13/06/2026
✅️Məktəb illərinə vida Məzunlarımız üçün "Son zəng" çalındı
Bu gün ölkəmizin bütün ümum təhsil məktəblərində məzunlar üçün ən yadda qalan günlərdən biri – "Son zəng" tədbiri keçirilib. Məktəb həyatının başa çatdığını və yeni, müstəqil bir mərhələnin başladığını simvolizə edən bu gün, məzunlar üçün həm kövrək, həm də qürurverici anlarla yadda qalıb.
Tədbirdə çıxış edən məktəbin direktoru Mehriban Poladova,Bakı Şəhəri Binəqədi rayonu İcra və Bələdiyyə nümayəndələri,müəllimlər və valideynlər məzunlara gələcək həyatlarında uğurlar arzulayıb, onlara vətənə layiqli övlad olmaları üçün tövsiyələrini veriblər. Məzunlar isə öz növbəsində, onları doğma məktəbdən ayıran bu yolda ilk addımlarını ataraq, müəllimlərinə və məktəb kollektivinə minnətdarlıqlarını bildiriblər.
Məktəb həyətində səslənən "Son zəng" sədaları ilə şagirdlər uşaqlıq illəri ilə vidalaşaraq, gələcək hədəflərinə doğru ilk addımlarını atıblar. Bu gün təkcə dərslərin bitməsi deyil, həm də böyük həyata gedən yolun başlanğıcı kimi qeyd olunub.
Həyətdə rəngbərəng şarlar, gözlərdə həm sevinc, həm də ayrılıq yaşları var idi. İllərini bu gənclərin gələcəyinə həsr edən müəllimlər son dəfə öz yetirmələrini xeyir-dua ilə yola saldılar, məzunlar isə sonuncu zəngin sədaları altında göy üzünə xəyallarını bəzəyən şarları və azadlıq rəmzi olan göyərçinləri uçurdular.
Arzu edirik ki, məktəb divarları arasında qazandığınız biliklər və gözəl dostluqlar gələcək həyat yolunuzda sizə hər zaman işıq saçsın.
Atacağınız hər addım sizi böyük uğurlara, xəyallarınızın zirvəsinə çatdırsın.
Yolunuz açıq, gələcəyiniz parlaq olsun, əziz məzunlar!
