03/02/2024
Göyçay Rayon Z.Zülfüqarov adına Qaraxıdır kənd tam orta məktəbində Azərbaycan Respublikası Elm və Təhsil Nazirliyinin "Təhsildə inkişaf və innovasiyalar üzrə VII qrant müsabiqəsi" çərçivəsində icra edilən “Duolingo ilə İngilis dili hamı üçün əlçatandır!” adlı layihənin İngilis dili kursunun növbəti təlimi baş tutub.
“Duolingo ilə İngilis dili hamı üçün əlçatandır!” adlı layihə çərçivəsində təşkil olunmuş, layihənin eksperti, təlimçisi və piar işləri üzrə əməkdaşlarının iştirakı etdiyi təlimdə Layihənin təlimçisi tərəfindən, layihənin tədbirlər planına və təlim proqramına uyğun olaraq 2 Saatliq təlim keçirilib.
Qeyd edək ki, İngilis dili kursunun fəaliyyət planına uyğun olaraq müdavimlərə "People", "Lifestyle", "Professions", "Travelling" bölmələri üzrə müvafiq bilik və bacarıqlar öyrədilir. Kursda hər 4 dərsdən bir 90 dəqiqəlik test imtahanı keçirilir və tədrisin nəticələri ekspertlər tərəfindən dəyərləndirilir. Layihənin bağlanış tədbirində 3 aylıq kursu bitirən müdavimlərə göstərdikləri nəticələrə müvafiq olaraq diplom və sertifikatlar təqdim ediləcəkdir. 3 aylıq ingilis dili kursunda ingilis dilində oxumaq, yazmaq, dinləyib-anlamaq bacarıqları inkişaf etdirilir.
