Göyçay şəhər Məhəmməd Füzulu adına 6 Nli tam orta məktəb.

Mart ayı ərzində nümunəvi davranışı, fəallığı və dərslərdə aktiv iştirakı ilə seçilən şagirdlər “Yaşıl kart”la təltif olunmuşdur.Bu şagirdlər məsuliyyətli, nizam-intizamlı və çalışqan olduqları üçün digərlərinə nümunə göstərilmişdir.
“Yaşıl kart” qazanan şagirdlər məktəb rəhbərliyi tərəfindən rəğbətləndirilmiş və onlara təşəkkür edilmişdir.
Onların uğurları digər şagirdlər üçün motivasiya mənbəyidir.

Şagirdlər məktəbin Azərbaycan dili müəllimi Məmmədova Vəfa tərəfindən yazıçı Rəsul Rzanın ev muzeyinə aparıldı. Muzeydə onlar Azərbaycan ədəbiyyatının görkəmli nümayəndələrindən olan Anarın əsərləri ilə tanış oldular, yazıçıların həyat və yaradıcılığı haqqında məlumat əldə etdilər. Şagirdlər həmçinin muzeydə təşkil olunan kitab sərgisinə baxaraq müxtəlif ədəbi nümunələrlə yaxından tanış oldular.

Təşkilatçı İsmayılova Elnurə " Nüvə silahının törədə biləcəyi təhlükənin qarşısınının alınması məqsədilə təhlükəsizlik tədbirlərinin həyata keçirilməsi" adlı maarifləndirici tədbir keçirdi. Tədbirdə şagirdlərə nüvə silahı, onun fəsadları, zərərli təsirləri , qabaqlayıcı tədbirlər haqqında məlumat verdi. Sonda şagirdlərə maarifləndirici videoçarx nümayiş etdirildi.

Məktəblərdə nüvə təhlükəsizliyi ilə bağlı maarifləndirici tədbirlər şagirdlərin fövqəladə hallar zamanı düzgün, çevik və təhlükəsiz davranış bacarıqlarını formalaşdırmağa yönəlir. Bu gün GÇH Kərimov Ərəstun 8a sinif şagirdlərinə kütləvi mühafizə qurğuları, radiasiya riski, sığınacaqlara təxliyə qaydaları və ilkin tibbi yardım kimi mövzular üzrə məlumat verdi.

2A sinfinin müəllimi Əhmədova Afaq tərəfindən yol hərəkəti qaydalarına həsr olunmuş sinif divar guşəsi hazırlanmışdır. Guşədə yol nişanları, piyadaların hərəkət qaydaları və təhlükəsizliklə bağlı məlumatlar yerləşdirilmişdir. Müəllim şagirdlərlə bu mövzuda söhbət apararaq onlara yol hərəkəti qaydalarına düzgün riayət etməyin vacibliyini izah etmişdir. Şagirdlər mövzu ilə bağlı maarifləndirilmişdir.

13 mart 2026-cı il tarixində təşkilatçı İ.Elnurə, psixoloq Q. Xatimət, UBTR Q.Təravətin təşkilatçılığı ilə "Gender əsaslı zorakılığa qarşı mübarizə" adlı 8- ci sinif şagirdləri ilə maarifləndirici görüş keçirilib.
Gender əsaslı zorakılığa qarşı mübarizəyə həsr olunmuş videoçarx nümayiş etdirilib. Psixoloq Q. Xatimət çıxış edərək mövzu ilə bağlı ətraflı məlumat verdi. Təşkilatçı İ.Elnurə zorakılığın fəsadlarından, onun qarşısının alınması yollarından danışdı.
Tədbirin əsas məqsədi şagirdlərdə gender əsaslı zorakılığa qarşı düzgün mövqe formalaşdırmaq, onların hüquqi və sosial maarifləndirilməsini təmin etmək olub.

Məktəbimizdə "Tanınmış şəxsiyyətlər təqvimi" layihəsi çərçivəsində dahi holland rəssamı, postimpressionizm cərəyanının görkəmli nümayəndəsi Vinsent Van Qoqun həyat və yaradıcılığına həsr olunmuş tədbir keçirilib.
Məktəbin təsviri incəsənət müəllimi Məmmədova Aytac və UBTR Qarayeva Təravət müəllimin təşkilatçılığı ilə şagirdlərimiz rəssamın dünya şöhrətli əsərlərini yenidən canlandırıblar. Van Qoqun fırça texnikası və rəng dünyası haqqında geniş təqdimatlar nümayiş etdirilib, onun sənət fəlsəfəsi barədə maraqlı müzakirələr aparılıb.
Şagirdlərin böyük həvəslə hazırladıqları rəsmlərini məktəbin foyesində təşkil olunan xüsusi sərgidə nümayiş olunur. Sərgidə Van Qoqun "Ulduzlu gecə", "Günəbaxanlar" kimi məşhur tablolarının şagird versiyaları izləyicilər tərəfindən böyük maraqla qarşılanıb.
Bu cür tədbirlərin keçirilməsində əsas məqsəd şagirdlərin dünya mədəniyyəti və incəsənəti haqqında biliklərini zənginləşdirmək, onların yaradıcılıq qabiliyyətlərini üzə çıxarmaqdır.

Bu gün məktəbdə 11-ci sinif şagirdləri ilə bağlı valideyn iclası keçirilmişdir. İclasda məktəb rəhbərliyi, sinif rəhbərləri və 11-ci sinif şagirdlərinin valideynləri iştirak etmişlər.
İclasın keçirilməsində əsas məqsəd qarşıdan gələn buraxılış imtahanları ilə əlaqədar verilmiş təlimat və qaydaların valideynlərin nəzərinə çatdırılması olmuşdur. Məktəb rəhbərliyi tərəfindən valideynlərə imtahan prosesinin məsuliyyətli mərhələ olduğu qeyd edilmiş və bu dövrdə şagirdlərə xüsusi diqqət və qayğı ilə yanaşmağın vacibliyi vurğulanmışdır.
Valideynlərə tövsiyə olunmuşdur ki, imtahan ərəfəsində şagirdlərə psixoloji təzyiq göstərilməsin, onların rahat və sakit şəkildə imtahana hazırlaşmaları üçün əlverişli şərait yaradılsın. Həmçinin qeyd olunmuşdur ki, şagirdlər imtahana gedərkən yalnız tələb olunan zəruri vəsaitləri özləri ilə aparmalı, əlavə və lazımsız əşyaların aparılmasına yol verilməməlidir.
Şagirdlərin imtahan günündə vaxtında imtahan yerində olmaları, qaydalara riayət etmələri və verilmiş təlimatlara uyğun hərəkət etmələri barədə də valideynlərə geniş məlumat verilmişdir.
İclas zamanı valideynlərin fikirləri və çıxışları dinlənilmiş, onları maraqlandıran suallar cavablandırılmışdır. Görüş qarşılıqlı fikir mübadiləsi şəraitində keçmiş və valideynlərə imtahan prosesi ilə bağlı müvafiq tövsiyələr verilmişdir.

Bu gün məktəbdə 11-ci sinif şagirdləri ilə məktəb rəhbərliyinin görüşü keçirilmişdir. Görüşün keçirilməsində əsas məqsəd şagirdləri qarşıdan gələn buraxılış imtahanları öncəsi ruhlandırmaq, onlara motivasiya vermək və imtahan prosesinə psixoloji cəhətdən hazırlaşmalarına dəstək olmaq olmuşdur.
Görüş zamanı məktəb rəhbərliyi şagirdlərlə səmimi söhbət aparmış, onlara qarşıdan gələn imtahanlarda uğurlar arzulamış və yüksək nəticələr əldə etmələrini diləmişdir. Şagirdlərə imtahan zamanı özlərinə inanmağın, diqqətli olmağın və biliklərini düzgün şəkildə nümayiş etdirməyin vacibliyi barədə tövsiyələr verilmişdir. Eyni zamanda imtahan öncəsi yaranan həyəcan və stresin normal olduğu qeyd edilmiş, şagirdlərə özlərini rahat hiss etmələri və sakit şəkildə imtahana hazırlaşmaları tövsiyə olunmuşdur.
Görüşün sonunda 11-ci sinif şagirdlərinə buraxılış imtahanında iştirak etmələri üçün imtahan buraxılış vəsiqələri təqdim olunmuş və müvafiq qaydada şagirdlərdən imzalar alınmışdır.
Görüş şagirdlər üçün motivasiyaedici və faydalı olmuş, onların imtahana daha inamlı və məsuliyyətli yanaşmasına müsbət təsir göstərmişdir.

Coğrafiya fənn aylığı çərçivəsində coğrafiya müəllimi Məmmədova Sevda şagirdləri rayon mərkəzində yerləşən Tarix-Diyarşünaslıq Muzeyinə ekskursiyaya apardı. Muzeydə qədim dövrlərə aid tapılmış əşyalar və arxeoloji qazıntılar zamanı əldə olunmuş nümunələr şagirdlərə nümayiş etdirildi.
Müəllimə eksponatlar haqqında ətraflı məlumat verdi, onların tarixi və coğrafi əhəmiyyətini izah etdi. Şagirdlər muzeydə nümayiş olunan qədim tapıntılarla yaxından tanış olaraq maraqlı məlumatlar əldə etdilər. Bu ekskursiya şagirdlərin coğrafiya fənninə marağının artmasına və onların biliklərinin daha da zənginləşməsinə kömək etdi.

İdman həftəsinin sonunda yarış və tədbirlərdə fəal iştirak edən şagirdlər məktəb rəhbərliyi tərəfindən Tərifnamələrlə mükafatlandırıldı. Bu cür təşviqlər şagirdlərə böyük ruh yüksəkliyi verir, onları daha fəal olmağa, idmana maraqlarını artırmağa və gələcəkdə daha böyük nailiyyətlər qazanmağa həvəsləndirir.