvət edərək bu əminliyi ifadə etdi ki, bir neçə aydan sonra Bakıda sizlərlə görüşüb dünyada sülh, sabitlik və təhlükəsizliyin təmin edilməsi kimi ortaq məqsədimizə dair müzakirələrimizi davam etdirəcəyik.
Beləliklə sülhə, əmin – amanlığa və qarşılıqlı əməkdaşlığa töhfələr verən Azərbaycan XIII Qlobal Bakı Forumu vasitəsi ilə müasir dünyanın çağırışları qarşısında öz prinsipial mövqeyini bir daha təsdiqlədi. Strateji dialoq mərkəzi kimi çıxış edən ölkəmiz dünyanın diqqətini mühüm qlobal problemlərə yönəltdi və keçid dövrü ilə bağlı fikir ayrılıqlarının aradan qaldırılması üçün konstruktiv əməkdaşlığa, beynəlxalq səylərin birləşdirilməsinə ciddi ehtiyac olduğunu sərgilədi.

Tədbirlər planına uyğun olaraq mart-aprel aylarında Şahmat idman növündə məktəbdaxili yarış keçirildi.

Azərbaycan Avropa İttifaqı ilə bərabərhüquqlu tərəfdaşlığa əsaslanan münasibətləri davamlı olaraq inkişaf etdirməkdədir. Tərəflər arasında əməkdaşlıq çərçivəsində ikitərəfli və çoxtərəfli formatda çoxsaylı layihələr və təşəbbüslər, son illərdə münasibətlərin daha da inkişaf etdirilməsi üçün möhkəm hüquqi çərçivə yaradan mühüm sazişlər və anlaşma sənədləri imzalanıb. Avropa İttifaqı ilə qarşılıqlı hörmət və maraq prinsipləri əsasında qurulan münasibətlər martın 11-də Avropa İttifaqı Şurasının Prezidenti Antonio Koştanın ölkəmizə səfərində özünün bir daha aydın ifadəsini tapdı.
Prezident İlham Əliyevin Avropa İttifaqı Şurasının Prezidenti Antonio Koşta ilə təkbətək və geniş tərkibdə görüşlərində Azərbaycan ilə Aİ arasında əlaqələrin müxtəlif sahələrdə inkişafından məmnunluq ifadə edildi. Təhlükəsizlik, enerji, nəqliyyat və digər sahələrdə dialoqun uğurla aparıldığı, etibarlı tərəfdaş kimi Azərbaycanın Avropanın enerji təhlükəsizliyinə töhfəsi xüsusi qeyd olundu. Həmçinin nəqliyyat, logistika və bağlantılar üzrə müzakirələr aparıldı, bu məsələlərdə Azərbaycanın regionda mühüm rol oynadığı, Orta Dəhlizin tərkib hissəsi kimi TRIPP layihəsinin önəmi vurğulandı. Bu layihənin davamı olaraq Naxçıvan dəmir yolu xəttinin bərpasında və yenidən qurulmasında Aİ-nın iştirakına diqqət yönəldildi. Görüşlər çərçivəsində Azərbaycan və Aİ arasında rəqəmsal transformasiya, süni intellekt, data mərkəzlərinin yaradılması sahələrində əməkdaşlığın perspektivlərinə dair fikir mübadiləsi aparıldı.
Azərbaycan Prezidenti ilə Avropa İttifaqı Şurasının Prezidentinin mətbuata bəyanatında da Azərbaycan-Aİ tərəfdaşlığının strateji əhəmiyyəti bir daha vurğulandı, təhlükəsizlik, enerji, nəqliyyat sahələri də daxil olmaqla, son dövrdə keçirilmiş yüksək səviyyəli görüşlərin dinamikasına əsaslanaraq siyasi dialoqun və praktiki əməkdaşlığın daha da dərinləşdirilməsinə sadiqlik ifadə olundu. Prezident İlham Əliyev səfərin hazırki dövrdə çox uğurla inkişaf edən ikitərəfli əlaqələrimizin daha da yüksəldilməsində mühüm rol oynayacağına əminliyini ifadə etdi. İqtisadi göstəricilərə diqqət yönəldən prezident İlham Əliyev əlavə etdi ki, bu ilin yanvarında ticarət dövriyyəmizin 50 faizi Aİ ilə bağlı olub. Aİ bizim üçün bir nömrəli ticari tərəfdaşdır. Hazırda Azərbaycan Avropada fəal şəkildə sərmayə yatırır. 2022-ci ilin iyulunda imzalanan Azərbaycan ilə Aİ arasında imzalanan enerji sahəsində Strateji Tərəfdaşlığa dair Anlaşma Memorandumuna diqqət yönəldərək bildirdi ki, həmin vaxtdan etibarən ölkəmiz həm həcm, həm də ölkələrin sayı baxımından Avropa ölkələrinə qaz ixracını artırıb. Bu gün Aİ-nın 10 üzvü Azərbaycandan qazı qəbul edir və ölkələrin ümumi sayı 16-ya çatıb. Bu göstəriciyə görə Azərbaycan dünyada boru kəməri ilə qazı təchiz edən bir nömrəli ölkədir. Prezident İlham Əliyev mətbuata bəyanatında həmçinin hazırki dövrün əsas çağırışlarından biri yaşıl enerjiyə keçidlə bağlı məqamlara da toxundu. Prezidentin nitqində vurğulandı ki, Azərbaycanın malik olduğu bərpaolunan enerji potensialı dünya dövlətləri ilə əlaqələrin inkişafında mühüm rol oynayır. Azərbaycan ilə Aİ arasında enerji sahəsi ilə əməkdaşlığın digər sahəsi bərpaolunan enerji ilə bağlıdır. Ölkəmiz külək, günəş və su elektrik enerjisinə böyük sərmayələr yatırır. Planımız 5 və ya 6 il ərzində ixraca hazır olan 6-8 qiqavatlıq bərpaolunan enerjiyə malik olmaqdır. Hazırda Avropa tərəfdaşları ilə ötürülmə xətləri, dəniz dibi kabelləri, enerji infrastrukturunun digər fərqli hissələri üzərində çalışırıq – deyə prezident həmçinin əlavə etdi.
Dövlət başçısının bir çox görüşlərdə səsləndirdiyi kimi Avropa İttifaqı Şurasının Prezidenti Antonio Koşta ilə birgə mətbuata bəyanatında da ötən ilin avqustunda ABŞ-a işgüzar səfəri zamanı əldə olunan tarixi sülh razılaşmasına, onun uğurlu nəticələrinə yönəltdiyi fikirlər diqqət çəkən məqamlardan idi. Artıq 7 aydır ki, sülh şəraitində yaşadığımızı bildirən prezident İlham Əliyev bu əminliyi ifadə etdi ki, Ermənistanla sülh daimi olacaq. Dövlət başçısı qeyd etdi ki, Azərbaycan və Ermənistan arasında əldə olunan sülh razılaşması regionda yeni əməkdaşlıq imkanları yaradır. Xüsusilə Orta Dəhlizin genişlənməsi və nəqliyyat əlaqələrinin inkişafı regionun iqtisadi potensialının daha səmərəli istifadə olunmasına şərait yaradacaq: Biz, həmçinin ticarətə başlamışıq. Ermənistana mühüm neft məhsullarının təchizatına başlamışıq. Digər ölkələrdən Azərbaycan ərazisi vasitəsilə Ermənistana gedən yüklərin tranzitinə bütün məhdudiyyətləri aradan qaldırmışıq. Bu isə bir daha güclü siyasi iradəmizi göstərir, çünki biz sülhə təkcə iki ölkənin parafladığı sənəd üzərində deyil, həmçinin əyani şəkildə nail oluruq. Düşünürəm ki, əgər hər iki tərəf siyasi iradəni və sülhə sadiqliyini nümayiş etdirərsə, bu, dövlətlərin və xalqların barışığına dəlalət edən ən yaxşı göstəricidir – prezidentin nitqində vurğulandı.
Prezident İlham Əliyevin bəyanatı Azərbaycanın həm regional, həm də qlobal miqyasda etibarlı tərəfdaş kimi mövqeyini bir daha nümayiş etdirdi. Ümumilikdə səsləndirilən fikirlər, keçirilən görüşlərin atmosferi onu deməyə əsas verir ki, Aİ Azərbaycanla münasibətləri yenidən qiymətləndirir və bu istiqamətdə müsbət addımlar atmaqda maraqlı və qətiyyətlidir. Bu baxımdan Antoni Koştanın Azərbaycana səfəri və aparılan müzakirələr tərəflər arasında strateji tərəfdaşlığın gələcək inkişafı üçün əhəmiyyətli rol oynayacaqdır.

Mart ayının tədbirlər planına uyğun olaraq "Coğrafiya fənn aylığı " çərçivəsində şagirdlər arasında bilik yarışı keçirildi.

Mart ayının tədbirlər planına uyğun olaraq " Coğrafiya fənn aylığı " çərçivəsində 6-cı sinif şagirdləri üçün debat dərs keçirildi.

Mart ayının tədbirlər planına uyğun olaraq " Coğrafiya fənn aylığı " çərçivəsində məktəbin 8-ci sinif şagirdləri üçün açıq dərs keçirildi.

"İdman həftəsi " tədbirlər planının 5-ci gününə uyğun olaraq aktiv iştirakçıların mükafatlandırılması keçirildi. Onlara sertifikatlar təqdim olundu.

"Reproduktiv sağlamlıq " tədbirlər planına uyğun olaraq 8-ci sinif şagirdləri üçün "Zərərli vərdişlər: Alkoqolizm və Narkomaniya " mövzusunda söhbət aparıldı.

" İdman həftəsi " tədbirlər planının IV gününə uyğun olaraq " Şən startlar estafet yarışı " keçirildi.