Daşkəsən r. Əmirvar-Əhmədli kənd Sabir Ələkbərov adına ümumi orta məktəb

Sabir Ələkbərov adına Əmirvar Əhmədli kənd ümumi orta ümumtəhsil məktəbində Bağırova Aysel Cavad qızı tərəfindən “İnsan hüquqları və azadlıqları” mövzusunda maarifləndirici tədbir təşkil olunmuşdur.
Tədbirin əsas məqsədi şagirdlərə insan hüquq və azadlıqları haqqında ətraflı məlumat vermək, onların hüquqi biliklərini artırmaq və cəmiyyətdə hüquqi dəyərlərə hörmət hissini aşılamaq olmuşdur.
Tədbirdə insan hüquqlarının mahiyyəti, insanların bərabərliyi, təhsil, söz, vicdan və sərbəst fikir ifadə etmək hüquqları barədə geniş məlumat verilmişdir. Şagirdlər mövzu ilə bağlı təqdimatlar etmiş, hüquq və azadlıqların qorunmasının əhəmiyyəti haqqında fikirlərini bölüşmüşlər.
Sonda iştirakçıları maraqlandıran suallar cavablandırılmış, insan hüquqlarına hörmətin hər bir vətəndaşın əsas vəzifələrindən biri olduğu vurğulanmışdır. Tədbir şagirdlərin böyük marağı və fəal iştirakı ilə başa çatmışdır.

Sabir Ələkbərov adına Əmirvar Əhmədli kənd ümumi orta ümumtəhsil məktəbinin direktoru 1 İyun – Uşaqların Beynəlxalq Müdafiəsi Günü münasibətilə məktəbin şagirdləri ilə görüş təşkil etdi. Direktor şagirdləri bu əlamətdar gün münasibətilə təbrik edərək onlara xoş arzularını çatdırdı. sonunda şagirdlərlə xatirə şəkli çəkdirildi.

27.05.2026-cı il tarixdə məktəb rəhbərliyi tərəfindən valideynlərlə “Məktəb-valideyn əməkdaşlığı” mövzusunda görüş təşkil edilmişdir. Görüş zamanı valideynlərlə şagirdlərin davranış qaydaları, davamiyyəti, nizam-intizam məsələlərinə riayət olunması barədə maarifləndirici söhbət aparılmışdır. Eyni zamanda məktəb və valideyn əməkdaşlığının şagirdlərin təlim-tərbiyəsində mühüm rol oynadığı diqqətə çatdırılmışdır.

Sabir Ələkbərov adına Əmirvar Əhmədli kənd ümumi orta ümumtəhsil məktəbinin biologiya müəllimi Bağırova Aysel və məktəbin psixoloqu İmamverdiyeva Aytac VIII və IX sinif şagirdləri ilə Sağlam və düzgün qidalanma mövzusunda maarifləndirici məşğələ kecirmişdilər.

Sabir Ələkbərov adına Əmirvar Əhmədli kənd ümumi orta ümumtəhsil məktəbinin ibtidai sinif müəllimi İsmayılova Günay Sahib qızı tərəfindən “Oxu dəqiqələri” çərçivəsində şagirdlərdə mütaliəyə marağın artırılması məqsədilə maarifləndirici tədbir təşkil edildi. Tədbirdə kitab oxumağın əhəmiyyəti, şagirdlərin dünyagörüşünün formalaşmasında mütaliənin rolu barədə geniş söhbət aparıldı.

Sabir Ələkbərov adına Əmirvar Əhmədli kənd ümumi orta ümumtəhsil məktəbində “Oxu dəqiqələri” çərçivəsində tədbir keçirildi. Tədbir zamanı şagirdlərin söz bazasının formalaşdırılması, nitq bacarıqlarının inkişafı və mütaliəyə marağının artırılmasının vacibliyi bir daha vurğulandı. Tədbir məktəbin Azərbaycan dili və ədəbiyyat müəllimi Əhmədova Aygün tərəfindən təşkil olunmuşdur.

Sabir Ələkbərov adına Əmirvar Əhmədli kənd ümumi orta məktəbinin psixoloqu İmamverdiyeva Aytac IV, VI sinif şagirdləri ilə iyun ayında keçiriləcək monitorinqə hazırlıq məqsədilə şagirdlərlə psixoloji dəstək görüşü keçirdi.
Görüşdə şagirdlərin imtahan stresinin azaldılması, özünəinamın artırılması və düzgün yanaşmanın formalaşdırılması istiqamətində söhbət aparıldı.

📢 Təhsilverənlərin sertifikatlaşdırılması prosesi ilə bağlı məlumat
🗓️ Təhsilverənlərin sertifikatlaşdırılması prosesinin test imtahanı mərhələsi 17–19 və 23–25 iyun 2026-cı il tarixlərində təşkil olunacaq. Test imtahanının vaxtı və keçirilmə yeri barədə məlumatlar iştirakçıların şəxsi kabinetlərinə göndərilib.

ℹ️ Təhsilverənlər portal.edu.az platformasında qeydiyyatdan keçərək “Sertifikatlaşdırma” bölməsinə daxil olmaqla test imtahanlarının vaxtı və yeri barədə məlumatlarla tanış ola bilərlər.

🎥 Portal.edu.az platformasının “Sertifikatlaşdırma” altsistemindən istifadə üzrə hazırlanmış təlimat videosunu aşağıdakı keçid vasitəsilə izləmək mümkündür:

https://youtu.be/lpLKFasQtm4

Qeyd edək ki, cari ildə təşkil olunacaq təhsilverənlərin sertifikatlaşdırılması prosesində təsviri incəsənət, musiqi, texnologiya, tarix, fiziki tərbiyə fənlərini tədris edən təhsilverənlər, eyni zamanda fizika, kimya, biologiya, coğrafiya, informatika, ibtidai sinif, Azərbaycan dili və ədəbiyyat, riyaziyyat və xarici dil (ingilis dili, rus dili, Azərbaycan dili (rus bölməsi), alman dili, fransız dili və s.) müəllimləri iştirak edəcəklər.

Sertifikatlaşdırma prosesində iştirak edəcək bütün müəllimlərə uğurlar arzulayırıq!

13.05.2026 cı il tarixində Daşkəsən rayon Sabir Ələkbərov adına Əmirvar Əhmədli kənd ümumi orta ümumtəhsil məktəbində tarix fənn aylığı çərçivəsində məktəbin tarix müəllimi Abdullayev Əli Telman oğlu tərəfindən tarixi intellektual yarış təşkil edilmişdir . Qalib komandaya diplom və sertifikatlar verilmişdir .