Füzuli rayonu Qarabağ kənd tam orta məktəbi

11/05/2026

Məktəbimizin yerləşdiyi Qarabağ kəndinin ilk şəhidi Qəniyyət Rzayevin şəhidlik zirvəsinə ucalmasından 32 il ötür. Allah rəhmət eləsin, yaxınlarına səbir versin!

09/05/2026

Məktəbimizdə Ulu Öndər Heydər Əliyevin anadan olmasının 103 illiyi münasibətilə tədbir keçirilib. Tədbirdə onun keçdiyi həyat yolundan, xalqımız qarşısında xidmətlərindən, bu gün də qoyduğu siyasətin uğurla davam etdirilməsindən danışılıb. Allah rəhmət eləsin!

08/05/2026

Məktəbimizin icma sinfi fəaliyyətini uğurla davam etdirir!

https://www.facebook.com/share/r/1EYn9uCkSF/

06/05/2026

SİMART.az
Azərbaycan Respublikası Ailə, Qadın və Uşaq Problemləri üzrə Dövlət Komitəsi nin təşkilatçılığı ilə 03 may 2026-cı il tarıxındə keçirilən SİMART Oxu və Animasiya Müsabiqəsində məktəbimizin 4 şagirdi iştirak etdi və 1-ci mərhələdə uğur qazanaraq yarımfinal mərhələsinə keçdi.

Müsabiqədə şagirdlərimizin bələdçisi və əsas əlaqləndiricisi məktəbin direktoru Elihuseyn Yaqubov oldu!

Şagirdlərimizə növbəti mərhələdə uğurlar arzulayırıq!

05/05/2026

İbtidai sinif şagirdləri üçün yaz tətilinin son günüdür.

Tədrisin keyfiyyətini artırmaq, monitorinq imtahanlarına hazırlıq, zəif şagirdlərlə işin effektivliyinin artırılması məqsədilə valideynlərə müraciət etdik. Nəticə göz qabağındadır: tətil olsa da, şagirdlərimiz tətilin son günündə də tədris prosesinə davam etdilər.

Şagirdlərimizə, onların valideynlərinə və bu işin əsas aparıcı qüvvəsi müəllimlərimizə göstərdiyi dəstəyə görə təşəkkür edirik!

03/05/2026

İbtidai sinif şagirdləri üçün yaz tətili başlayıb.

Tədrisin keyfiyyətini artırmaq, monitorinq imtahanlarına hazırlıq, zəif şagirdlərlə işin effektivliyinin artırılması məqsədilə valideynlərə müraciət etdik. Nəticə göz qabağındadır: tətil olsa da, şagirdlərimiz həftənin 5-ci günü tədris prosesinə davam etdilər.

Şagirdlərimizə, onların valideynlərinə və bu işin əsas aparıcı qüvvəsi müəllimlərimizə göstərdiyi dəstəyə görə təşəkkür edirik!

30/04/2026

Məktəbin 6-cı sinfində fiziki tərbiyə müəllimi Teymur İmanovun dərsi dinlənilib!

24/04/2026

Respublikamızda keçiriləcək "Ümumdünya Şəhərsalma Forumu" ilə bağlı məktəbimizin yuxarı sinif şagirdləri ilə söhbət aparılıb. Məktəbin coğrafiya müəllimi Sidiqə Hüseynova forumla bağlı məlumat verməklə yanaşı, Qarabağda aparılan quruculuq işlərindən də söz açıb.

14/04/2026

Paylaşım üçün təşəkkür edirik, Azərbaycan müəllimi qəzeti!

32 il sonra Füzuli rayon Qarabağ kənd tam orta məktəbinin şagirdi də Respublika Fənn Müsabiqəsinin yarımfinalında iştirak hüququ qazanıb.

Həmin şagird - Gülər Əsgərova və müəllimi ilə həmsöhbət olub, təəssüratlarını öyrəndik.

Ətraflı: https://muallim.edu.az/fuzuli-mektebi-32-ilden-sonra-rfm-in-yarimfinalinda

11/04/2026

Dünyanın top-100 universitetindən biri olan və Şotlandiyada yerləşən Qlazqo Universitetinin doktorantı Samira Hasan xanım "Azərbaycan kontekstində uşaqlar arasında sülh və barışığın incəsənət vasitəsilə tədrisi" adlı təqiqatını bizim məktəbin şagirdləri ilə aparıb.

Tədqiqat Azərbaycan Respublikası Elm və Təhsil Nazirliyinin 4 mart 2025-ci il tarixli 3-29/2-H-127 nömrəli razılıq məktubuna əsasən ötən ilin iyul ayında həyata keçirilən ilk təlimin davamı kimi təşkil olunub.

Avropadan ölkəmizə səfər edən Samira xanım şagirdlərimizin ideya və yanaşmalarını yüksək qiymətləndirib. Təlimin sonunda şagirdlərlə birlikdə sülh ağacı əkilib. Bizi seçdiyiniz üçün təşəkkür edirik!

10/04/2026

Məktəbin psixoloqu Məhsəti Xudiyeva 9-cu sinif şagirdlərinə buraxılış imtahanından öncə psixoloji test etdirib. Testin nəticəsinə əsasən şagirdlərlə söhbət aparılıb və müvafiq tövsiyələr verilib. Şagirdlərimizə uğurlar arzulayırıq!