Füzuli rayon Qayıdış qəsəbə 7 nömreli tam orta məktəb

Füzuli rayon Qayıdış qəsəbə 7 nömreli tam orta məktəb qayıdış qəsəbə 9

“Ayın oyunu” layihəsi çərçivəsində məktəbimizdə velosiped yarışı keçirildi. Yarış fiziki tərbiyə müəllimi Əliyev Cabir t...
21/05/2026

“Ayın oyunu” layihəsi çərçivəsində məktəbimizdə velosiped yarışı keçirildi. Yarış fiziki tərbiyə müəllimi Əliyev Cabir tərəfindən təşkil olundu.
Şagirdlərin böyük həvəslə iştirak etdiyi yarışda çeviklik, sürət və dözümlülük bacarıqları nümayiş etdirildi. İştirakçılar sağlam rəqabət şəraitində mübarizə apararaq idman ruhunu və komanda yoldaşlığı prinsiplərini nümayiş etdirdilər.
Gərgin və maraqlı mübarizə şəraitində keçən yarışın qalibi Əhmədov Elnur oldu. Qalib şagird təbrik edildi və ona gələcək yarışlarda da uğurlar arzulandı.
Bu cür tədbirlərin keçirilməsi şagirdlərin sağlam həyat tərzinə marağının artırılmasına, onların fiziki hazırlığının gücləndirilməsinə və asudə vaxtlarının səmərəli təşkilinə xidmət edir.

İnsan Hüquqları ilə bağlı Tədbirlər Planına əsasən məktəbdə “İnsan hüquqları” mövzusunda videoçarx nümayiş etdirildi. Tə...
21/05/2026

İnsan Hüquqları ilə bağlı Tədbirlər Planına əsasən məktəbdə “İnsan hüquqları” mövzusunda videoçarx nümayiş etdirildi. Tədbir informatika müəllimi Mönsümov Vahid tərəfindən təşkil olundu.
Videoçarxda insan hüquqlarının mahiyyəti, hər bir şəxsin malik olduğu əsas hüquq və azadlıqlar, hüquqların qorunmasının əhəmiyyəti barədə məlumatlar təqdim edildi. Nümayişdən sonra şagirdlərlə mövzu ətrafında müzakirə aparıldı, onların fikirləri dinlənildi və sualları cavablandırıldı.
Tədbirin məqsədi şagirdlərin insan hüquqları sahəsində məlumatlılığını artırmaq, onlarda hüquq və azadlıqlara hörmət hissini formalaşdırmaq və hüquqi maarifləndirməni gücləndirmək olmuşdur.

Məktəbimizdə 28 May – Müstəqillik Günü münasibətilə tədbir keçirildi. Tədbirdə şagirdlərə Azərbaycan Xalq Cümhuriyyətini...
21/05/2026

Məktəbimizdə 28 May – Müstəqillik Günü münasibətilə tədbir keçirildi. Tədbirdə şagirdlərə Azərbaycan Xalq Cümhuriyyətinin yaranma tarixi, dövlətçilik ənənələrimiz və müstəqilliyimizin əhəmiyyəti barədə məlumat verildi.
Tədbirin keçirilməsində məqsəd şagirdlərdə milli-mənəvi dəyərlərə hörmət hissinin formalaşdırılması, dövlətçilik tariximizin öyrənilməsi və müstəqillik ənənələrinin təbliği olmuşdur.
Tədbir iştirakçılar tərəfindən böyük maraqla qarşılanmış, Azərbaycan dövlətçiliyinin şanlı tarixi bir daha diqqətə çatdırılmışdır.

İnsan Hüquqları ilə bağlı Tədbirlər Planına əsasən 4-cü sinifdə “Hüquqlarımızı qoruyaq” mövzusunda xüsusi dərs keçirildi...
21/05/2026

İnsan Hüquqları ilə bağlı Tədbirlər Planına əsasən 4-cü sinifdə “Hüquqlarımızı qoruyaq” mövzusunda xüsusi dərs keçirildi. Dərs ibtidai sinif müəllimi Cəfərova Şəhla tərəfindən təşkil olundu.
Dərs zamanı şagirdlər insan hüquqları, uşaq hüquqları, onların cəmiyyətdə rolu və hüquqların qorunmasının əhəmiyyəti barədə məlumatlandırıldılar. Mövzu ilə bağlı şagirdlərlə fikir mübadiləsi aparıldı və onları maraqlandıran suallar cavablandırıldı.
Xüsusi dərsin keçirilməsində məqsəd şagirdlərdə hüquq və vəzifələrə hörmət hissinin formalaşdırılması, onların hüquqi biliklərinin artırılması və hüquqlarının müdafiəsinin vacibliyi barədə məlumatlandırılması olmuşdur.

“Şəhərsalma və Memarlıq İli” ilə əlaqədar məktəbdə maarifləndirici söhbət keçirildi. Müəllim Vüqar Heydərov şagirdlərlə ...
21/05/2026

“Şəhərsalma və Memarlıq İli” ilə əlaqədar məktəbdə maarifləndirici söhbət keçirildi. Müəllim Vüqar Heydərov şagirdlərlə görüşərək şəhərsalmanın və memarlığın insanların həyatındakı əhəmiyyəti, şəhərlərin planlı şəkildə qurulması, tarixi və müasir memarlıq nümunələrinin qorunması barədə məlumat verdi.
Söhbət zamanı şagirdlər ölkəmizdə həyata keçirilən quruculuq işləri, şəhərlərin inkişafı və memarlıq abidələrinin milli irsimizin ayrılmaz hissəsi olması haqqında məlumatlar əldə etdilər. Tədbir şagirdlərin böyük marağı ilə qarşılandı və mövzu ətrafında fikir mübadiləsi aparıldı.

Bugün tanınmış şəxsiyyətlər təqviminə uyğun olaraq görkəmli Azərbaycan bəstəkarı Fikrət Əmirov haqqında maarifləndirici ...
21/05/2026

Bugün tanınmış şəxsiyyətlər təqviminə uyğun olaraq görkəmli Azərbaycan bəstəkarı Fikrət Əmirov haqqında maarifləndirici söhbət keçirildi. Məktəbin müəllimi Piriyeva Gülər şagirdlərə bəstəkarın həyat və yaradıcılığı, Azərbaycan musiqi mədəniyyətinin inkişafındakı xidmətləri barədə ətraflı məlumat verdi. Şagirdlər böyük sənətkarın zəngin irsi ilə tanış oldular, onun əsərlərinin milli musiqimizin dünyada tanıdılmasındakı əhəmiyyətini öyrəndilər. Söhbət şagirdlərin marağına səbəb oldu və mövzu ətrafında fikir mübadiləsi aparıldı.

Məktəbimizdə “Son zəng” tədbiri ilə bağlı keçirilən pedaqoji şura iclasında müəllim kollektivi tədbirin təşkili ilə əlaq...
12/05/2026

Məktəbimizdə “Son zəng” tədbiri ilə bağlı keçirilən pedaqoji şura iclasında müəllim kollektivi tədbirin təşkili ilə əlaqədar təlimatla tanış oldu. Tədbirin təhlükəsiz, nizam-intizamlı və yüksək səviyyədə keçirilməsi üçün müəllimlərə müvafiq tövsiyə və tapşırıqlar verildi.

İclas zamanı, həmçinin 9-cu sinif buraxılış imtahanının nəticələri müzakirə olundu, əldə olunan göstəricilər təhlil edildi və qarşıdakı dövr üçün görüləcək işlərlə bağlı fikir mübadiləsi aparıldı.

Məktəbimizdə 11-ci sinif şagirdlərinin “Son zəng” tədbirinin təşkili və keçirilməsi qaydaları ilə bağlı valideyn iclası ...
12/05/2026

Məktəbimizdə 11-ci sinif şagirdlərinin “Son zəng” tədbirinin təşkili və keçirilməsi qaydaları ilə bağlı valideyn iclası keçirildi. İclas zamanı tədbirin keçirilməsi ilə əlaqədar verilmiş təlimat və qaydalar valideynlərin diqqətinə çatdırıldı, onların sualları cavablandırıldı.
Görüşdə “Son zəng” tədbirinin təhlükəsiz, nizam-intizamlı və yüksək səviyyədə təşkili üçün vacib məqamlar müzakirə olundu. Valideynlərə şagirdlərin davranış qaydaları, tədbir zamanı riayət olunmalı məsələlər, məktəb ərazisində təhlükəsizlik və məsuliyyət məsələləri barədə ətraflı məlumat verildi.
İclas qarşılıqlı fikir mübadiləsi şəraitində keçərək valideynlərin təklif və rəylərinin dinlənilməsi ilə yadda qaldı. Məqsəd məzunlarımızın həyatında önəmli yer tutan bu günün yaddaqalan, təhlükəsiz və nümunəvi şəkildə keçirilməsini təmin etməkdir.

Məktəbimizdə “Maddənin aqreqat halının dəyişməsi: buxarlanma və kondensasiya” mövzusunda fizika müəllimi Şirinova Mətanə...
12/05/2026

Məktəbimizdə “Maddənin aqreqat halının dəyişməsi: buxarlanma və kondensasiya” mövzusunda fizika müəllimi Şirinova Mətanət tərəfindən açıq dərs keçirildi. Maraqlı və interaktiv formada təşkil olunan dərsdə şagirdlər maddələrin bir haldan digər hala keçməsi prosesləri haqqında ətraflı məlumat əldə etdilər.
Dərs zamanı buxarlanma və kondensasiya hadisələrinin yaranma səbəbləri izah edildi, gündəlik həyatda bu proseslərin tətbiq nümunələri şagirdlərin diqqətinə çatdırıldı. Mövzu ilə bağlı müxtəlif təcrübələr nümayiş etdirilərək nəzəri biliklərin praktik şəkildə mənimsənilməsi təmin olundu. Şagirdlər fəallıq göstərərək suallar cavablandırdı, fikir mübadiləsi apardı və mövzuya böyük maraq nümayiş etdirdilər.
Açıq dərsin əsas məqsədi şagirdlərdə fizika fənninə marağın artırılması, onların məntiqi və elmi düşüncə bacarıqlarının inkişaf etdirilməsi idi. Müasir təlim metodlarından istifadə olunaraq keçirilən dərs iştirakçılar tərəfindən yüksək qiymətləndirildi və şagirdlərin biliklərinin möhkəmləndirilməsində mühüm rol oynadı.

Ulu öndər Heydər Əliyevin anadan olmasının 103 illik yubileyi münasibətilə məktəbimizin 5-ci sinif şagirdləri tərəfindən...
08/05/2026

Ulu öndər Heydər Əliyevin anadan olmasının 103 illik yubileyi münasibətilə məktəbimizin 5-ci sinif şagirdləri tərəfindən maraqlı rəngləmə fəaliyyəti təşkil olundu. Şagirdlər böyük sevgi və diqqətlə Heydər Əliyevin şəkillərini rəngləyərək öz bacarıq və yaradıcılıqlarını nümayiş etdirdilər.
Bu cür tədbirlər şagirdlərdə vətənpərvərlik hissinin gücləndirilməsi, ümummilli liderimizin zəngin irsinin öyrənilməsi və gələcək nəsillərə aşılanması baxımından böyük əhəmiyyət daşıyır.

Müasir müstəqil Azərbaycanın qurucusu, ümummilli lider Heydər Əliyevin anadan olmasının 103 illik yubileyi münasibətilə ...
07/05/2026

Müasir müstəqil Azərbaycanın qurucusu, ümummilli lider Heydər Əliyevin anadan olmasının 103 illik yubileyi münasibətilə məktəbimizdə tədbir keçirildi. Tədbir Heydərova Günel müəllimin təşkilatçılığı ilə baş tutdu.
Tədbirdə ulu öndərin zəngin həyat yolu, Azərbaycan dövlətçiliyinin möhkəmlənməsi istiqamətində gördüyü misilsiz xidmətlər barədə şagirdlərə ətraflı məlumat verildi. Şagirdlər dahi şəxsiyyətin ölkəmizin inkişafı naminə həyata keçirdiyi mühüm işlərdən bəhs etdilər, vətənpərvərlik ruhunda çıxışlar səsləndirdilər.
Tədbirdə 11-ci sinif şagirdi İbişov Mətin də çıxış edərək Heydər Əliyev haqqında öz təəssüratlarını bölüşdü, onun Azərbaycan xalqı üçün gördüyü xidmətlərin hər bir gənc üçün örnək olduğunu vurğuladı.
Belə tədbirlərin keçirilməsi şagirdlərdə milli-mənəvi dəyərlərə bağlılığın, vətənə sevginin və tariximizə hörmət hissinin formalaşmasında mühüm rol oynayır.

Address

Qayıdış Qəsəbə 9
Füzuli

Opening Hours

Saturday 09:00 - 17:00
Sunday 09:00 - 17:00

Telephone

+994514148474

Website

Alerts

Be the first to know and let us send you an email when Füzuli rayon Qayıdış qəsəbə 7 nömreli tam orta məktəb posts news and promotions. Your email address will not be used for any other purpose, and you can unsubscribe at any time.

Contact The School

Send a message to Füzuli rayon Qayıdış qəsəbə 7 nömreli tam orta məktəb:

Shortcuts

Share

Category