Qaradağlı kənd tam orta məktəb

Mil-Muğan Regional Təhsil İdarəsinin Beyləqan rayon Aqil Budaqov adına Qaradağlı kənd tam orta ümumtəhsil məktəbinin tarix müəllimi Tural Süleymanov ,Fiziki tərbiyə müəllimi Aydın Quliyev , Kimya müəllimi Adil Əliyev,Texnalogiya müəllimi Arzu Nəsirova müəllimlərin sertifikasiya imtahanında iştirak edərək yüksək nəticə əldə etmişlər.
Bu uğur müəllimin peşəsinə olan sevgisinin, əzmkarlığının, zəhmətinin və biliklərinin parlaq göstəricisidir. Onların qazandığı bu nailiyyət həm müəllimlik fəaliyyətinin, həm də öz üzərində davamlı çalışmasının uğurlu nəticəsidir.
Müəllimlərimizi ürəkdən təbrik edir, gələcək fəaliyyətində yeni-yeni uğurlar, möhkəm cansağlığı və daha böyük nailiyyətlər arzulayırıq. Uğurlarınız daimi, yolunuz hər zaman açıq olsun! 🌹

Məktəbimizdə Pedaqoji Şuranın yekun iclası keçirilmişdir.İclasda 9,11-ci sinif şagirdlərinə attestatların verilməsi,şagirdlərin sinifdən-sinfə keçirilməsi,2026-2027-ci tədris ili üzrə təxmini dərs bölgüsü müzakirə edilmişdir.

Məktəbdə tədrisin keyfiyyətinin yüksəldilməsi məqsədilə təşkil edilmiş Daxili Keyfiyyət Təminatı və Özünüqiymətləndirmə komissiyasının sonuncu hesabat iclası təşkil edilmişdir.
İclasda bütün illik nəticələr,Milli monitorinqin nəticələrinin,eləcə də məktəbdaxili qiymətləndirmənin təhlili məqsədilə hazırlanmış hesabatlar dinlənilmişdir.

13 iyun 2026-cı il tarixində məktəbimizdə “Son zəng” tədbiri keçirilmişdir. Bayram tədbiri məktəb kollektivinin və qonaqların iştirakı ilə yüksək əhval-ruhiyyədə təşkil olunmuşdur. Tədbirdə Beyləqan Rayon İcra Hakimiyyətinin başçısı Əziz Əzizovun təşəbbüsü ilə yerli ərazi nümayəndəliyinin nümayəndəsi də iştirak etmişdir. Nümayəndə icra başçısının təbrik məktubunu müəllim və şagird kollektivinə çatdırmış, məzunlara gələcək həyatlarında uğurlar arzulamışdır. Tədbir Azərbaycan Respublikasının Dövlət Himninin səsləndirilməsi ilə başlamışdır. Daha sonra Vətənimizin ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilmişdir. Rəsmi hissədə çıxışlar dinlənilmiş, məzunlara xoş arzular ifadə olunmuşdur. Tədbirin bədii hissəsində şagirdlər müxtəlif şeirlər, mahnılar və rəqs nömrələri ilə çıxış etmişlər. Təxminən iki saat davam edən tədbir məzunların duyğulu çıxışları və “Son zəng” sədaları altında yaddaqalan şəkildə başa çatmışdır.
Beyləqan Rayon Həmkarlar İttifaqı Komitəsinin sədri tərəfindən məktəbimizin direktoru Bülbül İskəndərova və məktəbin həmkarlar təşkilatının sədri Şahin Babirov təhsilin inkişafındakı xidmətlərinə görə fəxri fərmanlarla təltif olunmuşlar. Həmçinin 11-ci sinif üzrə buraxılış imtahanlarında yüksək nəticə göstərən məzunlar və 9-cu sinif üzrə yüksək bal toplayan şagirdlər də əldə etdikləri uğurlara görə fəxri fərmanlarla mükafatlandırılmışlar.
Məktəbimizin məzunlarını ürəkdən təbrik edir,gələcək həyatlarında uğurlar diləyirik!

15 İyun Milli Qurtuluş Günü xalqımızın birlik, həmrəylik və dövlətçilik iradəsinin təntənəsidir.
Bu əlamətdar gün münasibətilə bütün Azərbaycan xalqını təbrik edir, ölkəmizə sülh və tərəqqi arzulayıram.
Milli Qurtuluş Günü Azərbaycanın müstəqilliyinin qorunması və möhkəmlənməsi yolunda mühüm dönüş nöqtəsidir.

11.06.2026-cı il tarixində məktəb rəhbərliyinin təşəbbüsü ilə şagirdlərin və texniki işçilərin iştirakı ilə iməcilik aksiyası keçirilmişdir. Tədbirin əsas məqsədi məktəb və ətraf ərazilərdə təmizliyin təmin olunması olmuşdur. İməcilikdə iştirak edən şagirdlər böyük həvəslə və məsuliyyətlə fəaliyyət göstərmişlər. Onlar məktəbin həyətində və ətrafında olan tullantıların toplanaraq təmizlənməsində fəal iştirak etmişlər. Eyni zamanda, kənd ərazisində çirklənmiş sahələrdə də təmizlik işləri aparılmışdır. Tədbir zamanı şagirdlərə ətraf mühitin qorunmasının vacibliyi barədə məlumat verilmişdir. Bu cür fəaliyyətlər şagirdlərdə təbiətə sevgi və qayğı hissinin formalaşmasına xidmət edir. İməcilik kollektiv əməkdaşlıq və komanda ruhunun gücləndirilməsinə də müsbət təsir göstərmişdir. Keçirilən aksiya nəticəsində məktəb və ətraf ərazilər daha səliqəli və təmiz vəziyyətə gətirilmişdir. Tədbir iştirakçıları görülən işlərdən məmnun qalmış və gələcəkdə də belə təşəbbüslərdə fəal iştirak edəcəklərini bildirmişlər.

10.06.2026-cı il tarixində məktəbimizdə buraxılış imtahanlarında aşağı nəticə göstərən şagirdlərlə maarifləndirici görüş keçirilib.Görüşdə peşə təhsilinin üstünlükləri, əmək bazarındakı tələblər və gələcək karyera imkanları barədə məlumat verilib.Tədbirin məqsədi şagirdlərin gələcək təhsil seçimlərinə dəstək olmaq və peşə təhsili sahəsində məlumatlılığı artırmaqdır.

Beyləqan rayon Aqil Budaqov adına Qaradağlı kənd tam orta ümumtəhsil məktəbinin bir sıra şagirdləri "Uğur "kurslarında keçirilən sınaq imtahanından yüksək bal toplayaraq fəxri fərmanlarla təltif edilmişlər.