R.Abbasov adına Əmirli kənd tam orta məktəbi

13 İyun – “Son Zəng” tədbiri.

2025-2026-cı tədris ili üzrə IX sinif buraxılış imtahanı nəticələrinin təhlili.

Böyük summativ qiymətləndirmələr rəqəmsal formada keçirilir
2025–2026-cı tədris ilinin ll yarımilində IX sinifdə buraxılış fənləri üzrə böyük summativ qiymətləndirmə rəqəmsal formada təşkil olunub.

💻 Rəqəmsal qiymətləndirmə həm müəllimlərin vaxtına qənaət edir, həm şagirdlərdə rəqəmsal bacarıqları inkişaf etdirir, həm də kağız sərfiyyatını azaltmaqla ətraf mühitin qorunmasına dəstək verir. Digər tərəfdən elektron qiymətləndirmə daha təkmil tapşırıqlardan istifadə etmək imkanı yaradır.
📝 Qeyd edək ki, böyük summativ qiymətləndirmə Microsoft TEAMS proqramı vasitəsilə həyata keçirilir.

18 may – 18 iyun 2026-cı il tarixləri ölkə üzrə “İnsan Hüquqları Aylığı” elan edilmişdir. Bu çərçivədə insan hüquq və azadlıqlarının təbliği, vətəndaşların öz hüquqları barədə məlumatlılığının artırılması, eləcə də insan hüquqlarının müdafiəsi sahəsində mövcud çağırışlara diqqətin yönəldilməsi məqsədilə məktəb psixoloqu Vüsalə Babayeva tərəfindən maarifləndirici tədbir keçirildi.
Tədbir zamanı şagirdlərə insan hüquq və azadlıqlarının mahiyyəti, uşaq hüquqları, təhsil hüququ, bərabərlik prinsipi və qarşılıqlı hörmətin əhəmiyyəti barədə ətraflı məlumat verildi.

1 İyun – Uşaqların Beynəlxalq Müdafiəsi Günü münasibətilə tədbir keçirildi. Tədbirin məqsədi uşaqların hüquqlarının qorunması, onların sağlam, xoşbəxt və təhlükəsiz mühitdə böyüməsinin vacibliyini diqqətə çatdırmaq, şagirdlərdə humanizm və qayğıkeşlik hisslərini gücləndirmək idi.
Tədbir zamanı şagirdlər şeirlər söylədilər, mahnılar ifa etdilər, müxtəlif əyləncəli oyun və müsabiqələrdə iştirak etdilər.

Milli-mənəvi dəyərlərin təbliği, azərbaycançılıq ideyasının aşılanması və vətənpərvərlik ruhunun gücləndirilməsi məqsədilə keçirilən tədbirlər planına uyğun olaraq məktəbin Azərbaycan dili və ədəbiyyat müəllimi Aygül Tağıyeva tərəfindən görkəmli Azərbaycan şairi Mikayıl Müşfiqin "Ana" əsərindən parçalar şagirdlərə təqdim olundu.
Tədbir zamanı ana məhəbbətinin, vətənə sevginin, milli kimliyə bağlılığın və yüksək mənəvi dəyərlərin insan həyatındakı rolu vurğulandı. Şagirdlər əsərin məzmunu ilə yaxından tanış olaraq müəllifin ana obrazına bəslədiyi dərin ehtiramı və milli düşüncələrini maraqla dinlədilər.
Eyni zamanda, milli-mənəvi dəyərlərimizin qorunması, yaşadılması və gələcək nəsillərə ötürülməsinin vacibliyi barədə maarifləndirici fikirlər səsləndirildi. Bu kimi tədbirlər şagirdlərin milli ruhda formalaşmasına, mənəvi dəyərlərə hörmətlə yanaşmasına və Vətənə bağlı vətəndaşlar kimi yetişməsinə mühüm töhfə verir.

28 May Müstəqillik Günü münasibətilə tədbir keçirilib. Tədbirin məqsədi şagirdlərdə vətənpərvərlik hisslərinin gücləndirilməsi, dövlətçilik ənənələrinin təbliği və Azərbaycanın müstəqillik tarixinin öyrənilməsi olub.

“Tanınmış şəxsiyyətlər təqvimi” çərçivəsində məktəbin musiqi müəllimi İbrahimova Lalə tərəfindən Fikrət Əmirovun həyat və yaradıcılığına həsr olunmuş maraqlı layihə təqdim olundu.
Layihə zamanı şagirdlər böyük bəstəkarın zəngin sənət dünyasına səyahət edərək onun Azərbaycan musiqi mədəniyyətinə verdiyi dəyərli töhfələr, yaratdığı simfonik muğamlar və dünya şöhrəti qazanmış musiqi əsərləri haqqında geniş məlumat əldə etdilər. Bəstəkarın “Şur”, “Kürd Ovşarı” və “Gülüstan-Bayatı-Şiraz” kimi məşhur əsərləri dinlənilərək onların musiqi xüsusiyyətləri və milli musiqimizin inkişafındakı rolu izah olundu.
Layihə çərçivəsində şagirdlər Fikrət Əmirovun yaradıcılığının Azərbaycan musiqi sənətinin dünya miqyasında tanınmasına verdiyi töhfələri də öyrəndilər.
Bu cür layihələrin keçirilməsində əsas məqsəd şagirdlərin dünyagörüşünü zənginləşdirmək, onlarda milli-mənəvi dəyərlərə, musiqi sənətinə maraq oyatmaq, estetik zövq və yaradıcılıq bacarıqlarını inkişaf etdirməkdir.

Həm öyrənirik, həm əylənirik!

Məktəbin II sinif şagirdləri “Saatı öyrənirik” mövzusunda maraqlı və əyləncəli videoçarx hazırlayıblar.
Şagirdlər müxtəlif oyunlar, tapşırıqlar və təqdimatlar vasitəsilə saatın quruluşunu, əqrəblərin funksiyalarını və vaxtın necə təyin olunduğunu öyrəniblər.
Hazırlanan videoçarx uşaqların həm biliklərini möhkəmləndirməsinə, həm də vaxtlarını səmərəli və maraqlı keçirməsinə şərait yaradıb.
Şagirdlər bir daha sübut etdilər ki, həm öyrənmək, həm də əylənmək mümkündür! ⏰📚🎉

Saatı öyrənirik Enjoy the videos and music you love, upload original content, and share it all with friends, family, and the world on YouTube.

Azərbaycan dili dərslərində
kollektiv mütaliənin təşkili : “Oxu dəqiqələri”
“Oxu dəqiqələri” Azərbaycan dili dərslərində:
✔️ dərsin effektivliyini artırır
✔ şagirdlərin dil bacarıqlarını möhkəmləndirir
✔ mütaliəyə maraq və sevgi yaradır