Cəlilabad rayon Astanlı kənd tam orta ümumtəhsil məktəbi

18/09/2026

Bu gün məktəbdə " Sülh aylığı" çərçivəsində Azərbaycan Respublikasının dövlətçilik tarixində mühüm əhəmiyyət daşıyan 20 sentyabr Suverenlik Günü ilə bağlı tədbir keçirilmişdir.

Tədbirin əsas məqsədi şagirdlərə Azərbaycanın dövlət müstəqilliyi və suverenliyinin tarixi əhəmiyyəti barədə məlumat vermək, onlarda vətənpərvərlik, dövlətçilik və milli dəyərlərə hörmət hisslərini gücləndirmək olmuşdur.

Tədbir şəhidlərin əziz xatirəsinin yad edilməsi və dövlət himninin səsləndirilməsindən sonra açıq elan olundu.
Tədbir zamanı Azərbaycanın suverenliyinin tarixi əsaslarından, xalqımızın müstəqillik və ərazi bütövlüyü uğrunda apardığı mübarizədən, dövlət müstəqilliyinin qorunub saxlanılmasının əhəmiyyətindən bəhs edilmişdir.
Tədbirdə məktəbin tarix müəllimi İ. Ağayev çıxış edərək Azərbaycanın dövlətçilik tarixindən, suverenliyin xalqımız üçün əhəmiyyətindən və ölkəmizin ərazi bütövlüyünün bərpası istiqamətində əldə olunan tarixi nailiyyətlərdən danışmışdır.
Daha sonra məktəbin Azərbaycan dili müəllimi M. Cəfərov çıxış edərək dövlətçilik, milli birlik və vətənpərvərlik mövzularında fikirlərini bölüşmüş, gənc nəslin Azərbaycan dövlətinə və milli dəyərlərə bağlı ruhda tərbiyə olunmasının vacibliyini qeyd etmişdir.

14/08/2026

14/08/2026

Hörmətli valideynlər . Tədris ilinin başlanmasına qısa zaman qalıb . Övladlarınız üçün forma alarkən aşağıda qeyd olunanlara diqqət etməyiniz tövsiyyə olunur
1. Astanlı kənd tam orta ümumtəhsil məktəbi üçün vahid məktəbli forması yalnız şəkildə göstərildiyi kimidir
2. Şagirdlərin məktəbə mobil telefon, smart saat , planşet və sair smart cihazlar gətirməsi qadağandır

25/06/2026

Cəlilabad rayonu Astanlı kənd tam orta ümumtəhsil məktəbin tarix müəllimi Ağayev İlkin İsa oğlu müəllimlərin sertifikasiya imtahanından maksimum 60 baldan 55 bal toplamışdır . Təbrik edirik

26/05/2026

26 May tarixində məktəbdə 28 May Müstəqillik Gününə həsr olunmuş tədbir keçirildi.
Tədbir Dövlət himnin səsləndirilməsi həmçinin ölkəmizin müstəqilliyi və torpaqlarımızın bütünlüyü uğrunda canından keçən şəhidlərin əziz xatilərinin yad edilməsi ilə açıq elan olundu.
Çıxış edən müəllimlər AXC-nin fəaliyyətindən və həmin dövrdə əldə olunan uğurlardan söz açdılar.

25/05/2026

25 May tarixində məktəbin IV sinifində monitorinq imtahanına hazırlıq məqsədi ilə sınaq keçirildi.

21/05/2026

21 May tarixində məktəbdə " İnsan Hüquqları Aylığı" çərçivəsində növbəti tədbir keçirildi.

Baş tutan tədbirdə şagirdlərə insan hüquq və azadlıqlarları barədə məlumatlar verildi. Həmçinin şagirdlərin hüquqları barədə söhbət açıldı.

18/05/2026

Bu gün məktəbdə "Korrupsiyaya qarşı mübarizə" haqqında tədbir keçirildi.

15/05/2026

Bu gün məktəbdə " Narkomaniyaya yox deyək" mövzusunda tədbir keçirildi.
Çıxış edən müəllimlər tərəfindən şagirdlərə narkomaniyanın fiziki və mənəvi fəsadları haqqında məlumat verildi. Narkomaniyanı yaradan səbəblər və uzaq durmağın yolları barədə söhbətlər aparıldı.

15/05/2026

Astanlı kəndində gənc atletlərin qələbə əzmi!

Cəlilabad rayonu, Astanlı kənd tam orta ümumtəhsil məktəbində fiziki tərbiyə müəllimi Azad Şükürovun təşkilatçılığı ilə şagirdlər arasında atletika idman növü üzrə yarış keçirilmişdir. VII (8 nəfər 2qız və 5 oğlan)rvə IX sinif (10 nəfər, 6oğlan və 4 qız) şagirdlərinin qatıldığı bu yarışda gənclərin fiziki hazırlığı və idmana olan böyük maraq müşahidə olundu.
Gərgin keçən yarışmanın sonunda nəticələr aşağıdakı kimi olmuşdur:
I yer- Məmmədov Murad
II yer - Salayev Rza
III yer - Sadıqlı Nurlan
Həmçinin yarışmada fərqlənən digər şagirdlər Əzizova Zeynəb, Quliyev Musa və Əzizov Məhəmməd mükafatlandırılmışdır.

Yarışın sonunda fərqlənən və yüksək nəticə göstərən qaliblər məktəb rəhbərliyi və təşkilatçı müəllim tərəfindən diplomlarla təltif olundu.
Məqsədimiz sağlam ruhlu, çevik və vətənpərvər bir nəsil yetişdirmək, məktəblilər arasında idmanı kütləviləşdirməkdir.
İdmanda qələbə, həyatda uğur hər bir şagirdimizin haqqıdır!
Yarışmanın ərsəyə gəlməsində əməyinə görə Azad müəllimə, məktəb rəhbərliyi adından təşəkkür edirik.